Մերի Մոզեր
Մերի Մոզեր (անգլ.՝ Mary Moser, հոկտեմբերի 27, 1744[1][2][3][…], Լոնդոն, Մեծ Բրիտանիայի թագավորություն - մայիսի 2, 1819[1][2][3][…], Լոնդոն, Մեծ Բրիտանիայի և Իռլանդիայի միացյալ թագավորություն[4]), անգլիացի նկարիչ, Լոնդոնի գեղարվեստի թագավորական ակադեմիայի հիմանդիր երկու կին անդամներից և Մեծ Բրիտանիայում 18-րդ դարի առավել հայտնի կին արվեստագետներից մեկը[5]։ Մոզերը ստեղծել է դիմանկարներ, բայց աչքի է ընկել իր ստեղծած ծաղիկների կտավներով[6]։
Մերի Մոզեր | |
|---|---|
 | |
| Ծնվել է | հոկտեմբերի 27, 1744[1][2][3][…] |
| Ծննդավայր | Լոնդոն, Մեծ Բրիտանիայի թագավորություն |
| Վախճանվել է | մայիսի 2, 1819[1][2][3][…] (74 տարեկան) |
| Մահվան վայր | Լոնդոն, Մեծ Բրիտանիայի և Իռլանդիայի միացյալ թագավորություն[4] |
| Քաղաքացիություն | .svg){kind=small} Մեծ Բրիտանիայի և Իռլանդիայի միացյալ թագավորություն, .svg){kind=small} Մեծ Բրիտանիայի թագավորություն և Շվեյցարիա |
| Մասնագիտություն | ծաղիկներ պատկերազարդող և նկարչուհի |
| Ժանր | ծաղկային նատյուրմորտ |
| Անդամակցություն | Գեղարվեստի թագավորական ակադեմիա |
| Հայր | George Michael Moser?[3] |
 Mary Moser Վիքիպահեստում | |
Կենսագրություն
խմբագրելՄոզերը ծնվել է Լոնդոնում։ Նրա վրա մեծ ազդեցություն է ունեցել Շվեյցարիայում ծնված նկարիչ հայրը՝ Ջորջ Մայքլ Մոզերը (1706-1783), և նրա տաղանդը նկատելի է եղել դեռևս վաղ տարիքից։ 14 տարեկան հասակում արժանացել է Արվեստի ընկերության իր առաջին մեդալին[5]։ Մեծ Բրիտանիայի արվեստագետների ընկերակցությունում շարունակաբար ցուցադրվել են նրա ծաղկային աշխատանքները։ Տասը տարի անց 35 այլ արվեստագետների հետ միասին (ներառյալ նրա հայրը) կազմավորել են թագավորական ակադեմիան և Անգելիկա Կաուֆմանի հետ դարձել ակադեմիայի առաջին կին անդամները։
_-_Mary_Moser.jpg){kind=link}
Յոհան Ցոֆֆանիի ստեղծած «Թագավորական ակադեմիայի անդամները» (1771-1772 թվականներ, Լոնդոնի թագավորական հավաքածու) խմբակային դիմանկարում ակադեմիայի անդամները հավաքված են մերկ տղամարդ մոդելի շուրջ այն ժամանակ, երբ կանանց արգելվում էր նման ուսուցում, որպեսզի պահպանեին իրենց համեստությունը։ Ուստի Մոզերին և Կաուֆմանին նկարում ընդգրկելու համար Ցոֆֆանին պատկերել է նրանց դիմանկարները պատից կախված։
Ջորջ Ռոմնին (1770) նատյուրմորտ ստեղծելիս պատկերել է Մոզերին։ Այդ աշխատանքը 2003 թվականին ձեռք է բերվել Լոնդոնի ազգային դիմանկարների պատկերասրահի կողմից։
1790-ական թվականներին Մոզերը թագուհի Շառլոտից ստացել է պատվեր, որի համար նրան վճարել են մոտ £900՝ Վինձորի Ֆրոգմոր տան սենյակում ստեղծելու ծաղկային դեկորատիվ սխեմա[7]։ Սա նրա մասնագիտական վերջին աշխատանքներից էր, նախքան կապիտան Հյու Լոյդի հետ 1793 թվականի հոկտեմբերի 23-ին ամուսնանալը։ Անցնելով թոշակի՝ նա սկսել է ցուցադրել աշխատանքները իր ամուսնական անունով[6]։ Մինչև 1802 թվականը ցուցադրվել է Թագավորական ակադեմիայում[5]։
Այս ժամանակահատվածում Մոզերն ազատ հարաբերություններ է ունեցել Ռիչարդ Կոսուեյի հետ, ով բաժանվել էր կնոջից՝ Մարիայից։ 1793 թվականին Մոզերը նրա հետ մեկնել է ճամփորդության։ Իր գրառումներում Ռիչարդը համեմատականներ է տարել Մոզերի և Մարիայի միջև[8]։
Մոզերը մահացել է 1819 թվականի մայիսի 2-ին Լոնդոնի Վերին Թորնհաու փողոցում։ Թաղված է ամուսնու կողքին՝ Կենսինգտոնի գերեզմանատանը[7]։
Մոզերի մահից հետո՝ 1819 թվականին, ակադեմիայի իսկական կին անդամներ չեն ընտրվել մինչև 1936 թվականին ընտրվել է Լաուրա Նայթը։
Գրականություն
խմբագրել- de Bray, Lys (2001). The Art of Botanical Illustration: A history of classic illustrators and their achievements, p. 72. Quantum Publishing Ltd., London. ISBN 1-86160-425-4.
Ծանոթագրություններ
խմբագրել- ↑ 1,0 1,1 1,2 1,3 1,4 RKDartists (նիդերլ.)
- ↑ 2,0 2,1 2,2 2,3 2,4 Benezit Dictionary of Artists — OUP, 2006. — ISBN 978-0-19-977378-7
- ↑ 3,0 3,1 3,2 3,3 3,4 3,5 SIKART — 2006.
- ↑ 4,0 4,1 4,2 Union List of Artist Names — 2018.
- ↑ 5,0 5,1 5,2 Gibbons, Fiachra (2003 թ․ սեպտեմբերի 24). «Gallery honours pioneering woman painter». London: The Guardian. Վերցված է 2010 թ․ մարտի 10-ին.
- ↑ 6,0 6,1 Brian Stewart & Mervyn Cutten (1997). The Dictionary of Portrait Painters in Britain up to 1920. Antique Collectors' Club. ISBN 1 85149 173 2.
- ↑ 7,0 7,1 Moser, Mary (DNB00)
- ↑ Schuchard Martha, Why Mrs Blake Cried: William Blake and the Erotic Imagination, Pimlico, 2007, p.253
Արտաքին հղումներ
խմբագրել| Վիքիպահեստն ունի նյութեր, որոնք վերաբերում են «Մերի Մոզեր» հոդվածին։ |