Դարյա Դոմրաչևա

Դարյա Դոմրաչևա
Անձնական տեղեկություն
Սեռ՝	իգական
Բնօրինակ անուն՝	Дар’я Уладзіміраўна Домрачава
Մականուն(ներ)՝	Բելառուսցի հրթիռ[1]
Ազգություն՝	բելառուս
Մասնագիտացում՝	բիաթլոնիստ
Երկիր՝	Բելառուս,  ԽՍՀՄ և  Ռուսաստան
Ծննդյան ամսաթիվ՝	օգոստոսի 3, 1986(1986-08-03)[2][3] (38 տարեկան)
Ծննդավայր՝	Մինսկ, Բելառուսական ԽՍՀ, ԽՍՀՄ[4]
Ակումբ՝	Դինամո Մինսկ
Հասակ՝	168 սմ
Քաշ՝	58 կգ
Պարգևներ Օլիմպիական խաղեր Բրոնզ Վանկուվեր 2010 անհատական մրցավազք 15 կմ Ոսկի Սոչի 2014 հետապնդում 10 կմ Ոսկի Սոչի 2014 անհատական մրցավազք 15 կմ Ոսկի Սոչի 2014 մասս-մեկնարկ 12,5 կմ Արծաթ Փհենչհան 2018 մասս-մեկնարկ 12,5 կմ Ոսկի Փհենչհան 2018 էստաֆետ 4×6 կմ Աշխարհի առաջնություններ Արծաթ Էստերսունդ 2008 խառը էստաֆետ Արծաթ Խանտի-Մանսիյսկ 2011 մասս-մեկնարկ 12,5 կմ Բրոնզ Խանտի-Մանսիյսկ 2011 էստաֆետ 4×6 կմ Արծաթ Ռուպոլդինգ 2012 սպրինտ 7,5 կմ Ոսկի Ռուպոլդինգ 2012 հետապնդում 10 կմ Ոսկի Նովե Մեստո 2013 մասս-մեկնարկ 12,5 կմ Արծաթ Հոխֆիլցեն 2017 հետապնդում 10 կմ Եվրոպայի առաջնություններ Ոսկի Բանսկո 2007 սպրինտ 7,5 կմ Ոսկի Բանսկո 2007 էստաֆետ 4×6 կմ Ունիվերսիադա Արծաթ Ինսբրուք 2005 էստաֆետ 3×6 կմ Ոսկի Թուրին 2007 սպրինտ 7,5 կմ

Դարյա Վլադիմիրովնա Դոմրաչևա (բելառուս․՝ Дар’я Уладзіміраўна Домрачава, օգոստոսի 3, 1986(1986-08-03)^[2][3], Մինսկ, Բելառուսական ԽՍՀ, ԽՍՀՄ^[4]), բելառուս բիաթլոնիստ, Օլիմպիական խաղերի քառակի չեմպիոն (միակը կին բիաթլոնիստների շարքում), աշխարհի կրկնակի չեմպիոն (2012 և 2013), 2014/15 աշխարհի գավաթակիր, Բիաթլոնի աշխարհի գավաթի 5 փոքր Բյուրեղապակե գլոբուսների դափնեկիր, Բելառուսի Հանրապետության սպորտի վաստակավոր վարպետ։ Ամենաշատ տիտղոսներն ունեցող բելառուս մարզուհին Ձմեռային օլիմպիական խաղերի պատմության մեջ, ինչպես նաև առաջին կին բիաթլոնիստն աշխարհում, որ դարձել է Օլիմպիական խաղերի եռակի չեմպիոն՝ երեք անգամ հաղթելով անհատական մրցավազքերում։ 2014 թվականի Ձմեռային օլիմպիական խաղերում ոսկե մեդալի արժանանալու օրը նրան շնորհվել է «Բելառուսի հերոսի» կոչում^[5], և նա դարձել է առաջին կինը երկրի պատմության մեջ, որ արժանացել է Բելառուսի Հանրապետության բարձրագույն պարգևին։

Դրյա Դոմրաչևան ծնվել է 1986 թվականին Մինսկում, ճարտարապետների ընտանիքում։ Չորս տարի անց ծնողների հետ միասին տեղափոխվել է Սիբիր՝ նոր կառուցվող Նյագան քաղաք։ Զբաղվել է պարով և բասկետբոլով, իսկ 1992 թվականին ավագ եղբոր օրինակով սկսել է զբաղվել դահուկավազքով։ Գրեթե ողջ ժամանակը հատկացնելով մարզումներին, հավաքներին ու մրցումներին՝ դպրոցում ցուցաբերել է լավ առաջադիմություն։ Ամառային արձակուրդներն անցկացրել է Մինսկում։

1999 թվականին սկսել է զբաղվել բիաթլոնով։ Նրա առաջին մարզիչը եղել է Ալբերտ Մուսինը^[6]։

Ավարտել է գիմնազիա, որտեղ սովորել է տնտեսագիտական-իրավագիտական դասարանում, ապա ընդունվել Տյումենի համալսարանի մարզական մենեջմենթի ֆակուլտետ։ 2003 թվականին ընտանիքի հետ վերադարձել է Մինսկ։ Բելառուսի պետական տնտեսագիտական համալսարանում մարզական մենեջմենթի ֆակուլտտե չլինելու պատճառով Դոմրաչևան տեղափոխվել է զբոսաշրջության կառավարման ամբիոն։ 2009 թվականին պաշտպանել է ավարտական աշխատանքը «Գովազդը զբոսաշրջության բնագավառում»։ Նույն թվականին կրկին դարձել է Բելառուսի պետական տնտեսագիտական համալսարանի ուսանողուհի՝ սովորելով «Տնտեսական իրավունք» և 2015 թվականին ստանալով բարձրագույն կրթության երկրորդ դիպլոմը։

2010 թվականին Դարյա Դոմրաչևան ներկայացրել է հեղինակային կինոժապավեն՝ «Դարյա Դոմրաչևա։ Ներկայացնելով Բելառուսը»։ Ֆիլմը նկարահանվել է վիդեոօրագրի ձևաչափով։ Ռեժիսորը և համահեղինակը Մաքս Սուբոտինն է^[7]։

Մինչև 2014 թվականի հունիս Դարյա Դոմրաչևան ծառայել է Բելառուսի Պետական անվտանգության կոմիտեում, քանի որ Բիաթլոնի ֆեդերացիան կցված է այդ վարչությանը։ Ըստ ֆիզկուլտուրա-մարզական «Դինամո» միության պաշտոնական կայքում ներկայացված կենսագրության՝ ունի ավագ լեյտենանտի կոչում^[8][9]։

Կարիերայի սկզբում Դարյա Դոմրաչևան հանդես է եկել Ռուսաստանի դրոշի ներքո, սակայն 2004 թվականի սկզբում Ռուսաստանի բիաթլոնիստների միության ղեկավար Ալեքսանդր Տիխոնովը հայտարարել է, որ նա հեռանկարային չէ և հանձնարարել հեռացնել հավաքականից։ Շուտով Բելառուսի կանանց հավաքականի ավագ մարզիչը Դոմրաևչային առաջարկել է հանդես գալ Բելառուսի դրոշի ներքո։ Դոմրաչևան համաձայնել է ու շուտով սկսել մարզվել հավաքականի կազմում, սակայն նրա կազմում հանդես գալու թույլտվությանը նա սպասել է շուրջ մեկ տարի Ռուսաստանի բիաթլոնիստների միության ղեկավարի դիրքորոշման պատճառով, որը կոնֆլիկտ ուներ Դոմրաչևայի հետ։ Այդ ժամանակ Դոմրաչևան արդեն բազմիցս դարձել էր Ռուսաստանի չեմպիոն պատանիների շարքում, մրցանակի արժանացել եվրոպական մակարդակում և դարձել 15-րդը 2004 թվականի աղջիկների աշխարհի առաջնության անհատական մրցավազքում^[10]։ Ավելի ուշ Դոմրաչևան հայտարարել է, որ մանկուց ցանկացել է նեկայացնել Բելառուսը, քանի որ ունի բելառուսական արմատներ^[11]։

Բելառուսի հավաքականի կազմում առաջին խոշոր միջազգային մեկնարկը եղել է 2005 թվականի աշխարհի պատանեկան առաջնության ժամանակ, երբ Դոմրաչևան առաջին մրցավազքում (անհատական) դարձել է 40-րդը^[12]։ Դիոպտրի պոկվելու պատճառով մարզուհին երրորդ հրաձգության ժամանակ հինգ հնարավորից հինգն էլ վրիպել է։ Հաջորդ երկու մրցավազքերում՝ սպրինտում^[13] և հետապնդումում^[12], Դոմրաչևան հաղթել է։ Մեկ տարի անց նույն առաջնությունում նա արժանացել է միայն բրոնզե մեդալի հետապնդման մրցավազքում։

Աշխարհի գավաթ խաղարկությունում իր նորամուտը Դարյա Դոմրաչևան կատարել է 2006 թվականի դեկտեմբերի 1-ին (2006/07 մրցաշրջան) Շվեդիայի Էստերսուն քաղաքում, որտեղ սպրինտում գրավել է 16-րդ տեղը^[14] (դառնալով երկրորդը բելառուս հինգ մարզուհիների շարքում)։ 2007 թվականի աշխարհի պատանեկան առաջնությունում նա սպրինտում և հետապնդման մրցավազքում զբաղեցրել է երկրորդ տեղը։

