Վյաչեսլավ Մանուչարով
Վյաչեսլավ Ռաֆայելի Մանուչարով (ռուսերեն՝ Вячеслав Рафаэльевич Манучаров, հոկտեմբերի 6, 1981, Մոսկվա, ԽՍՀՄ), թատրոնի և կինոյի ռուսական դերասան, հեռուստահաղորդավար, երգիչ։
 ռուս.՝ Вячеслав Рафаэльевич Манучаров | |
|---|---|
 | |
| Ծնվել է | հոկտեմբերի 6, 1981 (43 տարեկան) |
| Ծննդավայր | Մոսկվա, ԽՍՀՄ |
| Կրթություն | Բորիս Շչուկինի անվան թատերական ինստիտուտ |
| Քաղաքացիություն |  Ռուսաստան |
| Մասնագիտություն | դերասան և պրոպագանդիստ |
| Պարգևներ և մրցանակներ |   և  |
Կենսագրություն
խմբագրելՎյաչեսլավ Մանուչարովը ծնվել է Մոսկվայի մորթեղենի առաջին գործարանի տնօրենի` Ռաֆայել Մանուչարովի և վարսահարդարման սրահի տնօրեն Նադեժդա Շեպելևա-Կոպեյկոյի ընտանիքում։ Նրա հայրական ազգանունը Մանուչարյանց է, իսկ մայրական կողմի արմատներով, նա ծագում է բնիկ մոսկվացիներ համար��ող հին ազնվական, իշխան Շեպելևների տոհմից, ովքեր ուղիղ հարազատական կապ ունեին Մուսինների և Պուշկինների հետ։ Վյաչեսլավի հայրական տատը` Շուշանիկ Մանուչարյանցը եղել է Վլադիմիր Լենինի անձնական քարտուղարն ու գրադարանավարը[1]։ Վյաչեսլավի դաստիարակությամբ զբաղվել է տատը, ով գեներալի կին էր և այդ հանգամանքը առիթ է հանդիսացել, որպեսզի Վյաչեսլավի մանկությունն անցնի Պերեդելկինոյում, Ծղալտուբոյում և Սաուլկրաստիում գտնվող գեներալների կառավարական ամառանոցներում[2]։
Վյաչեսլավը սովորել է Մոսկվայի պետական համալսարանի քիմիայի ֆակուլտետին կից դպրոցում։ Դեռ դպրոցական տարիներին նկարահանվել է ռուսական առաջին երիտասարդական «Հասարակ ճշմարտություններ» հեռուստասերիալում։ 2003 թվականին ավարտել է Բորիս Շչուկինի անվան բարձրագույն թատերական ուսումնարանը։ 2003-2009 թվականներին աշխատել է Ռուսական ակադեմիական երիտասարդական թատրոնում։ 2012 թվականից համագործակցում է Սանկտ Պետերբուրգի Արկադի Ռայկինի անվան էստրադայի թատրոնի հետ։
Որպես դերասան, 2008-2011 թվականներին հեռուստատեսությամբ հանդես է եկել «Մեծ տարբերություն» երգիծական շոուի եթերում, որտեղ նմանակել է ռուսական շոու բիզնեսի ներկայացուցիչների, դերասանների, երգիչների և այլ մասնագիտությունների տեր մարդկանց[3][4]։ Տարբեր հեռուստաալիքներով վարել է բազմաթիվ հաղորդումներ` «Կյանքի համը»[5], «Սիրահարվելու 10 առիթներ»[6], «Cosmopolitan. Տեսատարբերակ»[7], «Հարուստներ և հայտնիներ»[8], «Խոհանոցում` ով ում»[9] և այլ հաղորդումներ։ 2011 թվականին ձայնագրել և կատարում է խորհրդային էստրադայի հիթեր և երգեր ֆիլմերից[10]։
Անձնական կյանք
խմբագրելՎյաչեսլավ Մանուչարովի առաջին կինը Վիկտորյա Սելիվյորստովան էր։ Ունեն մեկ դուստր[11]։ Երկրորդ կինը Դորա Նադեժդինան է։ Նրանք ունեն երկու երեխա` մեկ դուստր և մեկ որդի։
Մրցանակներ
խմբագրել- 2002 - Անդրեյ Միրոնովի անվան մրցանակի դափնեկիր։
- 2003 - Յակով Սմոլենսկու անվան մրցանակի դափնեկիր։
- 2007 - «Մոսկովսկի կոմսոմոլեց» («Московский комсомолец») թերթի մրցանակ` «Ինքնասպանը» ներկայացումում տղամարդու լավագույն երկրորդական դերի համար։
- 2015 - Fashion People Awards-2015 մրցանակը` «Տարվա դերասան»։
Մասնակի ֆիլմագրություն
խմբագրել| Թվական | Անվանում | Բնօրինակ անվանում | Կերպար |
|---|---|---|---|
| 1999 | Հասարակ ճշմարտություններ | Простые истины | Պավել Բելկին |
| 2002 | Տապան | Ковчег | - |
| 2002 | Իմ սահմանը | Моя граница | Բորմուտով |
| 2003 | Մեղրամիս | Медовый месяц | Նիկոլայ |
| 2003 | Հրաշք-զբոսայգի | Чудо-парк | - |
| 2005 | Սիրո համհարզները | Адъютанты любви | Էժեն Բոգարնե |
| 2006 | Պապարացա | Папараца | Անտոն |
| 2007 | Սմոքինգ` ռյազանյան ձևով | Смокинг по-рязански | Սեմյոն Ռատկո |
| 2008 | Վտանգավոր կապ | Опасная связь | Իգոր |
| 2008 | Հինգ քայլ ամպերի վրայով | Пять шагов по облакам | հանդիսավար |
| 2009 | «Լասկովի մայ» | «Ласковый май» | Անդրեյ Ռազին |
| 2009 | Աննա Կարենինա | Анна Каренина | Նիկոլայ Շչերբացկի |
| 2009 | Ցոլքեր | Отблески | Իգոր Շևցով |
| 2010 | Խլահավը կինոյում | Глухарь в кино | Օլեգ Զինկևիչ |
| 2010 | Դավաճանության ժամանակագրություններ | Хроники измены | Եգոր |
| 2010 | Ռոբինզոն | Робинзон | Սերգեյ Բալայան |
| 2010 | Սեր-գազար 3 | Любовь-морковь 3 | Միշա |
| 2011 | Իմ խենթ ընտանիքը | Моя безумная семья | Մաքսիմ |
| 2013 | Լավ բալիկների երկիրը | Страна хороших деточек | լիազոր ներկայացուցիչ |
| 2014 | Ցտեսություն, տղաներ | До свидания, мальчики | Ալեքսեյ Եգորով |
| 2014 | Տղաներ + աղջիկներ = | Мальчики + девочки = | Պլոսկի |
| 2014 | Սիրուց փախչողը | Бегущая от любви | Վիկտոր Պանկով |
| 2015 | Մաքուր մոսկովյան սպանություններ | Чисто московские убийства | Սերգեյ Երոխին |
| 2016 | Շոկոլադի գործարան | Шоколадная фабрика | ինժեներ |
Ծանոթագրություններ
խմբագրել- ↑ Екатерина Филимонова. «Вячеслав Манучаров: «Если бы я не сбросил 40 килограммов, Семенович меня бы не подняла»». 7 дней. Արխիվացված օրիգինալից 2012 թ․ օգոստոսի 7-ին. Վերցված է 2012 թ․ հունիսի 2-ին.
- ↑ Манучаров Вячеслав
- ↑ Ведущий программы «История всероссийского обмана» (НТВ)
- ↑ Страница шоу «Большая разница» на сайте Первого канала
- ↑ Страница цикла программ «Вкус жизни» на сайте Первого канала
- ↑ Страница шоу «10 поводов влюбиться» на сайте канала «Муз-ТВ»
- ↑ Страница шоу «Cosmopolitan: Видеоверсия» на сайте канала «Муз-ТВ»
- ↑ Страница журнала «Богатые и знаменитые» на сайте канала СТС
- ↑ Страница шоу «Кто кого на кухне» на сайте канала СТС
- ↑ «Официальный сайт актёра театра и кино». Արխիվացված է օրիգինալից 2017 թ․ դեկտեմբերի 26-ին. Վերցված է 2017 թ․ նոյեմբերի 27-ին.
- ↑ Партнёр Анны Семенович стал папой
| Վիքիպահեստն ունի նյութեր, որոնք վերաբերում են «Վյաչեսլավ Մանուչարով» հոդվածին։ |