You Know You're Right

«You Know You’re Right»-ը գրվել է 1993 թվականին և դարձել է Կուրտ Քոբեյնի կողմից գրված վերջին հայտնի երգերից մեկը։ Շատ տարիներ այն գոյություն է ունեցել միայն բութլեգային համերգային ձայնագրությամբ, որը ստեղծվել է 1993 թվականի հոկտեմբերի 23-ին, Քորթնի Լավի (Քոբեյնի այրին) խմբի՝ Hole-ի կատարմամբ, MTV Unplugged ծրագրի շրջանակներում։

1994 թվականի հունվարի 30-ին խումբը ձայնագրել է երգի ստուդիական տարբերակը Սիեթլի «Robert Lang» ստուդիայում։ Բայց Քոբեյնի մահվան պատճառով թողարկումը կայացել է միայն ութ տարի անց։ Ձայնագրումը դարձել է Լավի և Nirvana խմբի նախկին մասնակիցների՝ Դեյվ Գրոլի ու Քրիստ Նովոսելիչի միջև դատական հավակնությունների աղբյուր։ Գրոլն ու Նովոսելիչն ուզում էին ընդգրկել ձայնագրումն իրենց կողմից ծրագրված բոքս-սեթի մեջ, սակայն Լավը կասեցրել է դրա թողարկումը, ինչը դարձել է Nirvana խմբի ժառանգության համար պայքարի գլխավոր պատճառ։ Լավը պնդում էր, որ «You Know You’re Right» երգն ավելորդ կլինի բոքս-սեթում և ավելի լավ կսազի The Beatles խմբի ժողովածուի նման մի ալբոմին^[3]։ Նրա հայցում ասվում էր, որ երգը պոտենցիալ հիթ է և ունի գեղարվեստական ու կոմերցիոն բարձր արժեք։ Լավի մենեջերը պնդում էր, որ երգի թողարկումը կարող է հավաքել մոտ 15 միլիոն վաճառք^[4]։

Նովոսելիչն ասել է, որ նա, ի վերջո, համաձայնվել է Լավի հետ․ «Ես միշտ մտածում էի դրա մասին, ինչ նա ասում է։ Մենք մտածել, համաձայնվել և ասել ենք․ 'Հէյ, դա շատ լավ միտք է, Քորթնի'։ Ես փորձում էի ընդհանուր լեզու գտնել նրա հետ, որովհետև միայն այդպես մենք կարող ենք ինչ-որ բան անել»։

2002 թվականի սեպտեմբերին՝ դատական ընթացքից հետո հայտարարվել է, որ «You Know You’re Right» կթողարկվի Nirvana ժողովածուի մեջ, այդ տարվա ընթացքում^[5]։

Պաշտոնական թողարկմանը երկու ամիս մնացած, երգի MP3 տարբերակը հայտնվել է համացանցում։ Հետագայում «You Know You’re Right»-ը թողարկվել է որպես ռադիո սինգլ, իսկ Քրիս Հաֆները՝ օգտագործելով խմբի մասնակցությամբ տեսանյութերը, տեսահոլովակ է ստեղծել։ 2010 թվականին երգը վերաթողարկվել է Icon-ի լավագույն հիթերի ցանկում։

«You Know You’re Right»-ը, հնարավոր է, անվանում չուներ Քոբեյնի մահվան պահին։ 2004 թվականին Seattle Times ամսագրի հոդվածում, որի հեղինակն էր Ջիլիանա Ջի Գաարն, ասվում է, որ երգի անվանումը միայն «Kurt’s Song #1» էր, երբ դա ձայնագրվում էր «Robert Lang» ստուդիայում։ 1995 թվականին երգը կատարվեց Hole խմբի կողմից, «You’ve Got No Right» անվանման տակ MTV Unplugged -ում նրանց ելույթի ժամանակ։

Rolling Stone-ի լրագրող Դևիդ Ֆրիկեն սխալմամբ հայտնեց, որ երգի նախորդ անվանումներն էին «Autopilot» ու «On a Mountain»։ Այդ անվանումները նրան հայտնել են բութլեգերները, որոնք սխալ լսեցին Դեյվ Գրոլի մեկնաբանությունը համերգային կատարման սկզբում։ Գրոլն ասաց․ «Սա մեր վերջին երգն է, նրան անունը „All Apologies“ է^[6]», չհասկանալով, որ Քոբեյնը սկսել է կատարել «You Know You’re Right» երգը։ Ձայնգարության ցածր որակի պատճառով բութլեգերները մտածեցին, որ Գրոլը հայտարարեց նոր երգ ու փորձեցին մեկնաբանել այն, ինչը նրանք ինչպես անվանում ընդունեցին։