2008/09 մրցաշրջանում Դարյա Դոմրաչևան սկսել է պարբերաբար ընդգրկվել մրցավազքերի լավագույն տասը մարզիկների շարքում։ Օբերհոֆում կայացած էտապում Դոմրաչևան մասս-մեկնարկում եղել է առաջինը՝ երկրորդ կրակային սահմանին հասնելով առաջինը, սակայն պառկած կրակելու փոխարեն կրակել է կանգնած^[15]՝ վրիպելով բոլոր կրակոցները։ Նա ստիպված է եղել դադարեցնել մրցավազքը։ Աշխարհի գավաթի խաղարկության հինգերորդ էտապի շրջանակներում նա առաջին անգամ կարողացել է բարձրանալ պատվո հարթակ անհատական մրցավազքից հետո՝ գրավելով երրորդ տեղը^[16]։ Այդ հաջողությանը հաջորդել են ևս երկու պատվո հարթակներ։

Մեկ տարի անց Օբերհոֆում Դոմրաչևան մասս-մեկնարկում եղել է մրցավազքի առաջատարը երրորդ հրաձգությունից առաջ՝ ունենալով մեծ առավելություն։ Սակայն երեք կրակոցներն ուղղվել են ուրիշի թիրախին։ Հասկանալով սխալը՝ Դոմրաչևան կրակել է իր թիրախին, բայց ստացած չորս տուգանային շրջանները թույլ չեն տվել պայքարել հաղթանակի համար։

2009-2010 թվականների Աշխարհի գավաթի խաղարկության՝ Կոնտիոլ��խտիում անցկացված էտապում Դոմրաչևան հաղթել է սպրինտում, ապա նաև հետապնդման մրցավազքում։ Հաջորդ էտապում (Հոլմենկոլեն) զբաղեցրել է երկրորդ տեղը անհատական մրցավազքերում՝ զիջելով միայն գեմանուհի Սիմոնա Հաուսվալդին։

2010/11 թվականների մրցաշրջանում Խանտի-Մանսիյսկում անցկացվող աշխարհի առաջնությունում Դոմրաչևան նվաճել է երկու մեդալ՝ արծաթ մասս-մեկնարկում և բրոնզ էստաֆետում։ 2010-2011 թվականների Աշխարհի գավաթի խաղարկության ընդհանուր հաշվարկում զբաղեցրել է վեցերորդ տեղը։

2011/12 թվականների մրցաշրջանը դարձել է լավագույնը Դոմրաչևայի կարիերայում։ Աշխարհի գավաթի խաղարկությունում նա առաջին անգամ որպես հավասար մրցակցել է համաշխարհային բիաթլոնի առաջատար գերմանուհի Մագդալենա Նոյների հետ։ Նոյները 2011-2012 թվականների մրցաշրջանը հայտարարել էր վերջինն իր կարիերայում և ձգտում էր հաղթել բոլոր կատեգորիաներում, սակայն Մեծ բյուրեղապակե գլոբուսի համար պայքարը շարունակվել է մինչև մրցաշրջանի ավարտը։ Դոմրաչևան ցուցաբերել է նույնպիսի արագություն, ինչ Նոյները։ Հրաձգության ժամանակ նույնպես Դոմրաչևան ցուցաբերել է հաստատունություն։ Տասնութ անգամ նա բարձրացել է պատվո հարթակ մրցաշրջանի տարբեր մցավազքերից հետո։ Իր կարիերայում առաջին անգամ դարձել է աշխարհի չեմպիոն՝ նվաճելով ոսկե մեդալ Ռուփոլդինգում անցկացված աշխարհի առաջնության հետապնդման մրցավազքում։ Մրցաշրջանի արդյունքներով՝ Դոմրաչևան զբաղեցրել է երկրորդ տեղը Աշխարհի գավաթի խաղարկության ընդհանուր հաշվարկում՝ Նոյներից հետ մնալով 28 միավորով, նվաճել է երկու Փոքր բյուրեղապակե գլոբուսներ հետապնդման մրցավազքում և մասս-մեկնարկում, եղել է երկրորդը սպրինտում և երրորդը անհատական մրցավազքերում։

2012/13 թվականների գավաթային մրցաշրջանից առաջ Դոմրաչևան համարվել է ֆավորիտ։ Սակայն արդյունքները եղել են ոչ միանշանակ։ Հիանալի մեկնարկները զուգակցվել են բացահայտ ձախողումների հետ։ Անհաջողությունների հիմնական պատճառը դարձել է ոչ կայուն հրաձգությունը, իսկ արագության տեսանկյունից նա մնում էր լավագույններից մեկը։ Չեխիայի Նովե Մեստո քաղաքում անցկացված աշխարհի առաջնությունում Դոմրաչևան նվաճել է իր կարիերայի երկրորդ ոսկե մեդալը՝ հաղթելով մասս-մեկնարկում։ 2012/13 թվականների մրցաշրջանում նա ընդհանուր առմամբ հաղթել է Աշխարհի գավաթի խաղարկության երեք մրցավազքերում և ինը անգամ բարձրացել պատվո հարթակ։ Ընդհանուր հաշվարկում կրկնել է նախորդ տարվա ցուցանիշը՝ մրցաշրջանն ավարտելով երկրորդ տեղում։

