Դորսոդուրո

Դորսոդուրո; իտալ.՝ Dorsoduro
	Պունտա դելլա Դոգանա արվեստի թանգարանը և Սանտա Մարիա դելլա Սալյուտե տաճարը
Երկիր	Իտալիա
Կարգավիճակ	սեստիերե
Մտնում է	Վենետիկ
Ժամային գոտի	UTC+1 և UTC+2
	Դորսոդուրո Վիքիպահեստում

Դորսոդուրո (իտալ.՝ Dorsoduro՝ «Ուժեղ, դիմացկուն մեջք, կոշտ ողնաշար»^[1]), Վենետիկի վեց պատմական շրջաններից մեկը։ Գտնվում է քաղաքի կենտրոնի և ծովածոցի միջև։

Անվանում

Անունն առաջացել է քաղաքի այս հատվածի կոշտ հողից և համեմատաբար բարձր ափից^[1]։

Աշխարհագրություն

Շրջանի կազմում են նաև Ջուդեկկա և Սակկա Ֆիզոլա կղզիները։ Շրջանի կենտրոնն Անբուժելիների առափնյա փողոցն է, որը ձգվում է Ջուդեկկա ջրանցքի երկայնքով։ Վենետիկի այս հարավային ափը սկսվել է կառուցվել 6-րդ դարից։

19-րդ դարում Մեծ ջրանցքի վրա կառուցված Ակադեմիայի կամուրջը կապեց Դորսոդուրո և Սան Մարկո շրջանները։

Դորսոդուրոն Վենետիկի «արտիստիկ» շրջանն է։ Նրա արևելյան մասում կան արվեստի մի քանի պատկերասրահներ և թանգարաններ, այդ թվում՝ Ակադեմիայի պատկերասրահը և Փեգի Գուգենհայմի հավաքածուն։ Արևմտյան մասում բնակելի թաղամասեր են։