Քսենիա Սուխինովա
Քսենիա Վլադիմիրովնա Սուխինովա (ռուս. Ксе́ния Влади́мировна Сухи́нова, օգոստոսի 26, 1987[1], Նիժնեվարտովսկ, ՌԽՖՍՀ, ԽՍՀՄ), ռուս դերասանուհի, հեռուստահաղորդավարուհի, մոդել և գեղեցկության թագուհի, որը հաղթել է Միսս Ռուսաստան 2007 և Միսս Աշխարհ 2008 մրցույթներում։ Նա երկրորդ կինն է Ռուսաստանից, որը հաղթել է Միսս Աշխարհ մրցույթում։
| Քսենիա Սուխինովա ռուս.՝ Ксе́ния Влади́мировна Сухи́нова | |
|---|---|
_(close-up).jpg) | |
| Ծնվել է | օգոստոսի 26, 1987[1] (37 տարեկան) |
| Ծննդավայր | Նիժնեվարտովսկ, ՌԽՖՍՀ, ԽՍՀՄ |
| Քաղաքացիություն |  Ռուսաստան |
| Մայրենի լեզու | ռուսերեն |
| Կրթություն | Տյումենի արդյունաբերական համալսարան |
| Մասնագիտություն | մոդել, հեռուստահաղորդավարուհի և գեղեցկության մրցույթի մասնակից |
 Ksenia Sukhinova Վիքիպահեստում | |
Անձնական տվյալներ
խմբագրելՍուխինովան ծնվել է 1987 թվականին Նիժնեվարտովսկում, Ռուսաստանի ԽՍՀ[2]։ Նա միակ երեխան էր ընտանիքում։ Սուխինովան ապրել է Մոսկվայում, Ռուսաստան, և հաճախել Նիժնեվարտովսկի ինդուստրիալ համալսարան, ուսումնասիրելով կիբեռնետիկայի համակարգեր[3]։
Սուխինովայի հասակը 1.78 մ է (5'10"), նա ունի շեկ մազեր և կապույտ գույնի աչքեր։ Նրա անունը լատինացված գրվում է Քսենյա կամ Քսենիա[2]։ Նա սպորտի երկրպագու է և փոքր հասակից զբաղվել է լողով և բիաթլոնով[4]։ Նրա սիրած գիրքը Միխայիլ Բուլգակովի Վարպետը և Մարգարիտան է[5]։ Երբ նրան հարցրեցին անձնական կյանքի մասին, նա ասաց, որ իր սիրտը «դեռ ազատ է»[6]։
Միսս Տյումեն
խմբագրելՄիսս Ռուսաստան 2007 և Միսս Աշխարհ 2008 մրցույթում հաղթելուց առաջ նա մասնակցել էր Միսս Տյումեն մրցույթին և արժանացել հաղթողի տիտղոսին, որը նրան դարձրել է նոր Միսս Տյումեն՝ այդ ժամանակ՝ դարձնելով ներկայացուցիչ Միսս Ռուսաստան 2007 մրցույթում։
Միսս Ռուսաստան 2007
խմբագրելՍուխինովան 2007 թվականի դեկտեմբերի 14-ին Մոսկվայում նվաճել է Միսս Ռուսաստան մրցանակը, որտեղ նա ներկայացնում էր Տյումենը։ Նա գերազանցել է 50 այլ մասնակիցների ամբողջ Ռուսաստանից։ Նա չի կարողացել ներկայացնել Ռուսաստանը «Միսս Տիեզերք»-ում 2008-ին քոլեջի աշխատանքի պատճառով, այնպես որ երկրորդ տեղը գրաված Վերա Կրասովան փոխարինել է նրան մրցաշարում։ Վերան գրավել է 3-րդ հորիզոնականը վենեսուելացի Դայանա Մենդոզայից հետո[7]։
Միսս աշխարհ 2008
խմբագրելՆա եղել է Միսս աշխարհ 2008 մրցույթի Beach Beauty -ի երկրորդ մրցանակակիրը, միսս Մեքսիկայից և միսս Հարավային Աֆրիկայից հետո[8]։ 2008 թվականի դեկտեմբերի 3-ին նա հաղթել է Miss World Top Model մրցույթում[9]։ Նրա երկու մասնակցությունն առաջին երկու արագընթաց մրցաշարերում հիշեցնում են Չժանգ Ցզիլինի հաջողությունները «Միսս Աշխարհի 2007»-ում[10]։
.jpg){kind=link}
Դեկտեմբերի 13-ին Սուխինովան թագադրվել է «Միսս աշխարհի» եզրափակչում 108 մրցակցի պայքարից հետո Յոհանեսբուրգում, Հարավային Աֆրիկա[11]։ Առաջին թեկնածուն եղել է Պարվատի Օմանակուտանը Հնդկաստանից և երկրորդը՝ Տրինիդադ և Տոբագոյից Գաբրիել Ուոլկոտը։ Նա երկրորդ մասնակիցն է Ռուսաստանից, որը հաղթել է «Միսս աշխարհ» մրցույթում, առաջինը Ջուլիա Կուրոչկինան էր 1992 թվականին։ Եզրափակիչը դիտեցին 187 երկրներից 1 միլիարդ դիտորդներ[11]։
