Պաոլո Մալդինի

Պաոլո Մալդինի; իտալ.՝ Paolo Maldini
Անձնական տվյալներ
Ամբողջական անուն	Պաոլո Չեզարե Մալդինի
Ազգությունը	իտալացի
Քաղաքացիությունը	Իտալիա
Մականուն	Il Capitano (Ավագ)
Ծննդյան ամսաթիվ	հունիսի 26, 1968 (56 տարեկան)
Ծննդավայր	Միլան, Իտալիա
Հասակ	186 սմ
Քաշ	85 կգ
Դիրք	պաշտպան
Ակումբային տեղեկություններ
Ներկա ակումբ	կարիերան ավարտել է
Պատանեկան կարիերա
1978 - 1985	Միլան
Մասնագիտական կարիերա*
Ազգային հավաքական
Պարգևներ Bravo Award? FIFA World Cup Dream Team? UEFA Team of the Year? UEFA President's Award? և Ոսկե գնդակի երազանքի հավաքական
	* Մասնագիտական կարիերայում ընդգրկված են միայն առաջնության խաղերը և գոլերը:

Պաոլո Չեզարե Մալդինի (իտալ.՝ Paolo Cesare Maldini, ծնվ. հունիսի 26, 1968 թ., Միլան, Իտալիա)՝ իտալացի նախկին ֆուտբոլիստ, Միլանի նախկին անվանի ֆուտբոլիստ Չեզարե Մալդինիի որդին։ Ֆուտբոլի ողջ պատմության լավագույն պաշտպաններից մեկը, խաղում էր ինչպես ձախ, այնպես էլ կենտրոնական պաշտպանի դիրքերում։ Ողջ մարզական կարիերայի ընթացքում հանդես է եկել Միլան ակումբի կազմում՝ անցկացնելով ռեկորդային 902 խաղ^[3], և դառնալով ակումբի խորհրդանիշն ու լեգենդը։ Այդ ընթացքում նա հինգ անգամ հաղթել է Չեմպիոնների Լիգայում, յոթ անգամ՝ Սերիա Ա-ում, մեկ անգամ՝ Իտալիայի գավաթում, հինգական անգամ՝ Իտալիայի և Եվրոպայի սուպերգավաթներում, երկու անգամ՝ Միջմայրցամաքային գավաթներում, մեկ անգամ՝ Աշխարհի ակումբային առաջնությունում։ Համարվում է բացարձակ ռեկորդակիր Սերիա Ա-ում անցկացրած խաղերի քանակով՝ 647 խաղ։

Երկար ժամանակ եղել է ինչպես Միլան ակումբի, այնպես էլ Իտալիայի հավաքականի ավագը։ Երկրպագուները նրան կոչում էին "Il Capitano" ((իտալ.) Ավագ) մականունով։

1995 թ.-ին ներկայացվել է «ՖԻՖԱ Տարվա Խաղացող» մրցանակաբաշխ��ւթյանը և զբաղեցրել երկրորդ հորիզոնականը՝ զիջելով միայն Միլան ակումբի մեկ այլ խաղացող՝ Ջորջ Վեաին^[4]։ 2007 թ.-ին «UEFA Club Football Awards» մրցանակաբաշխության ժամանակ ճանաչվել է Եվրոպայում տարվա լավագույն պաշտպան^[5]։

2000 թ.-ի հուլիսի 12-ին, այն բանից հետո, երբ Իտալիայի հավաքականը դարձավ Եվրոպայի փոխչեմպիոն, Մալդինին պարգևատրվեց Իտալիայի բարձրագույն շքանշանով՝ «Իտալական Հանրապետությանը մատուցած ծառայության համար» շքանշանի սպա (չորրորդ աստիճան)^[6]։

