Հելենա Բոնեմ Քարթեր
Հելենա Բոնեմ Քարթերը (անգլ.` Helena Bonham Carter, մայիսի 26, 1966[1][2][3][…], Լոնդոն, Անգլիա, Միացյալ Թագավորություն), բրիտանացի թատրոնի և կինոյի դերասանուհի է։ Հայտնի է իր դերերով այնպիսի ֆիլմերում, ինչպիսիք են` «Մարտական ակումբ» (1999), «Թագավորի ելույթը» (2010), ինչպես նաև Բելատրիքս Լեստրեյնջի դերով Հարի Փոթերի մասին ֆիլմերում։
 անգլ.՝ Helena Bonham Carter | |
|---|---|
 Հելենա Բոնեմ Քարթերը 83-րդ Academy Awards-ում, 2011 | |
| Ծնվել է | մայիսի 26, 1966[1][2][3][…] (58 տարեկան) |
| Ծննդավայր | Լոնդոն, Անգլիա, Միացյալ Թագավորություն |
| Կրթություն | Վեսմինստերի դպրոց, South Hampstead High School?, Bournville School? և Fine Arts College? |
| Քաղաքացիություն | .svg){kind=small} Միացյալ Թագավորություն |
| Կրոն | անհայտ |
| Մասնագիտություն | Դերասանուհի |
| Ակտիվ շրջան | 1983–այժմ |
| Ընտրանի | Թագավորի ելույթը, The Wings of the Dove?, Չառլին և շոկոլադի գործարանը, Հարսնացուի դիակը, Ալիսան հրաշքների աշխարհում, Մութ ստվերներ, Մոխրոտիկը, Ուոլիսը և Գրոմիտը. Ճագարի անեծքը, Հարրի Փոթեր, Sweeney Todd: The Demon Barber of Fleet Street?, Մեծ ձուկը, Օուշենի ութ ընկերուհիները, Թշվառները, Միայնակ Ռենջերը, Տերմինատոր։ Փրկիչը, Մեծ հույսեր և Մարտական ակումբ |
| Ծնողներ | հայր՝ Ռեյմոնդ Բոնեմ Քարթեր[4][5], մայր՝ Elena Propper de Callejon?[4][5] |
| Ամուսին(ներ) | Թիմ Բարթոն |
| Համատեղ ապրող(ներ) | Քեննեթ Բրանա և Թիմ Բարթոն |
| Երեխա(ներ) | 2 երեխա |
| Պարգևներ և մրցանակներ | |
Վաղ կյանքը
խմբագրելՀելենա Բոնեմ Քարթերը ծնվել է Գոլդերս-Գրինում (Բարնեթ, Լոնդոն)`հոգեթերապևտ Ելենայի (ի ծնե` Փրոփփեր դե Կալլեհոն) և բանկիր Ռեյմոնդ Բոնեմ Քարթերի ընտանիքում։ Ունի երկու եղբայր՝ Էդվարդը և Թոմասը։ Կրթությունը ստացել է Հյուսիսային Համփսթեդի ավագ դպրոցում և Վեսթմինսթերի դպրոցում։ Երբ Հելենան հինգ տարեկան էր, նրա մայրը նյարդային լուրջ խանգարում է ստանում, որից հետո նրա ապաքինման համար երեք տարի է պահանջվում։ Առողջանալուց հետո նա դառնում է հոգեթերապեվտ։ Մոր ապաքինվելուց հինգ տարի անց Հելենայի հայրը մի ականջից խլանում է։ Կատարվում է ուռուցքի վիրահատություն, որը հանգեցրել էր կաթվածի, որից հետո նա գամվում է անվասայլակին։ Հելենան և իր երկու ավագ եղբայրները լքում են քոլլեջը, որպեսզի օգնեն իրենց մորը դուրս գալ այդ իրավիճակից։ Բոնեմ Քարթերի հայրը՝ Ռեյմոնդը, մահանում է 2004 թ. հունվարին։
Կարիերա
խմբագրելՀելենան որոշել է, որ ուզում է դերասանուհի դառնալ, նայելով «Ֆրանսիացի սպայի կինը» ֆիլմը։ Առաջին անգամ նկարահանվել է ֆիլմում տասնհինգ տարեկան հասակում՝ կատարելով Ջուլիետտայի դերը։ Նա նաև խաղացել է փոքր դեր «Վարդերից նախշ» ֆիլմում։ Նրա առաջին գլխավոր դերը եղել է «Լեդի Ջեյն» կինոնկարում։ 1986 թ.-ին նկարահանվել է իր ամենահաջողված ֆիլմերից մեկում՝ «Սենյակը տեսարանով», որն առաջադրվել էր «Օսկարի» 8 անվանակարգերում։ 1987 թ.-ին խաղացել է «Մահվան եզրին» ֆիլմում, իսկ 1994 թ.-ին հայտնվում է բրիտանական «Միանգամայն անհավանական» կատակերգական սերիալի երկրորդ եթերաշրջանում։
