Սևախածի կեռնեխ
Սևախածի կեռնեխ (լատին․՝ Turdus ruficollis), կեռնեխներ։ Չվող է, հազվագյուտ։
| Սևախածի կեռնեխ | ||||||||||
|---|---|---|---|---|---|---|---|---|---|---|
 | ||||||||||
| Գիտական դասակարգում | ||||||||||
|
||||||||||
| Լատիներեն անվանում | ||||||||||
| Turdus rufucollis | ||||||||||
| Հատուկ պահպանություն | ||||||||||
Արտաքին կառուցվածք
խմբագրելՄարմնի երկարությունը 25 սմ է, թևերի բացվածքը՝ 37-40 սմ։ Մարմինը վերևից դարչնագույն-մոխրագույն է, ներքևից՝ աղոտ սպիտակ, թևատակի ծածկող փետուրները՝ խամրած վարդագույն-նարնջագույն։ Բնադրման շրջանում արուի դեմքի ստորին հատվածը սև է։ Էգի մարմինը ներքևից սպիտակ է, կոկորդը և կրծքի շերտը՝ խայտավոր, մարմնի կողքերը՝ մուգ գույնի՝ փոփոխական խայտերով։ Հետբնադրման շրջանում դիմային մասի և կոկորդի փետուրներն ավելի բաց երիզով են։
Կենսակերպ
խմբագրելԹաքնվում է թփուտներում, ծառերի սաղարթում։ Հաճախ հանդիպում է այլ կեռնեխների երամներում։ Բնակվում է գիհու նոսրանտառներում, թփուտներում, պտղատու այգիներում։ Սնվում է անողնաշարավորներով, հատապտուղներով։
Հայաստանում հայտնաբերվել է 1993 թվականին՝ Խոսրովի անտառ արգելոցում (գիտական արժեք ներկայացնող նմուշը պահվում է ՀՀ ԳԱԱ Կենդանաբանության ինստիտուտում), 1995 թվականին՝ Գեղարքունիքի (Դարանակ), Արարատի (Դաշտաքար) և Վայոց ձորի (Ռինդ) մարզերում։
| Վիքիցեղերն ունի նյութեր, որոնք վերաբերում են «Սևախածի կեռնեխ» հոդվածին։ |
| Վիքիպահեստն ունի նյութեր, որոնք վերաբերում են «Սևախածի կեռնեխ» հոդվածին։ |
| Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |
