Մասնակից:Sonakarapetyan99/Ավազարկղ
Լեզվի դպրոց՝ հաստատություն, որտեղ դասավանդվում է օտար լեզու: Լեզվի դպրոցում անցկացվող դասերը սովորաբար ուղղված են, ինչ որ կոնկրետ հմտություն զարգացնելու վրա, օրինակ, օտար լեզվի հաղորդակցական հմտություններին: Նման դպրոցներում լեզուների ուսուցումը սովորաբար լրացնում է ֆորմալ կրթությունը կամ օտար լեզվի արդեն մեր ունեցած գիտելիքները: Ուսանողները տարբերվում են ըստ տարիքի, կրթության մակարդակի, աշխատանքային փորձի: Նրանց սովորաբար հնարավորություն է տրվում ընտրելու կոնկրետ դասընթաց՝ ըստ իրենց լեզվի իմացության մակարդակի: Համաձայն լեզուների ընդհանուր եվրոպական շրջանակի (անգլ.՝ CEFR)[1], կան լեզվի վեց մակարդակներ, որոնք սահմանում են ուսանողների լեզվի իմացությունը՝ հիմնվելով նրանց խոսելու, գրելու և կարդալու հմտությունների վրա: Այնուհետև, ուսանողները ներգրավվում են այն դասընթացին, որը համապատասխանում է նրանց ունեցած հմտություններին:
Կառուցվածք
խմբագրելՈրպես կանոն, նոր ուսանողները անցնում են տեղաբաշխման թեստ, որը ուսուցիչներին հնարավորություն է տալիս որոշել, թե որն է ամենահամապատասխան մակարդակը տվյալ աշակերտի համար: Դասընթացները կարող են կազմակերպվել խմբակային կամ անհատական: Մասնավոր լեզվի դպրոցները հիմնականում բաց են ամբողջ տարի և հագեցած են մանկավարժական նյութերով (գրքեր, մագնիտոֆոններ, տեսանյութեր, լեզվի լաբորատորիաներ, գրադարան և այլն):
Կազմակերպություն
խմբագրելԼեզվի դպրոցների մեծ մասը մասնավոր են և շահույթ հետապնդող: Վճարները տարբերվում են՝ կախված բազմաթիվ գործոններից, ներառյալ՝ ապրելու համար նախատեսված տեղական ծախսերը, փոխարժույթները և լեզվի պահանջարկն այն տարածքում, որտեղ գտնվում է դպրոցը: Լեզվի դպրոցները կամ անկախ կազմակերպություններ են, կամ կորպորատիվ մասնաճյուղեր։
Ուսուցիչներ
խմբագրելՈւսուցիչները պետք է տիրապետեն դասավանդվող լեզվին որպես մայրենի լեզվու կամ ձեռք բերված կարողությունների չափով։ Պետք է ունենան պաշտոնական որակավորումներ լեզու դասավանդելու համար, սակայն սա կարող է տարբերվել կախված դպրոցից, տարածաշրջանից կամ երկրից։ Սա ապահովում է լեզվի դպրոցի որակը և ուսանողներին տալիս ավելի հարուստ փորձ: Ուսուցիչները կարող են ունենալ մանկավաժության բակալավրիատի, մագիստրոսի կամ ասպիրանտի որակավորում, փորձը և դասավանդման ուժեղ հմտությունները լեզվի դպրոցի ուսուցիչների հավաքագրման հիմնական չափանիշներն են:
Կացարան
խմբագրելՇատ լեզվի դպրոցներ իրենց ուսանողներին առաջարկում են տարբեր տեսակի կացարաններ՝ հյուրընկալող ընտանիք, համալսարանական կացարաններ, հանրակացարաններ կամ հյուրանոցներ:
Որակավորումներ
խմբագրելՈւսանողների մեծ մասը հանձնում են միջազգային լեզվի քննություն և ստանում միջազգայնորեն ճանաչված որակավորում:
Միջազգային լեզվի քննություններ
խմբագրելԼեզվի դպրոցները սովորաբար առաջարկում են հատուկ ծրագրեր նրանց համար, ովքեր ցանկանում են նախապատրաստվել միջազգային ճանաչված լեզվի քննություններին, ինչպիսիք են.