Կարիերա

Պաոլո Մալդինին դեռ վաղ մանկական հասակից երազում էր դառնալ ֆուտբոլիստ և նմանվել հորը՝ Միլանի հանրահայտ ավագ Չեզարե Մալդինիին։ 1985 թ.-ի հունվարի 20-ին, երբ նա դեռ 16 տարեկան էր, Ուդինեզեի հետ արտագնա խաղում (1։ 1) ակումբի մարզիչ Նիլս Լիդհոլմը Մալդինիին ընդգրկում է կազմի ցուցակում. դա նրա առաջնամուտն էր մեծ ֆուտբոլ։ Չնայած այդ մրցաշրջանում դա նրա միակ ելույթն էր Ա Սերիայում, սակայն արդեն հաջորդ մրցաշրջանից սկսած մինչև իր կարիերայի ավարտը Մալդինին ամուր գրավում ու պահպանում է իր տեղը ակումբի հիմնական կազմում։

Մալդինին պաշտպան է Աստծուց

- Սիլվիո Բերլուսկոնի^[7]

Մալդինիի մուտքը պրոֆեսիոնալ ֆուտբոլ զուգադիպել է Սիլվիո Բերլուսկոնիի՝ ակումբի նոր նախագահ դառնալու և, դրա հետ կապված, ակումբի վերելքի հետ։ 1987-88 մրցաշրջանի սկուդետտոն դարձել է նրա առաջին տիտղոսը։ Միլանի կազմում նա անց է կացրել 902 խաղ։ Նրա վերջին խաղը ակումբում, որը դարձել է վերջինը նաև կարիերայում, տեղի է ունեցել 2009 թ.-ի մայիսի 31-ին, Ֆիորենտինայի հետ և ավարտվել է Միլանի հաղթանակով՝ 2։ 0 հաշվով։

1986-ից Մալդինին սկսել է հանդես գալ Իտալիայի երիտասարդական հավաքականում, որի մարզիչն այդ ժամանակաշրջանում նրա հայրն էր։ Այս հավաքականի կազմում, երկու տարվա ընթացքում նա անց է կացրել 12 խաղ և դարձել 5 գոլերի հեղինակ։ 19 տարեկան հասակում նա հրավիրվել է Իտալիայի հավաքական, որի կազմում առաջին խաղն անց է կացրել 1988 թ.-ի մարտի 31-ին, Հարավսլավիայի հետ արտագնա ընկերական հանդիպման ժամանակ (1։ 1)։ Ազգային հավաքականի կազմում անցկացրած խաղերի քանակով (126) Մալդինին զիջում է միայն Ֆաբիո Կաննավարոին։ Ազգային հավաքականում նա իր կարիերան ավարտել է 2002 թ.-ին՝ Աշխարհի առաջնությունից անմիջապես հետո։

Վիճակագրություն

Ակումբային

2009 թ.-ի մայիսի 31-ի դրությամբ^[8]

Պաոլո Մալդինիի վիճակագրությունը ակումբում
Ակումբ	Սեզոն	Սերիա Ա		Իտալիայի գավաթ		Եվրոպական մրցասպարեզ¹		Այլ առաջնություններ²		Ընդհանուր
Ակումբ	Սեզոն	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Միլան	1984–85	1	0	-	-	-	-	-	-	1	0
	1985–86	27	0	6	0	6	0	1	0	40	0
	1986–87	29	1	7	0	-	-	1³	0	37	1
	1987–88	26	2	1	0	2	0	-	-	29	2
	1988–89	26	0	7	0	7	0	-	-	40	0
	1989–90	30	1	6	0	8	0	3	0	47	1
	1990–91	26	4	3	0	4	0	2	0	35	4
	1991–92	31	3	7	1	-	-	-	-	38	4
	1992–93	31	2	8	0	10	1	1	0	50	3
	1993–94	30	1	2	0	10	1	4	0	46	2
	1994–95	29	2	1	0	11	0	2	0	43	2
	1995–96	30	3	3	0	8	0	-	-	41	3
	1996–97	26	1	3	0	6	0	1	0	36	1
	1997–98	30	0	7	0	-	-	-	-	37	0
	1998–99	31	1	2	0	-	-	-	-	33	1
	1999–2000	27	1	4	0	6	0	1	0	38	1
	2000-01	31	1	4	0	14	0	-	-	49	1
	2001–02	15	0	-	-	4	0	-	-	19	0
	2002–03	29	2	1	0	19	0	-	-	49	2
	2003–04	30	0	-	-	9	0	3	0	42	0
	2004–05	33	0	-	-	13	1	1	0	47	1
	2005–06	14	2	-	-	9	0	-	-	23	2
	2006–07	18	1	-	-	9	0	-	-	27	1
	2007–08	17	1	-	-	4	0	2	0	23	1
	2008–09	30	0	-	-	2	0	-	-	32	0
Ընդամենը կարիերայի ընթացքում		647	29	72	1	161	3	22	0	902	33

