Յումժագիյն Ցեդենբալ
Յումժագիյն Ցեդենբալ (մոնղ.՝ Юмжаагийн Цэдэнбал, սեպտեմբերի 17, 1916[1][2][3], Ուվս, Մոնղոլիա - ապրիլի 20, 1991[1][3], Մոսկվա, ԽՍՀՄ[4]), Մոնղոլիայի ժողովրդական հեղափոխական կուսակցության (ՄԺՀԿ) և միջազգային կոմունիստական շարժման, ՄԺՀ պետական գործիչ։ ՄԺՀ ԳԱ պատվավոր անդամ (1966)։ ՄԺՀ Աշխատանքի հերոս (1961), ՄԺՀ հերոս (1966)։ 1938 թվականին ավարտել է Իրկուտսկի ֆինանսա-տնտեսագիտական ինստիտուտը։ 1939 թվականին ընդունվել է ՄԺՀԿ շարքերը։ 1939-1940 թվականներին եղել է ՄԺՀ ֆինանսների մինիստրի տեղակալ, ապա՝ մինիստր։ 1940 թվականից՝ ՄԺՀԿ ԿԿ և ՄԺՀԿ ԿԿ նախագահության (1943 թվականից՝ քաղբյուրոյի) անդամ։ 1940-1954 թվականներին Յումժագիյն Ցեդենբալը ՄԺՀԿ ԿԿ գլխավոր քարտուղարն էր, միաժամանակ (1941-1945 թվականներին) Մոնղոլական ժողովրդահեղափոխական բանակի գլխավոր հրամանատարի տեղակալը և քաղվարչության պետը։ 1945-1952 թվականներին՝ ՄԺՀ պրեմիեր մինիստրի տեղակալ, միաժամանակ (մինչև 1948 թվականը)՝ պետպլանի նախագահ։ 1952-1974 թվականներին՝ Մինիստրների խորհրդի նախագահ։ 1958 թվականից՝ ՄԺՀԿ ԿԿ առաջին, 1980-1984 թվականներին՝ գլխավոր քարտուղար։ 1974-1984 թվականներին՝ ՄԺՀ ժողովրդական Մեծ խուրալի նախագահության նախագահ։
| Յումժագիյն Ցեդենբալ Юмжаагийн Цэдэнбал | |
|---|---|
 | |
| Ծնվել է | սեպտեմբերի 17, 1916[1][2][3] |
| Ծննդավայր | Ուվս, Մոնղոլիա |
| Մահացել է | ապրիլի 20, 1991[1][3] (74 տարեկան) |
| Մահվան վայր | Մոսկվա, ԽՍՀՄ[4] |
| Գերեզման | Ուլան Բատոր |
| Քաղաքացիություն | .svg){kind=small} Մոնղոլիայի Ժողովրդական Հանրապետություն |
| Կրոն | աթեիզմ |
| Կրթություն | Բայկալի պետական համալսարան (1934) |
| Մասնագիտություն | քաղաքական գործիչ և տնտեսագետ |
| Ամուսին | Anastasia Filatova? |
| Զբաղեցրած պաշտոններ | Մոնղոլիայի ժողովրդական կուսակցության Կենտրոնական կոմիտեի Գերագույն քարտուղար, Մոնղոլիայի ժողովրդական կուսակցության Կենտրոնական կոմիտեի Գերագույն քարտուղար, Մոնղոլիայի վարչապետ և Minister of Finance? |
| Կուսակցություն | Մոնղոլիայի ժողովրդական կուսակցություն |
| Պարգևներ և մրցանակներ | |
 Yumjaagiin Tsedenbal Վիքիպահեստում | |
Պարգևատրվել է Լենինի 2, Կուտուզովի I աստիճանի, Հոկտեմբերյան հեղափոխության շքանշաններով և Ժոլիո-Կյուրիի անվան Խաղաղության ոսկե մեդալով (1973)։
Ծանոթագրություններ
խմբագրել- ↑ 1,0 1,1 1,2 1,3 1,4 Pletcher K. Encyclopædia Britannica
- ↑ 2,0 2,1 filmportal.de — 2005.
- ↑ 3,0 3,1 3,2 3,3 3,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 4,0 4,1 4,2 Deutsche Nationalbibliothek Record #132225158 // Gemeinsame Normdatei (գերմ.) — 2012—2016.
- ↑ 5,0 5,1 5,2 5,3 5,4 5,5 5,6 Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
| Վիքիպահեստն ունի նյութեր, որոնք վերաբերում են «Յումժագիյն Ցեդենբալ» հոդվածին։ |
| Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ |
