Վերջնական փոթորիկը

Կլիմայի արագ փոփոխումը համաշխարհային տնտեսական ճգնաժամ է, քաղաքներում տեղի ունեցող մասսայական անկարգությունները ամբողջ ժողովրդի մոտ այն կարծիքն են առաջացնում, որ շուտով գալու է աշխարհի վերջը։ Տեղանքում, որտեղ գտնվում է Գրեդիների ընտանիքի ֆերման, արդեն յոթ օր է անհանգստացնում է փոթորիկը։ Փոթորկի վերջին օրը տան շքամուտի մոտ է լինում Սայլաս Հենդերշոթը, ով կարծես թե ընկել էր փոթորկի մեջ և հիմա տառապում է հիշողության կորուստով։ Սայլասը այդ նույն պահին կորցնում է գիտակցությունը, իս�� Թոմը և Ջիլլիանը որոշում են նրան ապրելու տեղ տալ մինչև որ այդ ամենը կվերջանա։ Նրան անկողնու վրա դնելով նրանք նկատում են նրա մեջքի և ձեռքի վրայի տարօրինակ դաջվածքները, որի վրա հատված էր Ղուկասի ավետարանի.

Հաջորդ օրը մինչև Սայլասի հայտնվելը պարզ եղանակ էր՝ փոթորիկը վերջացել էր, սակայն բնությունը իրեն տարօրինակ է պահում. ամբողջ կենդանական աշխարհը կարծես անհետացել է, չի լսվում ոչ ճպուռների ճռճռոցը և ոչ էլ ճնճղուկների ծլվլոցը։ Սեյլասը համոզում է ֆերմայի ապրողներին այն բանում, որ այս ամենը աշխարհի վերջի առաջին նշաններն են, և որպես իր խոսքերի ապացույց արտասանում է հատված Հովհաննեսի հայտնությունից։ Տեղատարափ անձրև, կենդանիների անհայտացում, «արյունոտ լուսին»՝ այս ամենը Սայլասի կողմից բացատրվում են որպես աշխարհի վերջի սկիզբը։ Թոմը թերահավատորեն է մոտենում Սայլասի խոսքերին, սակայն այն բանից հետո, երբ նա այցելում է հարևան ֆերմային, և տեսնում է, որ բոլոր իրերին ոչ ոք չի դիպել, սակայն ֆերմայի տերերը և բոլոր կենդանիներն անհետ կորել են։ Թոմը սկսում է կասկածել։ Նրանք չորսով գնում են ուտելիք և վառելիք փնտրելու, սակայն ապարդյուն։ Քաղաքում ոչ ոք չէր մնացել։

Այն բանից հետո, երբ Գրեդի ընտանիքը Սայլասի հետ միասին ֆերմա է վերադառնում, ֆիլմը ակոկալիպտիկական ժանրից փոխվում է հոգեբանականի։ Ժամանակ առ ժամանակ Թոմը հին թերթերի շնորհիվ իմանում է, որ 22 տարի առաջ ֆերման պատկանում էր Սայլասի հորը, ով հարբեցող էր և այդ պատճառով այլևս հողի սեփականատերը չէր։ Զայրացած Սայլասը կախաղան հանեց հորը ծառի վրա, և դրանից հետո մի քանի մարդ ևս սպանելով այդ ամբողջ ժամանակն անց է կացրել բանտում։ Սայլասը Թոմին կախում է այն նույն ձևով, ինչպես և հորը, և փորձում է համոզել Ջիլլիանին որպես կին և տղամարդ ապրել ընտանիքում։ Գրեմը փրկում է հորը մահից, և նա կարողանում է թուլացնել Սայլասին, այրել նրան և ծակել պատառաքաղով։ Թոմի և Ջիլլանի երջանիկ միացման ժամանակ Գրեմը նրանց առաջարկում է ուշադրություն դարձնել գիշերային երկնքին. Այնտեղ մեկը մյուսի ետևից հանգչում էին աստղերը։

Ֆիլմի նկարահանումները տեղի են ունեցել 2008 թվականի երկրորդ կեսին Վանկուվերում (Բրիտանական Կոլումբիա, Կանադայում)^[1]։ Նկարահանված լինելով ոչ մեծ բյուջեով կանադական դերասանների և կանադական սցենարիստի հետ, այլ ոչ համակարգչային խաղի հիման վրա, ֆիլմն իր համար կինովարձող չգտավ և որոշ ժամանակ անուշադրության էր մատնված մինչև այն ժամանակ, երբ միանգամից սկսեցին այն վաճառել սկավառակների վրա ԱՄՆ-ում (2010 թվականի ապրիլի 13)^[2]։