¹ներառյալ Չեմպիոնների Լիգա և ՈՒԵՖԱ գավաթ
²ներառյալ Կոպպա Իտալիա, ՈՒԵՖԱ Սուպեր գավաթ, Միջմայրցամաքային գավաթ և ՖԻՖԱ Աշխարհի ակումբային առաջնություն
³ՈՒԵՖԱ-ի գավաթի փլեյ-օֆֆ խաղեր

Ազգային

Պաոլո Մալդինիի վիճակագրությունը հավաքականում^[9]
Հավաքական	Սեզոն
Հավաքական	Սեզոն	Խաղեր	Գոլեր
Իտալիա
	1988	10	0
	1989	7	0
	1990	11	0
	1991	8	0
	1992	7	0
	1993	5	2
	1994	12	0
	1995	7	1
	1996	7	0
	1997	11	2
	1998	11	1
	1999	7	1
	2000	11	0
	2001	7	0
	2002	5	0
Ընդամենը		126	7

Նվաճումներ

Միլան

Սերիա Ա (7) - 1987-88, 1991-92, 1992-93, 1993-94, 1995-96, 1998-99, 2003-04
Ֆուտբոլի Իտալիայի գավաթ (1) - 2002-03
Ֆուտբոլի Իտալիայի սուպերգավաթ (5) - 1988, 1992, 1993, 1994, 2004
Եվրոպայի Չեմպիոնների Գավաթ / ՈՒԵՖԱ Չեմպիոնների Լիգա (5) - 1988–89, 1989–90, 1993–94, 2002–03, 2006–07
ՈՒԵՖԱ Սուպեր գավաթ (5) - 1989, 1990, 1994, 2003, 2007
Միջմայրցամաքային գավաթ (2) - 1989, 1990
ՖԻՖԱ Ակումբային աշխարհի առաջնություն (1) - 2007

Ազգային

Ֆուտբոլի աշխարհի առաջնություն.
- երրորդ տեղ - 1990
- փոխչեմպիոն - 1994
Ֆուտբոլի Եվրոպայի առաջնություն.
- երրորդ տեղ - 1988
- փոխչեմպիոն - 2000

Անհատական

1989 թ.-ի «Bravo Award» մրցանակաբաշխության հաղթող
Մտնում է ՖԻՖԱ 100 ցուցակի մեջ
Ընդգրկված է եղել 1994 թ.-ի Աշխարհի առաջնության խորհրդանշական հավաքականի կազմի մեջ
Ընդգրկված է եղել 1988, 1996 և 2000 թվականների Եվրոպայի առաջնությունների խորհրդանշական հավաքականների կազմերի մեջ
«Football Soccer» վարկածով 1994 թ.-ի աշխարհի լավագույն ֆուտբոլիստ
1994 և 2003 թվականների Ոսկե գնդակների բրոնզե մրցանակակիր
1995 թ.-ի ՖԻՖԱ Աշխարհի տարվա լավագույն ֆուտբոլիստ մրցանակաբաշխության արծաթե մրցանակակիր
Սերիա Ա լավագույն պաշտպան՝ 2004 թ.-ին
ՈՒԵՖԱ Չեմպիոնների Լիգայի լավագույն պաշտպան՝ 2007 թ.-ին
Իտալիայի ֆուտբոլի ազգային հավաքականի ավագ՝ 1994 - 2002 թթ.-երին
«Գաետանո Շիրեա մրցանակի» մրցանակակիր