Դարյա Դոմրաչևան առաջին անգամ օլիմպիական չեմպիոն է դարձել 2014 թվականի փետրվարի 11-ին՝ 2014 թվականին Սոչիում անցկացված Ձմեռային օլիմպիական խաղերում հաղթելով 10 կմ հետապնդման մրցավազքում։ Զբաղեցնելով 9-րդ տեղը և փետրվարի 9-ի սպրինտի արդյունքներով զիջելով այդ ծրագրի հաղթող Անաստասիա Կուզմինային 31,8 վ, արծաթե մեդալակիր Օլգա Վիլուխինային 11,9 վ և բրոնզե մեդալակիր Վիտա Սեմերենկոյին 10,1 վ՝ Դոմրաչևան երկրորդ հրաձգությունից հետո դարձել է մրցավազքի առաջատար, ընդ որում՝ հետագայում ամեն մի հրաձգությունից հետո ավելի է մեծացրել առավելությունը։ Միայն վերջին՝ չորրորդ հրաձգության ժամանակ, մյուսներից առաջ լինելով ավելի քան 40 վ, նա վրիպել է վերջին՝ 20-րդ կրակոցը, ինչը չի խանգարել վերջին շրջանն ավարտել որպես բացարձակ առաջատար։

Փետրվարի 14-ին Դոմրաչևան նվաճել է իր երկրորդ ոսկե մեդալը՝ հաղթելով 15 կմ անհատական մրցավազքում․ նա թույլ է տվել մեկ վրիպում երկրորդ հրաձգության ժամանակ և ցույց է տվել հիանալի արագություն։

Ռեկորդային մրցանակը նվաճել է մասս-մեկնարկում, որի ընթացքում թույլ է տվել միայն մեկ վրիպում։ Նույն օրը Բելառուսի նախագահ Ալեքսանդր Լուկաշենկոն Դոմրաչևային շնորհել է «Բելառուսի հերոսի» կոչում^[17]։

2013/14 մրցաշրջանում Դարյա Դոմրաչևան բաց է թողել մեկ էտապ^[18] Օլիմպիական խաղերից առաջ։ Բացի այդ՝ նույն թվականի սկսել է գործել նոր կանոն, համաձայն որի՝ Օլիմպիական խաղերի շրջանակներում անցկացված մրցավազքերի արդյունքները չեն ներառվել Աշխարհի գավաթի համար միավորների հաշվարկում։ Չնայած դրան՝ մրցաշրջանի արդյունքներով նա զբաղեցրել է երրորդ տեղը և արժանացել Փոքր բյուրեղապակե գավաթի մասս-մեկնարկում։

2014/15 մրցաշրջանում՝ Խանտի-Մանսիյսկում անցկացվող Աշխարհի գավաթի խաղարկության եզրափակիչ էտապում, Դոմրաչևան իր կարիերայում առաջին անգամ հաղթել է ընդհանուր հաշվարկում՝ առաջ անցնելով իր գլխավոր հակառակորդ Կայսա Մյակյարյայնենից։

Հիվանդության պատճառով (մոնոնուկլեոզ), որ ախտորոշվել է հուլիսին, Դոմրաչևան որոշել է բաց թողնել 2015/16 մրցաշրջանը^[19][20][21]։ Հղիության և երեխայի ծննդի պատճառով բաց է թողել 2016/2017 Աշխարհի գավաթի խաղարկության առաջին երեք էտապները։ Բիաթլոնին վերադարձել է 2017 թվականի հունվարի 6-ին՝ մասնակցելով Աշխարհի գավաթի խաղարկության՝ Օբերհոֆում անցկացված էտապին։

2018 թվականին Փհենչհանում անցկացված Ձմեռային օլիմպիական խաղերում Դարյա Դոմրաչևան մասս-մեկնարկում արժանացել է արծաթե^[22], իսկ էստաֆետում՝ ոսկե^[23][24] մեդալների։

Բելառուսկան սպորտի պատմության մեջ Դարյա Դոմրաչևան ընդգրկված է մեկ Օլիմպիադայի ընթացքում ամենաշատ ոսկե մեդալներ նվաճած մարզիկների շարքում Վիտալի Շչերբոյի (6 մեդալ, 1992 թվականի Օլիմպիական խաղեր), Օլգա Կորբուտի (3 մեդալ, 1972) և Վլադիմիր Պարֆենովիչի (3 մեդալ, 1980)։ Դոմրաչևան առաջին բելառուս մարզիկն է, որ Ձմեռային մեկ օլիմպիադայի ընթացքում նվաճել է երեք ոսկե մեդալ, ինչպես նաև առաջինն է, որ մեկ Օլիմպիադայի ընթացքում երեք ոսկե մեդալներ է նվաճել Բելառուսի հավաքականի կազմում հանդես գալու ժամանակ (Օլգա Կորբուտն ու Վլադիմիր Պարֆենովիչը հանդես են եկել ԽՍՀՄ հավաքականի, Վիտալի Շչերբոն՝ Միացյալ թիմի կազմում)։

