Pain Is So Close to Pleasure

«Pain Is So Close to Pleasure»
Queen-ի սինգլը
«A Kind of Magic» ալբոմից
«Բ» կողմ	Don't Lose Your Head (Նիդերլանդներ, Գերմանիա, ԱՄՆ, Կանադա); Who Wants to Live Forever (Ավստրալիա);
Թողարկված	1986
Ֆորմատ	7", 12"
Ձայնագրված	1986
Ժանր	Ռոք; Մոտաուն
Երգահան	Ֆրեդի Մերկուրի; Ջոն Դիքոն
Տևողություն	4:18 (ալբոմային տարբերակ); 3:59 (սինգլ); 5:59 (երկարեցված տարբերակ);
Լեյբլ	EMI Records; Capitol Records
Պրոդյուսեր	Queen и Դեյվիդ Ռիչարդս
Հորիզոնականները չարթերում
	#26 (Նիդերլանդներ);
Queen-ի սինգլների ժամանակագրություն

«Pain Is So Close to Pleasure» (հայերեն՝ Ցավն այնքան մոտ է հաճույքին), բրիտանական Queen ռոք խմբի երգը։ Այն գրվել է Ֆրեդի Մերկուրիի և Ջոն Դիքոնի կողմից 1985-1986 թվականներին և ներառվել է A Kind of Magic ալբոմի մեջ։ Երգը հարում է սոուլ - ռոքին։ Հինգ երկրում այն թողարկվել է սինգլի տեսքով. Նիդերլանդներում, Գերմանիայում, ԱՄՆ-ում և Կանադայում «Don't Lose Your Head» երգի հետ, իսկ Ավստրալիայում «Who Wants to Live Forever» երգի հետ՝ Բ կողմում։ Հոլանդական չարթերում այն հասել է 36-րդ հորիզոնականին։ Չնայած այն հանգամանքին, որ երգը թողարկվել է սինգլի տեսքով, այնուամենայնիվ տեսահոլովակ չի նկարահանվել։

Առանձնահատկություններ

Երգի հիմնական գաղափարն այն է, որ կյանքում կան «սև ու սպիտակ գծեր» և իրադրությունը միշտ կարող է փոխվել. «արևային եղանակը և անձրևը քո ողջ կյանքի ընթացքում քայլեցին ձեռք ձեռքի տված» (անգլ.՝ Sunshine and rainy weather go hand in hand together all your life):

«One Year of Love» երգում, որը նույնպես գրվել է Ջոն Դիքոնի կողմից, կան որոշ հղումներ՝ ուղղված այս երգին։

Բրայան Մեյի՝ խմբի կիթառահարի խոսքերով՝ այս երգը բնորոշ չէ Queen-ին և ավելի շատ հարում է մոտուանական երաժշտությանը(անգլ.՝ That's really sort of a motown sounding track, very unusual for us)^[2]:

Հիթ-շքերթներ

Երկիր (1986)	Ամենաբարձր հորիզոնական
Գերմանիա	56
Նիդերլանդներ	43

Երգի տարբերակներ

Երգը ունի երեք տարբերակ։ Ալբոմայինը տևում է 4 րոպե 18 վայրկյան և ունի հստակ բաս-գիծ, որը հատուկ է հենց այդ տարբերակի համար։ Այս երգի ռեմիքսը ձգվում է 3 րոպե 59 վայրկյան։ Այն ունի ալտերնատիվ կատարում և հարվածայինների ավել պարտիա։ Սինգլն ունի նաև երկար տարբերակ՝ 5 րոպե 59 վայրկյան։ Այն հիմնված է սինգլի ռեմիքսի, այլ ոչ թե ալբոմային տարբերակի վրա, և ունի երկարեցված հատվածներ ու վերջաբան։

Քավր տարբերակ

2006 թվականին հոլանդացի երգչուհի Սթիվի Էննը ձայնագրել է այս երգի քավր տարբերակը։

Ծանոթագրություններ

↑ «Синглы на Andy's Queen Page» (անգլերեն). Արխիվացված է օրիգինալից 2012 թ․ ապրիլի 10-ին. Վերցված է 2009 թ․ նոյեմբերի 4-ին.
↑ «Интервью членов Queen» (անգլերեն). Արխիվացված օրիգինալից 2012 թ․ ապրիլի 10-ին. Վերցված է 2009 թ․ նոյեմբերի 4-ին.

[1] «Синглы на Andy's Queen Page» (անգլերեն). Արխիվացված է օրիգինալից 2012 թ․ ապրիլի 10-ին. Վերցված է 2009 թ․ նոյեմբերի 4-ին.

[2] «Интервью членов Queen» (անգլերեն). Արխիվացված օրիգինալից 2012 թ․ ապրիլի 10-ին. Վերցված է 2009 թ․ նոյեմբերի 4-ին.

[1]