Պետական պարգևներ

5-րդ՝ ասպետական աստիճանի շքանշան «Իտալիայի Հանրապետությանը մատուցած ծառայությունների համար» (Cavaliere Ordine al merito della Repubblica Italiana)՝ (1991)^[10]

4-րդ՝ սպայական աստիճանի շքանշան «Իտալիայի Հանրապետությանը մատուցած ծառայությունների համար» (Ufficiale Ordine al merito della Repubblica Italiana)՝ (2000)^[11]

Անձնական կյանք

Պաոլո Մալդինին ամուսնացած է վենեսուելացի նախկին մոդել Ադրիանա Ֆոսսայի հետ և ունի երկու որդի. Քրիստիան (ծնվ. 1996 թ.) և Դանիել (ծնվ. 2001 թ.)։ Քրիստիանը 2013-ի հուլիսից խաղում է Միլանի երիտասարդական թիմում, Դանիելը՝ պատանեկան թիմում։

Հետաքրքիր փաստեր

Մալդինիի ազգանվան տառերով իտալերեն լեզվով (Maldini) կարելի է կազմել «di Milan» բառակապակցությունը, որը նշանակում է «Միլանից»։
Միլանի 3-րդ համարի մարզաշապիկը ամրագրված է Մալդինիի անունով։ Համաձայն պայմանավորվածության՝ այդ համարը կարող են կրել միայն նրա որդիները։
Ազգային հավաքականի կազմում Մալդինին խփել է 7 գոլեր։ Հատկանշականն այն է, որ բոլոր այդ 7 խաղերում, որոնց ժամանակ նա դարձել է գոլի հեղինակ, հավաքականը հաղթել է առնվազն 2 գոլերի տարբերությամբ։ Ընդ որում, բոլոր այդ խաղերը եղել են տան դաշտերում, իտալական 7 տարբեր քաղաքներում, սակայն Մալդինիի հայրենի Միլանը այդ քաղաքների թվում չկար։
2004-05 Չեմպիոնների Լիգայի եզրափակիչում, 52-րդ վայրկյանին Մալդինին խփել է Չեմպիոնների Լիգայի եզրափակիչների ամենաարագ գնդակը և դարձել ամենատարեց ֆուտբոլիստը (36 տարեկան 11 ամսական), ով գոլ է խփել Չեմպիոնների Լիգայի եզրափակիչում^[12]։
2007-ին հաղթելով Չեմպիոնների Լիգայի եզրափակիչում՝ Մալդինին դարձել է ամենատարեց ֆուտբոլիստը (38 տարեկան 11 ամսական), ով հաղթել է Չեմպիոնների Լիգան^[12]։

