Կապտափող սոխակ

Մարմնի երկարարությունը 14 սմ է, թևերի բացվածքը՝ 20-22,5 սմ, կենդանի զանգվածը՝ 20 գ։ Արուի կուրծքը կապույտ լայն հատվածով է, միջին մասում՝ սպիտակ՝ ակնառու նարնջագույն բծով կամ առանց բծերի։ Էգի կոկորդը սպիտակ է՝ մուգ եզրագծված։ Երիտասարդը մուգ դարչնագույն խայտերով է։

Գետնին շարժվում է ցատկոտելով, կանգնում է ուղղահայաց դիրքով՝ պոչը բարձր։ Տարածված է լեռնատափաստաններում՝ ենթալպյան փռված գիհու թփուտներում։

Սնվում է միջատներով, սերմերով, հատապտուղներով։

Բույնը գավաթաձև է՝ խոտաբույսերից։ Բնադրում է գետնին։ Դնում է 18 մմ տրամագծով, բաց կապույտ՝ կարմիրնարնջագույն պտերով 5-6 ձու։

Գրանցված է ՀՀ Կարմիր գրքում։

•  
•  
  Luscinia svecica cyanecula