Մայքլ Հիգգինս
Մայքլ Դենիել Հիգգինս (իռլանդերեն՝ Mícheál D. Ó hUiginn, ապրիլի 18, 1941[1][2][3][…], Լիմերիկ, Մանսթեր, Իռլանդիա[2]), իռլանդացի քաղաքական գործիչ, բանաստեղծ, գրող, սոցիոլոգ և հեռուստահաղորդավար[5]։ Նա դարձավ Իռլանդիայի 9-րդ նախագահը՝ 2011 թվականի հոկտեմբերի 27-ին տեղի ունեցած ընտրություններից հետո։ Հիգգինսը Իռլանդիայի լեյբորիստական կուսակցության թեկնածուն էր[6]։
| Մայքլ Հիգգինս իռլանդերեն՝ Mícheál D. Ó hUiginn | |
_(cropped).jpg)
| |
| Կուսակցություն՝ | Լեյբորիստական կուսակցություն և Ֆիանա Ֆայլ |
|---|---|
| Կրթություն՝ | University of Galway?, Ինդիանայի համալսարան, Բլումինգթոն, Մանչեսթերի համալսարան, Ինդիանայի համալսարան և St. Flannan's College? |
| Մասնագիտություն՝ | քաղաքական գործիչ, բանաստեղծ, գրող և քաղաքագետ |
| Դավանանք | կաթոլիկություն |
| Ծննդյան օր | ապրիլի 18, 1941[1][2][3][…] (83 տարեկան) |
| Ծննդավայր | Լիմերիկ, Մանսթեր, Իռլանդիա[2] |
| Քաղաքացիություն |  Իռլանդիա
|
| Ամուսին | Սաբինա Հիգինս |
| Կայք՝ | president.ie |
| Ինքնագիր | 
|
| Պարգևներ | |
Քաղաքականության մեջ է 1970-ական թվականներից։ 1982- 1983 և 1991- 1992 թվականներին եղել է Գոլուէյի քաղաքապետը։ 1993- 1997 թվականներին եղել է Իռլանդիայի արվեստների, մշակույթի և իռլանդերենի հարցերով նախարար[7], 2003- 2011 թվականներին՝ Լեյբորիստական կուսակցության նախագահ։
Կենսագրություն
խմբագրելՀիգգինսը ծնվել է 1941 թվականի ապրիլի 18-ին Իռլանդիայի Լիմերիկ քաղաքում[8]։ Նրա հայրը՝ Ջոն Հիգգինսը եղել է Իռլանդական հանրապետական բանակի լեյտենանտ։ Ջոն Հիգգինսը իր եղբայրներ Պիտերի և Մայքլի հետ ակտիվորեն մասնակցել են Իռլանդիայի անկախության պատերազմին։
Լինելով Գոլուէյի իռլանդական ազգային համալսարանի ուսանող՝ 1963 թվականին ընտրվել է գրականության և երկխոսության ուսանողական ակումբի փոխնախագահ, իսկ 1964 թվականից արդեն նախագահ։ 1964- 1965 թվականներին եղել է Գոլուէյի իռլանդական ազգային համալսարանի ուսանողական խորհրդի նախագահ։ 1967 թվականին ստացել է Բլումինգտոնի համալսարանի մագիստրոսի կոչում[9]։ Նրա ակադեմիական կարիերան կապված է Գոլուէյի իռլանդական ազգային համալսարանի հետ, որտեղ դասավանդել է քաղաքագիտության և սոցիոլոգիայի ամբիոնում։ Դասավանդել է նաև ԱՄՆ-ի Հարավային Իլինոյսի համալսարանում։
Նա ազատորեն տիրապետում է Իռլանդիայի երկու պաշտոնական լեզուներին՝ իռլանդերենին և անգլերենին[10], ինչպես նաև խոսում է իսպաներեն[11]։
Նախագահության ընթացքը
խմբագրել2010 թվականի սեպտեմբերին Հիգգինսը հայտրարարեց, որ հետաքրքրված է մասնակցելու 2011 թվականի նախագահական ընտրություններին՝ Լեյբորիստական կուսակցությունից։ Նաև նշեց, որ ինքը կկառավարի երկիրը 7-ամյա ժամկետով, այսինքն չի դնի իր թեկնածությունը երկրորդ անգամ, չնայած, որ սահմանադրորեն դրա իրավունքը ուներ։
Դարձել է նախագահի թեկնածու 2011 թվականի հունիսի 19-ին՝ Դուբլինում կայացած կուսակցական նիստի արդյունքում։ Նրա հակառակորդը սենատոր Քեթլին Օ'միրան էր։ Հիգգինսը հայտարարեց, որ կլինի նախագահի չեզոք թեկնածու և չի լինի իռլանդական կառավարության «աղախին»ը։
2011 թվականի հոկտեմբերի 29-ին, նախագահական ընտրություններից երկու օր անց, Հիգգինսը հայտարարվեց Իռլանդիայի նախագահ և ստացավ ձայների 56․8%-ը՝ հավաքելով 1,007,104 ձայն։ Հիգգինսը հավաքեց ամենաշատ ձայները Իռլանդիայի ողջ պատմության ընթացքում։
Հիգգինսը 2014 թվականի ապրիլին այցելեց Մեծ Բրիտանիա, որը նրա առաջին պաշտոնական այցն էր[12]։
Ծանոթագրություններ
խմբագրել- ↑ 1,0 1,1 Internet Movie Database — 1990.
- ↑ 2,0 2,1 2,2 2,3 2,4 Wallenfeldt J. Encyclopædia Britannica
- ↑ 3,0 3,1 Բրոքհաուզի հանրագիտարան (գերմ.)
- ↑ https://tvperu.gob.pe/noticias/politica/presidente-kuczynski-condecoro-a-su-homologo-irlandes-con-el-gran-collar-de-la-orden-el-sol-del-peru
- ↑ «Who is Michael D Higgins?». BBC. 28 октября 2011 года.
- ↑ «Президентские выборы в Ирландии выиграл 70-летний поэт». Лента.ру. 29 октября 2011 года.
- ↑ «База данных депутатов Ойряхтаса». Лента.ру. 21 сентября 2010 года.
- ↑ «Пусть к президентству Майкла Хиггинса». Айриш Тайм. 25 июня 2011 года.
- ↑ «Пресс-релиз. Поздравление от выпускников Индианского университета». Сайт Индианского университета. 31 октября 2011 года.
- ↑ «Обзор кандидатов на пост Президента Ирландии». Индепендент Айриш. 29 сентября 2011 года.
- ↑ «Президент Ирландии провел три недели изучая испанский язык в UIMP». Международный Университет Menéndez Pelayo. 25 августа 2012 года. Արխիվացված է օրիգինալից 2014 թ․ մայիսի 8-ին. Վերցված է 2016 թ․ օգոստոսի 6-ին.
- ↑ «Историческая встреча: Елизавета II приняла президента Ирландии». HELLO.RU. 9 апреля 2014 года.
Արտաքին հղումներ
խմբագրել- Կենսագրություն(անգլ.)
- «Մայքլ Հիգգինս էջը Լեյբորիստական կուսակցության կայքում». Արխիվացված է օրիգինալից 2002 թ․ մարտի 14-ին. Վերցված է 2016 թ․ օգոստոսի 6-ին.
| Վիքիպահեստն ունի նյութեր, որոնք վերաբերում են «Մայքլ Հիգգինս» հոդվածին։ |