Ծանոթագրություններ

↑ https://www.quirinale.it/onorificenze/insigniti/211861
↑ https://www.quirinale.it/onorificenze/insigniti/77131
↑ HALL OF FAME:PAOLO MALDINI(անգլ.)
↑ FIFA World Player of the Year(անգլ.)
↑ UEFA Club Football Awards. տարվա լավագույն պաշտպան(անգլ.)
↑ Ufficiale Ordine al Merito della Repubblica Italiana(իտալ.)
↑ acmilan.ucoz.net(ռուս.)
↑ «Պաոլո Մալդինի-Միլան ակումբի խաղացողի պրոֆիլ». Արխիվացված օրիգինալից 2007 թ․ սեպտեմբերի 30-ին. Վերցված է 2013 թ․ մայիսի 31-ին.(իտալ.)
↑ «Մալդինի-միջազգային խաղեր». RSSSF. Վերցված է 2011 թ․ ապրիլի 16-ին.(անգլ.)
↑ «Cavaliere Ordine al Merito della Repubblica Italiana» (Italian). Արխիվացված օրիգինալից 2008 թ․ դեկտեմբերի 6-ին. Վերցված է 2008 թ․ հոկտեմբերի 20-ին.{{cite web}}: CS1 սպաս․ չճանաչված լեզու (link)(իտալ.)
↑ «Ufficiale Ordine al Merito della Repubblica Italiana» (Italian). Արխիվացված օրիգինալից 2008 թ․ դեկտեմբերի 6-ին. Վերցված է 2008 թ․ հոկտեմբերի 20-ին.{{cite web}}: CS1 սպաս․ չճանաչված լեզու (link)(իտալ.)
↑ ^12,0 ^12,1 «Champions League Records» (PDF) (անգլերեն). UEFA.com. Արխիվացված (PDF) օրիգինալից 2012 թ․ փետրվարի 4-ին. Վերցված է 2011 թ․ սեպտեմբերի 22–ին-ին.(անգլ.)

Արտաքին հղումներ

Մալդինիի պրոֆիլը Միլան ակումբի պաշտոնական կայքում(անգլ.)
Պաոլո Մալդինի - Ֆորում(ռուս.)

Վիքիպահեստն ունի նյութեր, որոնք վերաբերում են «Պաոլո Մալդինի» հոդվածին։

Նախորդող
Ֆրանկո Բարեզի

Միլան ֆուտբոլային ակումբի ավագներ
Պաոլո Մալդինի
1997 - 2009

Հաջորդող
Մասսիմո Ամբրոզինի

[_e709fbe5c88c3183-1] ttps://www.quirinale.it/onorificenze/insigniti/211861

[_2bd8e2e2ad6a9d23-2] ttps://www.quirinale.it/onorificenze/insigniti/77131

[3] HALL OF FAME:PAOLO MALDINI(անգլ.)

[4] FIFA World Player of the Year(անգլ.)

[5] UEFA Club Football Awards. տարվա լավագույն պաշտպան(անգլ.)

[6] Ufficiale Ordine al Merito della Repubblica Italiana(իտալ.)

[7] .ucoz.net(ռուս.)

[acmilan_profile-8] «Պաոլո Մալդինի-Միլան ակումբի խաղացողի պրոֆիլ». Արխիվացված օրիգինալից 2007 թ․ սեպտեմբերի 30-ին. Վերցված է 2013 թ․ մայիսի 31-ին.(իտալ.)

[9] «Մալդինի-միջազգային խաղեր». RSSSF. Վերցված է 2011 թ․ ապրիլի 16-ին.(անգլ.)

[10] «Cavaliere Ordine al Merito della Repubblica Italiana» (Italian). Արխիվացված օրիգինալից 2008 թ․ դեկտեմբերի 6-ին. Վերցված է 2008 թ․ հոկտեմբերի 20-ին.{{cite web}}: CS1 սպաս․ չճանաչված լեզու (link)(իտալ.)

[11] «Ufficiale Ordine al Merito della Repubblica Italiana» (Italian). Արխիվացված օրիգինալից 2008 թ․ դեկտեմբերի 6-ին. Վերցված է 2008 թ․ հոկտեմբերի 20-ին.{{cite web}}: CS1 սպաս․ չճանաչված լեզու (link)(իտալ.)

[rec_pdf-12] 12,0 ^12,1 «Champions League Records» (PDF) (անգլերեն). UEFA.com. Արխիվացված (PDF) օրիգինալից 2012 թ․ փետրվարի 4-ին. Վերցված է 2011 թ․ սեպտեմբերի 22–ին-ին.(անգլ.)

[3]