Վաղ ֆիլմերը նրան բերում են «անգլիական վարդի» и «կորսետների թագուհու» համբավ։ 1996 թ. նա խաղացել է Թրեվոր Նաննի «Տասներկուերորդ գիշերը» ֆիլմում՝ Օլիվիայի դերը։ Նրա կարիերայի ամենավառ դերերից էր Քեյթ Քրոյ�� դերը 1997 թ.-ի «Աղավնու թևերը» կինոնկարում, որի համար նա առաջադրվում է «Օսկարի» և «Ոսկե Գլոբուսի»։ Հելենային աշխարհահռչակ ճանաչում է բերում անհավասարակշիռ Մարլա Սինգերի դերը Դևիդ Ֆինչերի «Մարտական ակումբ» (1999) ֆիլմում։ Այդ դերից հետո նա դուրս է գալիս «կորսետների թագուգուհու» կերպարից՝ օրինակ ծառայելով շատ ամերիկացի աղջիկների համար։
Բոնեմ Քարթերը վարժ խոսում է ֆրանսերեն, այդ պատճառով 1996 թվականին նկարահանվել է ֆրանսիական «Չինական դիմանկարներ» ֆիլմի գլխավոր դերում։ Հելենան ստացել է դեր «Հենրի VIII» մինի-սերիալում, սակայն նրա դերը փոքր էր, քանի որ այդ ժամանակ նա հղի էր իր առաջնեկով։ 2005 թ. նա խաղացել է «Չարլին և շոկոլադե գործարանը» ֆիլմում՝ միսիս Բեքեթի դերը։ Բոնեմ Քարթերը խաղացել Բելատրիքս Լեսթրեյնջի դերը Հարի Փոթերի մասին վերջին չորս ֆիլմերում (2007-2011)։ «Հարի Փոթերը և Փյունիկի միաբանությունը» ֆիլմում հանկարծակի ծակել է իր խաղընկեր Մեթյու Լյուիսի (Նեվվիլ Լոնգբոտտոմ) թմբկաթաղանթը, որից հետո վերջինս մի քանի օրով կորցրել է լսողությունը։
2006 թ.-ին Հելենան լողազգեստների դիզայներ Սամանտա Սեյջի հետ միասին թողարկել է հագուստի բրենդ՝ «Pantaloonies» անվամբ։ Նա խաղացել է Սուինի Թոդ. Սատանայական վարսահարդարը Ֆլիթ-Սթրիթից ֆիլմում, որի ռեժիսորն է Թիմ Բարթոնը։ Հելենան այդ դերի համար առաջադրվել է Ոսկե Գլոբուսի լավագույն կանացի դերի համար։ Նաև Բոնեմ Քարթերը հանդես է եկել փոքր, բայց նշանակալից դերով՝ Տերմինատորի մասին չորրորդ ֆիլմում։
2008 թ. դեկտեմբերին Հելենան ձայնագրել է իր ձայնը MTV-ի համար՝ հանդես գալով ընտանեկան բռնության դեմ։ 2009 թ. Empire ամսագիրը ներառել է Հելենային «Բոլոր ժամանակների 50 ամենասեքսուալ կինոաստղերի» ցուցակում։ Դերոսանուհին գրավել է 9-րդ տեղը, առաջ անցնելով այնպիսի աստղերից, ինչպիսիք են Մոնիկա Բելուչչին, Հոլլի Բերրին, Շարլիզ Թերոնը և, նույնիսկ, Մերիլին Մոնրոն։ Նույն տարում Բոնեմ Քարթերը հայտնվել է The Times ամսագրի «Բոլոր ժամանակների 10 լավագույն բրիտանացի դերասանուհիների» ցուցակում։
Հելենան միացել է Տիմ Բարտոնի 2010 թ. «Ալիսան հրաշքների աշխարհում» ֆիլմի դերասանական կազմին, հանդես գալով Կարմիր Թագուհու դերում։ Այստեղ նրա խաղընկերներն էին Ջոնի Դեփը, Էնն Հեթուեյը, Միա Վասիկովսկան և Քրիսթին Գլոուերը։ 2011 թ.-ին Քարթերը կատարել է լեդի Ելիզաբեթ Բոուս-Լայոնի դերը «Թագավորի ելույթը» ֆիլմում։ Այս դերը նրան բերել է BAFTA մրցանակ, և նա երկրորդ անգամ առաջադրվել `«Օսկարի», բայց մրցանակաբաշխության ժամանակ դերասանուհին պարտվել է Մելիսսա Լեոյին։ 2012 թ. Հելենան հայտնվել է միսս Հեվիշեմի դերում «Մեծ հույսեր» ֆիլմում, 2013 թ.-ին՝ «Միայնայկ ռեյնջեր» կինոնկարում։
Անձնական կյանք
խմբագրել«Ֆրանկեինշտեյն» ֆիլմի նկարահանմնա ժամանակ նա ծանոթանում է դերասան Կենետ Բրանայի հետ։ Նրանք խորացնում են իրենց հարաբերությունները, բայց 1999 թ.-ին Հելենան ընդհատում է իրենց հարաբերությունները։
2001 թ.-ի հոկտեմբերից Հելենան գտնվում է փաստացի ամուսնության մեջ ռեժիսոր՝ Տիմ Բյորտնոմի հետ, որի հետ նա ծանոթացել էր «Կապիկների մոլորակը» ֆիլմի նկարահանման ժամանակ։ Նրանք ապրում էին Լոնդոնի՝ Բելսիզի զբոսայգու շրջանի երկու հարևան տներում։
2006 թ.-ին նրանք գնեցին Միլ Հաուս, որը գտնվում էր Անգլիայի Սատոն Կորտնի քաղաքում, ավելի ճիշտ այն վարձակալել էր իր տատիկը՝ Վայոլետ Բոնեմ Քարթերը։
Նրանց որդին՝ Բիլլի Ռեյմոնդ Բարթոնը ծնվել էր 2003 թ.-ի հոկտեմբերի 4-ին։ 2007 թ.-ի դեկտեմբերի 15-ին Բոնեմ Քարթերը ծննդաբերեց իր աղջկան՝ Նելլ Բարթոնին[6]։ Երկար ժամանակ աղջիկը անուն չուներ, քանի որ հայրը զբաղված էր ֆիլմի նկարահանմամբ, և միայն 2008 թ.-ի օգոստոսին հայտնի դարձավ, որ նրա աղջկան անվանել են Նելլ։ 2008 թ.-ի օգոստոսին իր բարեկամներից չորսը մահացան ավտովթարի պատճառով՝ Հարավային Աֆրիկայում։ Այդ տարում Բոնեմ Քարտերը և Բարթոնը վաճառեցին իրենց ամերիկյան բնակարանները 8750000 դոլարով։
Զույգը մտերիմ էր դերասան Ջոննի Դեփի և նրա ընտանիքի հետ, Բարթոնը հաճախ նկարահանում է Հելենին և իր լավագույն ընկերոջը՝ իր ֆիլմերում։ Դեփը հանդիսանում է նրանց դստեր և որդու կնքահայրը[7]։
Ակտիվ զբաղվում են բարեգործությամբ։ Նա միացել է ընտանեկան բռնության դեմ պայքարի խմբին Մեծ Բրիտանիայի ազգային ֆոնդին, իսկ եկամուտը, որը ստանում էին ներքնաշորի վաճառքից դերասանուհին տրամադրում է երեխաների օգնության ֆոնդին՝ ՅՈՒՆԻՍԵՖ-ին։
2014 թ.-ի դեկտեմբերին Թիմ Բարթոնը ու Հելենա Բոնեմ Քարտերը բաժանվեցին 13 տարվա համատեղ կյանքից հետո, բայց որոշեցին պահպանել ընկերական հարաբերությունները։
Ծանոթագրություններ
խմբագրել- ↑ 1,0 1,1 Eldridge A. Encyclopædia Britannica
- ↑ 2,0 2,1 filmportal.de — 2005.
- ↑ 3,0 3,1 FemBio տվյալների շտեմարան (գերմ.)
- ↑ 4,0 4,1 4,2 4,3 4,4 Lundy D. R. The Peerage
- ↑ 5,0 5,1 5,2 5,3 5,4 Kindred Britain
- ↑ Norman, Pete (օգոստոսի 7, 2008 August 2008). «Helena Bonham Carter Reveals Her 7-Month-Old's Name». People. Վերցված է 2009 թ․ մայիսի 3-ին.
- ↑ ANI (2007 թ․ դեկտեմբերի 21). «Burton was too shy to ask Depp to be his sons godfather». Thaindian News. Արխիվացված է օրիգինալից 2009 թ․ փետրվարի 27-ին. Վերցված է 2009 թ․ մայիսի 3-ին.
Արտաքին հղումներ
խմբագրել- Хелена Бонэм Картер (անգլ.) Internet Movie Database կայքում
- Биография Արխիվացված 2009-01-26 Wayback Machine
| Վիքիպահեստն ունի նյութեր, որոնք վերաբերում են «Հելենա Բոնեմ Քարթեր» հոդվածին։ |