2016 թվականի ապրիլի 5-ին հայտնի է դարձել, որ Դոմրաչևան երեխայի է սպասում նորվեգացի բիաթլոնիստ Ուլե Էյնար Բյորնդալենից^[25]։ 2016 թվականի հուլիսի 16-ին Դոմրաչևան ու Բյորնդալենն ամուսնացել են^[26]։ Նույն թվականի հոկտեմբերի 1-ին Մինսկում^[27] ծնվել է նրանց դուստրը՝ Քսենյան^[28]։

#	Ամսաթիվ	Վայր	Մարզաձև	Նշումներ
1.	13 մարտի, 2010	Կոնտիոլախտի	Սպրինտ	Աշխարհի գավաթ
2.	14 մարտի, 2010	Կոնտիոլախտի	Հետապնդ.	Աշխարհի գավաթ
3.	20 մարտի, 2011	Հոլմենկոլեն	Մասս-մեկնարկ	Աշխարհի գավաթ
4.	1 դեկտեմբերի, 2011	Էստերսունդ	Անհատ.	Աշխարհի գավաթ
5.	10 դեկտեմբերի, 2011	Հոխֆիլցեն	Հետապնդ.	Աշխարհի գավաթ
6.	22 հունվարի, 2012	Անտերսելվա	Մասս-մեկնարկ	Աշխարհի գավաթ
7.	4 մարտի, 2012	Ռուփոլդինգ	Հետապնդ.	Աշխարհի առաջնություն
8.	17 մարտի, 2012	Խանտի-Մանսիյսկ	Հետապնդ.	Աշխարհի գավաթ
9.	18 մարտի, 2012	Խանտի-Մանսիյսկ	Մասս-մեկնարկ	Աշխարհի գավաթ
10.	7 դեկտեմբերի, 2012	Հոխֆիլցեն	Սպրինտ	Աշխարհի գավաթ
11.	17 փետրվարի, 2013	Նովե Մեստո	Մասս-մեկնարկ	Աշխարհի առաջնություն
12.	7 մարտի, 2013	Սոչի	Անհատ.	Աշխարհի գավաթ
13.	3 հունվարի, 2014	Օբերհոֆ	Սպրինտ	Աշխարհի գավաթ
14.	4 հունվարի, 2014	Օբերհոֆ	Հետապնդ.	Աշխարհի գավաթ
15.	11 փետրվարի, 2014	Սոչի	Հետապնդ.	ՕԻ
16.	14 փետրվարի, 2014	Սոչի	Անհատ.	ՕԻ
17.	17 փետրվարի, 2014	Սոչի	Մասս-մեկնարկ	ՕԻ
18.	9 մարտի, 2014	Պոկլյուկա	Մասս-մեկնարկ	Աշխարհի գավաթ
19.	20 մարտի, 2014	Հոլմենկոլեն	Սպրինտ	Աշխարհի գավաթ
20.	4 դեկտեմբերի, 2014	Էստերսունդ	Անհատ.	Աշխարհի գավաթ
21.	20 դեկտեմբերի, 2014	Պոկլյուկա	Հետապնդ.	Աշխարհի գավաթ
22.	11 հունվարի, 2015	Օբերհոֆ	Մասս-մեկնարկ	Աշխարհի գավաթ
23.	18 հունվարի, 2015	Ռուփոլդինգ	Մասս-մեկնարկ	Աշխարհի գավաթ
24.	23 հունվարի, 2015	Անտերսելվա	Սպրինտ	Աշխարհի գավաթ
25.	24 հունվարի, 2015	Անտերսելվա	Հետապնդ.	Աշխարհի գավաթ
26.	8 փետրվարի, 2015	Նովե Մեստո	Հետապնդ.	Աշխարհի գավաթ
27.	14 փետրվարի, 2015	Հոլմենկոլեն	Սպրինտ	Աշխարհի գավաթ
28.	21 մարտի, 2015	Խանտի-Մանսիյսկ	Հետապնդ.	Աշխարհի գավաթ
29.	8 դեկտեմբերի, 2017	Հոխֆիլցեն	Սպրինտ	Աշխարհի գավաթ
30.	21 հունվարի, 2018	Անտերսելվա	Մասս-մեկնարկ	Աշխարհի գավաթ

Տարի	Վայր	Սպրինտ	Հետապնդ.	Անհատ.	Մասս-մեկնարկ	Էստաֆետ	Խառը էստաֆետ
2007	Անտհոլց-Անտերսելվա	13	22	—	DNF	5	13
2008	Էստերսունդ	46	25	—	—	5
2009	Փհենչհան	53	5	11	6	4	9
2010	Խանտի-Մանսիյսկ	մրցավազքերը չեն անցկացվել Օլիմպիական խաղերի պատճառով					9
2011	Խանտի-Մանսիյսկ	26	35	19			10
2012	Ռուփոլդինգ			25	5	4	6
2013	Նովե Մեստո	43	25	33		7	11
2015	Կոնտիոլախտի	25	7	16	4	7	4
2017	Հոխֆիլցեն	27		13	19	9	—

Տարի	Վայր	Սպրինտ	Հետապնդ.	Անհատ.	Մասս-մեկնարկ	Խառը էստաֆետ	Էստաֆետ
2010	Վանկուվեր	8	15		6	-	7
2014	Սոչի	8				—	4
2018	Փհենչհան	9	37	27		5

Գավաթի խաղարկությունում ելույթների վիճակագրություն

2017/2018 Արդյունքներ Էստորսունդ Հոխֆիլցեն Անսի Օբերհոֆ Ռուփոլդինգ Անտհոլց Փհենչհան (*) Կոնտիոլախտի Հոլմենկոլեն Տյումեն Միավոր Տեղ ՄԽԷ ԽԷ Անհ Սպր Հետ Սպր Հետ Էստ Սպր Հետ ՄՄ Սպր Հետ Էստ Անհ Էստ ՄՄ Սպր Հետ ՄՄ Սպր Հետ Անհ ՄՄ ԽԷ Էստ Սպր ՄԽԷ ԽԷ ՄՄ Սպր Հետ Էստ Սպր Հետ ՄՄ 436 5 — 11 14 DNF — 1 3 7 — — — 7 6 15 6 13 6 4 3 1 9 37 27 2 5 1 2016/2017 Արդյունքներ Էստերսունդ Պոկլյուկա Նովե Մեստո Օբերհոֆ Ռուփոլդինգ Անտհոլց ԱԱ Հոխֆիլցեն Փհենչհան Կոնտիոլախտի Հոլմենկոլեն Միավոր Տեղ ՄԽԷ ԽԷ Անհ Սպր Հետ Սպր Հետ Էստ Սպր Հետ ՄՄ Սպր Հետ ՄՄ Էստ Սպր Հետ Անհ ՄՄ Էստ ԽԷ Սպր Հետ Անհ Էստ ՄՄ Սպր Հետ Էստ Սպր Հետ ՄԽԷ ԽԷ Սպր Հետ ՄՄ 394 24 — — — — — — — — — — — 37 34 — 8 13 DNS 27 — 6 — 27 2 13 9 19 20 13 10 3 4 — — 21 12 8 2014/2015 Արդյունքներ Էստերսունդ Հոխֆիլցեն Պոկլյուկա Օբերհոֆ Ռուփոլդինգ Անտհոլց Նովե Մեստո Հոլմենկոլեն ԱԱ Կոնտիոլախտի Խանտի-Մանսիյսկ Միավոր Տեղ ԽԷ Անհ Սպր Հետ Սպր Էստ Հետ Սպր Հետ ՄՄ Էստ Սպր ՄՄ Էստ Սպր ՄՄ Սպր Հետ Էստ ՄԽԷ ԽԷ Սպր Հետ Անհ Սպր Էստ ԽԷ Սպր Հետ Անհ Էստ ՄՄ Սպր Հետ ՄՄ 1092 1 11 1 5 4 8 2 13 6 1 DNF 3 18 1 2 2 1 1 1 6 — 11 4 1 2 1 — 4 25 7 16 7 4 3 1 4 2013/2014 Արդյունքներ Էստերսունդ Հոխֆիլցեն Անսի Օբերհոֆ Ռուփոլդինգ Անտհոլց ՕԽ Սոչի (*) Պոկլյուկա Կոնտիոլախտի Հոլմենկոլեն Միավոր Տեղ ԽԷ Անհ Սպր Հետ Սպր Էստ Հետ Էստ Սպր Հետ Սպր Հետ ՄՄ Էստ Անհ Հետ Սպր Հետ Էստ Սպր Հետ Անհ ՄՄ ԽԷ Էստ Սպր Հետ ՄՄ Սպր Սպր Հետ Սպր Հետ ՄՄ 793 3 8 6 4 отм 36 7 11 — — — 1 1 3 — 2 12 3 5 — 8 1 1 1 — 4 28 4 1 37 20 2 1 5 4 2012/2013 Արդյունքներ Էստերսունդ Հոխֆիլցեն Պոկլյուկա Օբերհոֆ Ռուփոլդինգ Անտհոլց ԱԱ Նովե Մեստո Հոլմենկոլեն Сочи Խանտի-Մանսիյսկ Միավոր Տեղ ԽԷ Անհ Սպր Հետ Սպր Հետ Էստ Սպր Հետ ՄՄ Էստ Սպր Հետ Էստ Սպր ՄՄ Սպր Հետ Էստ ԽԷ Սպր Հետ Անհ Էստ ՄՄ Սպր Հետ ՄՄ Անհ Սպր Էստ Սպր Հետ ՄՄ 924 2 12 2 7 2 1 5 7 DNS — 21 8 10 5 8 2 2 3 10 7 11 43 25 33 7 1 2 5 3 1 5 8 13 11 23 2011/2012 Արդյունքներ Էստերսունդ Հոխֆիլցեն Հոխֆիլցեն Օբերհոֆ Նովե Մեստո Անտհոլց Հոլմենկոլեն Կոնտիոլախտի