Սուրբ Հարություն եկեղեցի (Տվեր)

Մոսկվայի սահմանակից մարզերում՝ Յարոսլավլում, Տվերում, Վլադիմիրում, Ռյազանում, Տուլայում և Կալուգայում, հայերը սկսել են հաստատվել 20-րդ դարի ընթացքում, իսկ 21-րդ դարում դրանց մեծ մասի մարզկենտրոններում սկսել են կառուցվել հայկական եկեղեցիներ ու հիմնվել հայկական հասարակական-մշակութային կազմակերպություններ։ Հայերը տեղափոպվում են ինչպես ինչպես Խորհրդային Ադրբեջանից և Միջին Ասիայից, ինչպես նաև Ռուսաստանի տարբեր մարզերից, Վրացական ու Հայկական ԽՍՀ-ից։ Հայերի հոսքը մոսկովյան և սահմանամերձ մարզեր շարունակվում է ԽՍՀՄ փլուզումից հետո՝ նորանկախ Հայաստանից։ Տվերում հայախոս հայերը քիչ են․ 2021 թվականի համառուսաստանյան մարդահամարի համաձայն մարզի հայ բնակչությունը կազմել է 8222 մարդ, թեև տարբեր աղբյուրներում նշվում է մինչև 13 հազար^[1]։

2000 թվականին կատարվել էր Տվերի հայկական եկեղեցու հիմնարկեքը^[2], իսկ 2012 թվականի նոյեմբերին տեղի ունեցավ Սուրբ Հարություն եկեղեցու խաչերի օծումը։ Տաճարի կառուցման համար ներդրվել է ավելի քան 60 մլն ռուբլի և Հայաստանից առաքվել է 12 վագոն կարմիր տուֆ։ 2016 թվականի հոկտեմբերի 7-ին Սուրբ Հարությունն իր դռները բացեց ծխականների համար։ Տաճարային համալիրը ներառում է երկհարկանի Հոգևորական տուն և խաչքար։ Ծխական տանը կա նաև եկեղեցական խանութ, կիրակնօրյա դպրոց երեխաների համար, սեղանատուն և գրասենյակը^[1]։

Տաճարը 33 մետր բարձրություն ունի՝ կառուցված Հայ Առաքելական եկեղեցուն բնորոշ հայկական ճարտարապետության ավանդական ոճով։ Պատերը կառուցվել են կարմիր հրաբխային տուֆից և բազալտից։ Եկեղեցու տուֆե պատերին փորագրված են 16 ռելիեֆային խաչեր. յուրաքանչյուր խաչ ունի իր անունը՝ առաքյալների, ավետարանիչների և Գրիգոր Լուսավորչի անունները^[3]։