- TOEIC (անգլերեն)
- TOEFL (անգլերեն)
- CaMLA (անգլերեն)
- TrackTest (անգլերեն)
- University of Toronto TEFL (անգլերեն)
- Cambridge English Language Assessment (անգլերեն)
- DELF/DALF (ֆրանսերեն)
- TestDaF (գերմաներեն)
- SIELE (իսպաներեն)
- DELE (իսպաներեն)
- JLPT (ճապոներեն)
- TOPIK (կորեերեն)
- HSK (չինարեն)
- DELI/DILI/DALI (իտալերեն)
Որոշ կազմակերպություններ համատեղում են լեզվի ուսուցումը ճամփորդության հետ դեպի այն երկրներ, որտեղ ուսուցանվող լեզուն համարվում է մայրենի լեզու: Նման ճանապարհորդությունների հիմնական նպատակն է հնարավորություն տալ ուսանողներին ուսումնասիրել և հասկանալ այն երկրի լեզուն ու մշակույթը, որտեղ դասավանդվող լեզուն համարվում է մայրենի լեզու։
Լեզվի դասեր
խմբագրելԱնգլերեն
խմբագրելՀամաշխարհային մասշտաբով, անգլերեն լեզվի դպրոցները այլ լեզուների դպրոցների նկատմամբ ամենամեծ պահանջարկն ունեն: Ավելի քան մեկ միլիարդ մարդ սովորում է անգլերեն որպես երկրորդ կամ օտար լեզու[2]: Միայն Միացյալ Նահանգներում ոչ ակադեմիական պայմաններում անգլերեն սովորող չափահասների մեկ երրորդը սովորում են այն որպես երկրորդ լեզու[3]: Անգլերենի դասավանդումը գրանցել է պահանջարկի ամենաբարձր աճը՝ 67%, վերջին երեք տարիների ընթացքում: Միացյալ Նահանգները և Մեծ Բրիտանիան համաշխարհային անգլալեզու ճամփորդությունների շուկայում ամենամեծ խաղացողներն են, որոնք կազմում են 2013 թվականին ստացված ընդհանուր եկամուտի 62%-ը և ուսանողների 65,5%-ը ողջ աշխարհում[4]:
Ավելին, անգլերեն լեզվի դպրոցները թվով ամենաշատն են ասիական երկրներում, ինչպիսիք են Չինաստանը, Ճապոնիան և Հարավային Կորեան, քանի որ արևմտյան մշակույթը մեծ ազդեցություն ունի անգլերենի աճող պահանջարկի վրա բիզնեսում և մշակութային համատեքստերում:
Այլ եվրոպական լեզուներ
խմբագրելԻսպաներենը երկրորդ ամենատարածված լեզուն է լեզվական ճանապարհորդությունների շուկայում, որին հաջորդում են ֆրանսերենը, իտալերենը և գերմաներենը: Մինչդեռ ֆրանսերենի, իտալերենի և գերմաներենի պահանջարկը նվազում է, վերջին տարիներին զգալիորեն աճել է մի շարք այլ լեզուների պահանջարկը ինչպիսիք են չինարենը և արաբերենը[5]։ Ընդհանուր առմամբ իսպաներեն լեզվի դպրոցները մեծ տարածում են գտել Լատինական Ամերիկայում և Իսպանիայում: Իսկ իտալերենի լեզվի դպրոցները մեծ ճանաչում են վայելում Իտալիայում:
Չինարեն
խմբագրելՉինարենը՝ լեզուն որպես երկրորդ կամ օտար լեզու սովորողների շրջանում, երկրորդ ամենատարածված լեզուն է, և դրա պահանջարկը գնալով բարձրանում է: Վերջին երկու տասնամյակների ընթացքում Միացյալ Նահանգներում և Միացյալ Թագավորությունում ստանդար չինարեն (մանդարին) դասավանդող լեզվի դպրոցների թիվն ավելացել է:
Արաբերեն
խմբագրելՎերջին տասնամյակում արաբերենը նույնպես մեծ տարածում է գտել: Հիմնական խթաններից են իսլամի շարունակական աճն ամբողջ աշխարհում (Ղուրանի սուրբ գիրքը արաբերեն է), ինչպես նաև մշակութային, տնտեսական և քաղաքական մի շարք գործոններ[6]:
Հինդի
խմբագրելՀինդի լեզվի կարևորությունը սկսեց աճել հնդկական թերակղզու մշակույթի հետ մեկտեղ, որի պատճառ են հանդիսացել վերջին տարիների արտաքին քաղաքականությու��ը, համաշխարհային մրցունակությունը և երկրից արտագաղթը: Հինդին որպես օտար լեզու սկսեց ներմուծվել ամերիկյան որոշ դպրոցներում 2000-ական թվականներին։ Պահանջվում էին լեզվի այնպիսի դասավանդողներ, որոնք դասավանդելու էին մանկապարտեզից մինչև համալսարան՝ որպես Ազգային անվտանգության լեզվական նախաձեռնության մի մաս[7]:
Ռուսերեն
խմբագրելՎերջին տասնամյակում ռուսերենը նույնպես մեծ համբավ է վայելում: Հիմնական խթաններն են՝ ռուսական գիտության շարունակական աճն ամբողջ աշխարհում, ինչպես նաև մշակութային, տնտեսական և քաղաքական մի շարք գործոններ:
Տես նաև
խմբագրել
Ծանոթագրություններ
խմբագրել- ↑ «Common European Framework of Reference for Languages: Learning, teaching, assessment (CEFR)». Վերցված է 17 December 2016-ին.
- ↑ «How many people learn English globally?». Վերցված է 17 December 2016-ին.
- ↑ «How large is the English learning market worldwide?». Արխիվացված է օրիգինալից 20 December 2016-ին. Վերցված է 17 December 2016-ին.
- ↑ «dec13main.indd». Վերցված է 17 December 2016-ին.
- ↑ «Most Popular Foreign Languages». Forbes. Վերցված է 2013-12-20-ին.
- ↑ «A God-given way to communicate». Economist. 22 April 2010. Վերցված է 2015-03-04-ին.
- ↑ Hemali Chhapia (March 23, 2008). «India shining: US headhunts Hindi teachers». Times of India.