ԱԱ Ռուփոլդինգ Խանտի-Մանսիյսկ Միավոր Տեղ Անհ Սպր Հետ Սպր Հետ Էստ Սպր Հետ ԽԷ Էստ Սպր ՄՄ Անհ Սպր Հետ Սպր Էստ ՄՄ Սպր Հետ ՄՄ ԽԷ Սպր Հետ ԽԷ Սպր Հետ Անհ Էստ ՄՄ Սպր Հետ ՄՄ 1188 2 1 5 16 5 1 5 2 3 10 5 2 7 5 10 4 3 2 1 2 3 2 — 3 3 6 2 1 25 4 5 3 1 1 2010/2011 Արդյունքներ Էստերսունդ Հոխֆիլցեն Պոկլյուկա Օբերհոֆ Ռուփոլդինգ Անտհոլց Փրեսք Այլ Ֆորտ Կենտ ԱԱ Խանտի-Մանսիյսկ Հոլմենկոլեն Միավոր Տեղ Անհ Սպր Հետ Սպր Էստ Հետ Անհ Սպր ԽԷ Էստ Սպր ՄՄ Անհ Սպր Հետ Սպր Էստ ՄՄ Սպր ԽԷ Հետ Սպր Հետ ՄՄ ԽԷ Սպր Հետ Անհ ՄՄ Էստ Սպր Հետ ՄՄ 862 6 35 3 8 2 7 3 18 21 — 3 4 15 48 14 13 60 4 3 11 — 3 6 8 3 10 26 35 19 2 3 3 2 1 2009/2010 Արդյունքներ Էստերսունդ Հոխֆիլցեն Պոկլյուկա Օբերհոֆ Ռուփոլդինգ Անտհոլց ՕԽ Վանկուվեր Կոնտիոլախտի Հոլմենկոլեն Խանտի-Մանսիյսկ Միավոր Տեղ Անհ Սպր Էստ Սպր Հետ Էստ Անհ Սպր Հետ Էստ Սպր ՄՄ Սպր ՄՄ Էստ Անհ Սպր Հետ Սպր Հետ Անհ ՄՄ Էստ ԽԷ Սպր Հետ Սպր Հետ ՄՄ Սպր ՄՄ ԽԷ 770 6 3 57 9 28 20 10 16 4 6 6 27 9 4 7 — — — — 8 15 3 6 7 4 1 1 2 2 8 19 14 9 2008/2009 Արդյունքներ Էստերսունդ Հոխֆիլցեն Հոխֆիլցեն Օբերհոֆ Ռուփոլդինգ Անտհոլց ԱԱ Փհենչհան Ուիստլեր Տրոնհեյմ Խանտի-Մանսիյսկ Միավոր Տեղ Անհ Սպր Հետ Սպր Հետ Էստ Սպր Անհ Էստ Էստ Սպր ՄՄ Էստ Սպր Հետ Սպր Հետ ՄՄ Սպր Հետ Անհ ԽԷ ՄՄ Էստ Անհ Սպր Էստ Սպր Հետ ՄՄ Սպր Հետ ՄՄ 776 7 9 10 7 7 DNF 6 16 16 5 7 6 DNF 7 3 9 2 3 19 53 5 11 9 4 6 — 10 8 9 6 4 8 21 4 2007/08 Արդյունքներ Կոնտիոլախտի Հոխֆիլցեն Պոկլյուկա Օբերհոֆ Ռուփոլդինգ Անտհոլց ԱԱ Էստերսունդ Փհենչհան Խանտի-Մանսիյսկ Հոլմենկոլեն Միավոր Տեղ Անհ Սպր Հետ Սպր Հետ Էստ Անհ Սպր Էստ Էստ Սպր ՄՄ Էստ Սպր Հետ Սպր Հետ ՄՄ Սպր Հետ ԽԷ Անհ ՄՄ Էստ Սպր Հետ ԽԷ Սպր Հետ ՄՄ Սպր Հետ ՄՄ 226 26 — 35 30 14 DNF 9 — 41 12 5 14 — 8 25 DNS 11 28 16 46 25 2 — — 5 23 17 — 7 7 — 14 13 20 2006/07 Արդյունքներ Էստերսունդ Հոխֆիլցեն Հոխֆիլցեն Օբերհոֆ Ռուփոլդինգ Պոկլյուկա ԱԱ Անտհոլց Լախտի Հոլմենկոլեն Խանտի-Մանսիյսկ Միավոր Տեղ Անհ Սպր Հետ Սպր Հետ Էստ Սպր Սպր Էստ Էստ Սպր Հետ Էստ Սպր ՄՄ Սպր Հետ ՄՄ Սպր Հետ Անհ ԽԷ ՄՄ Էստ Անհ Սպր Հետ Սպր Հետ ՄՄ Սպր Հետ ՄՄ 297 22 — 16 21 5 9 6 — 26 6 5 30 DNS — 13 — — — — 13 22 — 13 DNF 5 — 9 19 9 7 — 21 6 23 Անհ — անհատական մրցավազք Հետ — հետապնդման մրցավազք Սպր — սպրինտ ՄՄ — մասս-մեկնարկ Էստ — էստաֆետ ԽԷ — խառը էստաֆետ ՄԽԷ — միայնակ խառը էստաֆետ (սուերմիքստ) DNS — մարզիկը հայտարարվել է, բայց չի մեկնարկել DNF — մարզիկը մեկնարկել է, բայց վերջնակետին չի հասել LAP — մարզիկը մրցավազքի ընթացքում (հետապնդման մրցավազք և մասս-մեկնարկ) առաջատարից հետ է մնացել ավելի քան մեկ շրջան և հանվել մրցուղուց DSQ — մարզիկը որակազրկվել է — − մարզիկը չի մասնակցել մրցավազքին