Հաղթանակից հետո ասուլիսում Քսենիա Սուխինովան ասել է. «Ես շատ ուրախ եմ, որ այս թագը բերել եմ Ռուսաստան։ Ես հպարտ եմ, որ Ռուսաստանն է ստացել այս թագը և իմ հաղթանակը ես նվիրում եմ ամբողջ երկրին և նրա յուրաքանչյուր քաղաքացուն... և իմ տատիկին»[5]։ Նա նաև ասել է, որ հույս ունի բարելավել Ռուսաստանի միջազգային պատկերը ցույց տալով աշխարհին, որ Ռուսաստանից մի աղջիկ կարող է անձնավորել բարությունը, գեղեցկությունը և երջանկությունը[5]։ Նա ասում է, որ բարեգործության համար միջոցներ հավաքելը կլինի նրա հիմնական խնդիրներից մեկը 2009 թվականին[4]։
Միսս Աշխարհից հետո
խմբագրելՔսենիա Սուխինովան մոդելային կարիերայով է զբաղվել Իտալիայում, Իսպանիայում և Ֆրանսիայում այնպիսի դիզայներների համար, ներառյալ Վալենտինոն է։ Նա նաև հայտնվել է «Եվրատեսիլ 2009»-ի գործողությունների միջև տեսահոլովակներում։
Նա հրավիրվել է դառնալու «Միսս աշխարհ 2010», «Միսս աշխարհ 2011», «Միսս աշխարհը 2015», ինչպես նաև «Միստր աշխարհ 2010» մրցույթների եզրափակչի մրցավարներից մեկը՝ միսս աշխարհ մյուս մրցանակակիրների հետ միասին։ Միսս Աշխարհում 2016-ում նա մրցավարներից մեկն էր, ովքեր հարցեր էին տալիս մասնակիցներին հարց ու պատասխանի հատվածում պատասխանելու համար։ 2017 թվականին Քսենիան դարձավ «Միսս Ռուսաստան» 2017-ի մրցավարներից մեկը։
Ծանոթագրություններ
խմբագրել- ↑ 1,0 1,1 Internet Movie Database — 1990.
- ↑ 2,0 2,1 «Ksenia Sukhinova of Russia is Miss World 2008». peoplestar.co.uk. 2008 թ․ դեկտեմբերի 14. Արխիվացված է օրիգինալից 2017 թ․ դեկտեմբերի 13-ին. Վերցված է 2008 թ․ դեկտեմբերի 21-ին.
- ↑ «Russian Miss World praised by tutors at jubilant university». RIA Novosti. 2008 թ․ դեկտեմբերի 15. Վերցված է 2008 թ․ դեկտեմբերի 21-ին.
- ↑ 4,0 4,1 «Siberian beauty crowned Miss World». Russia Today. 2008 թ․ դեկտեմբերի 15. Արխիվացված է օրիգինալից 2009 թ․ մարտի 19-ին. Վերցված է 2009 թ․ մայիսի 20-ին.
- ↑ 5,0 5,1 5,2 «World's most beautiful girl from Russia does not know how to spend her prize money». Pravda. 2008 թ․ դեկտեմբերի 18. Վերցված է 2008 թ․ դեկտեմբերի 21-ին.
- ↑ «Sukhinova happy to be home after winning Miss World crown». RIA Novosti. 2008 թ․ դեկտեմբերի 17. Վերցված է 2008 թ․ դեկտեմբերի 21-ին.
- ↑ «Miss Universe 2008 Winners». IndiaServer. 2008 թ․ հուլիսի 14. Արխիվացված է օրիգինալից 2008 թ․ դեկտեմբերի 17-ին. Վերցված է 2008 թ․ դեկտեմբերի 21-ին.
- ↑ «Mexico wins Beach Beauty Fast Track». Global Beauties. 2008 թ․ նոյեմբերի 29. Արխիվացված է օրիգինալից 2008 թ․ դեկտեմբերի 16-ին. Վերցված է 2008 թ․ դեկտեմբերի 21-ին.
- ↑ «Russia wins Top Model fast track». Global Beauties. 2008 թ․ դեկտեմբերի 3. Արխիվացված է օրիգինալից 2008 թ․ դեկտեմբերի 17-ին. Վերցված է 2008 թ․ դեկտեմբերի 21-ին.
- ↑ «Russia wins Top Model fast track, paving the way for her victory». Global Beauties. 2008 թ․ դեկտեմբերի 3. Արխիվացված է օրիգինալից 2008 թ․ դեկտեմբերի 19-ին. Վերցված է 2008 թ․ դեկտեմբերի 21-ին.
- ↑ 11,0 11,1 «Russia's Sukhinova wins Miss World 2008 title». RIA Novosti. 2008 թ․ դեկտեմբերի 14. Վերցված է 2008 թ․ դեկտեմբերի 21-ին.
Արտաքին հղումներ
խմբագրել| Պարգևներ և ձեռքբերումներ | ||
|---|---|---|
| Նախորդող՝ Աննի Օլիվ |
Միսս Աշխարհ 2008 |
Հաջորդող՝ Կայանե Ալդորինո |
| Նախորդող՝ Չժանգ Ցզիլին |
Միսս Աշխարհ թոփ մոդել 2008 |
Հաջորդող՝ Պեռլա Բերտրան |
| Նախորդող՝ Տատյանա Կոտովա |
Միսս Ռուսաստան 2007 |
Հաջորդող՝ Սոֆյա Ռուդիևա |
| Վիքիպահեստն ունի նյութեր, որոնք վերաբերում են «Քսենիա Սուխինովա» հոդվածին։ |