Վահրամ Բաղդասարյան

Վահրամ Բաղդասարյանն ամուսնացած է, ունի չորս զավակ և մեկ թոռ։

• 1979-1984 թվականներին սովորել և ավարտել է Երևանի պետական համալսարանի մեխանիկամաթեմատիկական ֆակուլտետը՝ մաթեմատիկոսի որակավորմամբ։
• 1992 թվականին ավարտել է ՀՀ ԳԱԱ հաշվողական կենտրոնի ասպիրանտուրան։
• 1998 թվականին ավարտել է Երևանի արտաքին տնտեսական կապերի և կառավարման ինստիտուտի տնտեսաիրավագիտության ֆակուլտետը՝ տնտեսագետի որակավորմամբ։

• 1978-1979 թվականներին աշխատել է «Կինշինտրեստում» որպես բանվոր։
• 1980-1984 թվականներին աշխատել է Երևանի «Երազ» ավտոգործարանում որպես բանվոր։
• 1984-1988 թվականներին աշխատել է Կիրովականի «Արդավտոմատիկա» գիտաարտադրական միավորումում որպես գիտաշխատող։
• 1992 թվականին եղել է Վանաձորի կահույքի արտադրական միավորման փոխտնօրեն։
• 1993 թվականին՝ Վանաձորի կահույքի արտադրական միավորման գլխավոր տնօրեն։
• 2009 թվականի փետրվարի 20-ին ՀՀ Նախագահի հրամանագրով նշանակվել է ՀՀ հանրային հեռուստառադիոընկերության խորհրդի անդամ՝ վեց տարի ժամկետով^[1]։
• 2012 թվականի մայիսի 31-ին ՀՀ Նախագահի հրամանագրով լիազորությունները վաղաժամկետ դադարեցվել են^[2]։

• 1986 թվականից - Կիրովականի Հ. Թումանյանի անվան պետական մանկավարժական ինստիտուտի դասախոս։ Տեխնիկական գիտությունների թեկնածու։
• 1995 թվականից - Կիրովականի Հ. Թումանյանի անվան պետական մանկավարժական ինստիտուտի ինֆորմատիկայի և տնտեսագիտամաթեմատիկական մեթոդների ու մոդելավորման ամբիոնի վարիչ։ Տնտեսագիտության դոկտոր, պրոֆեսոր։
• Չորս գրքի և հիսունից ավելի գիտական աշխատանքների հեղինակ է։

• 2005 թվականից - «Հանուն Գուգարաց աշխարհի» բարեգործական հասարակական կազմակերպության հիմնադիր և նախագահ։
• 2006 թվականից - Հայաստանի հայրենակցական միությունների միաբանության նախագահ։

• 1988 թվականին ընտրվել է Կիրովականի Հ. Թումանյանի անվան պետական մանկավարժական ինստիտուտ ԼԿԵՄ կոմիտեի քարտուղար։
• 1990-1996 թվականներին Վանաձորի քաղաքային խորհրդի պատգամավոր։
• 1995-1999 թվականներին ՀՀ Ազգային ժողովի 1-ին գումարման պատգամավոր է ընտրվել թիվ 60 ընտրատարածքից։ ԱԺ ֆինանսավարկային, բյուջետային և տնտեսական հարցերի մշտական հանձնաժողովի անդամ։ ՀՀ ԱԺ ներկայացուցիչ ԱՊՀ երկրների միջխորհրդարանական վեհաժողովում։ «Բարեփոխումներ» պատգամավորական խմբի անդամ։
• 1999-2003 թվականներին ՀՀ Ազգային ժողովի 2-րդ գումարման պատգամավոր է ընտրվել թիվ 46 ընտրատարածքից։ ԱԺ ֆինանսավարկային, բյուջետային և տնտեսական հարցերի մշտական հանձնաժողովի անդամ։ «Միասնություն» խմբակցության անդամ, ապա խմբակցություններում և պատգամավորական խմբերում ընդգրկված չի եղել, ապա՝ «Ժողովրդական պատգամավոր» պատգամավորական խմբի անդամ։
• 2003-2007 թվականներին ՀՀ Ազգային ժողովի 3-րդ գումարման պատգամավոր է ընտրվել թիվ 37 ընտրատարածքից։ ԱԺ ֆինանսավարկային, բյուջետային և տնտեսական հարցերի մշտական հանձնաժողովի նախագահի տեղակալ։ Հայաստան-Եվրամիություն խորհրդարանական համագործակցության հանձնաժողովի անդամ։ «Ժողովրդական պատգամավոր» պատգամավորական խմբի քարտուղար։
• 2011 թվականից ՀՀԿ անդամ է։
• 2012 թվականի մայիսի 6-ին ՀՀ Ազգային ժողովի 5-րդ գումարման պատգամավոր է ընտրվել Հայաստանի Հանրապետական կուսակցության համամասնական ընտրացուցակով։ 2012-2014 թվականներին եղել է ԱԺ տնտեսական հարցերի մշտական հանձնաժողովի անդամ։
• 2014 թվականի մայիսի 7-ին ընտրվել է ՀՀԿ խմբակցության ղեկավար։
• 2017 թվականի ապրիլի 2-ին պատգամավոր է ընտրվել ՀՀԿ ցուցակով։
• 2019 թվականից այլևս պատգամավոր չէ։
• ՀՀԿ գործադիր մարմնի և ՀՀԿ խորհրդի անդամ։

• Բռնցքամարտի ԽՍՀՄ սպորտի վարպետ (1985)։
• Պահեստի ավագ լեյտենանտ։

Ամուսնացած է, ունի չորս զավակ։