Տարի	Սպրինտ	Հետապնդում	Անհատական մրցավազք	Մասս-մեկնարկ	Ընդհանուր
2009-10	Կոնտիոլահտի	Կոնտիոլահտի			2
2010-11				Հոլմենկոլեն	1
2011-12		Հոխֆիլցեն Ռուպոլդինգ (աշխարհի առաջնություն) Խանտի-Մանսիյսկ	Էստերսունդ	Անտերսելվա Խանտի-Մանսիյսկ	6
2012-13	Հոխֆիլցեն		Սոչի	Նովե Մեստո (աշխարհի առաջնություն)	3
2013-14	Օբերհոֆ Հոլմենկոլեն	Օբերհոֆ Սոչի (Օլիմպիական խաղեր)	Սոչի (Օլիմպիական խաղեր)	Սոչի (Օլիմպիական խաղեր) Պոկլյուկա	7
2014-15	Սնտերսելվա Հոլմենկոլեն	Պոկլյուկա Անտերսելվա Նովե Մեստո Խանտի-Մանսիյսկ	Էստերսունդ	Օբերհոֆ Ռուպոլդինգ	9
2017-18	Հոխֆիլցեն			Անտերսելվա	2
Ընդհանուր	7	10	4	9	30

• Բելառուսի հերոս (2014)
• «Անձնական արիության համար» շքանշան (2018)
• Հայրենիքի III աստիճանի շքանշան (2010)
• Բելառուսի Հանրապետության սպորտի վաստակավոր վարպետ (2010)
• «Բելառուսի մարզական Օլիմպ» մրցանակի դափնեկիր (2012)

• Դարյա Դոմրաչևայի պաշտոնական կայքը Արխիվացված 2010-02-24 Wayback Machine (рус.)
• Դարյա Դոմրաչևայի երկրպագուների կայքը Արխիվացված 2021-01-17 Wayback Machine
• Դարյա Դոմրաչևայի էջը IBU կայքում
• Դարյա Դոմրաչևայի պաշտոնական էջը Բելառուսի բիաթլոնի ֆեդերացիայի կայքում Արխիվացված 2007-09-27 Wayback Machine (ռուս.)
• Դարյա Դոմրաչևայի պաշտոնական էջն Ուկրաինայի բիաթլոնի ֆեդերացիայի կայքում (ռուս.)

Վիքիպահեստն ունի նյութեր, որոնք վերաբերում են «Դարյա Դոմրաչևա» հոդվածին։

Սոցիալական ցանցերում ՎԿ · ԿենդանիՄատյան · Ֆեյսբուք · X Ֆոտո, վիդեո և աուդիո Ինստագրամ · ՅուԹյուբ Թեմատիկ կայքեր biathlon.com.ua · IBU · Olympic Channel · Sportbox.ru · Vesti.kz · ՄՕԿ · Internet Movie Database Բառարաններ և հանրագիտարաններ Բրիտանիկա · Բրոքհաուս · Մեծ նորվեգական · Munzinger Չափորոշչային վերահսկողություն GTAA: 238818