Էրիկ Հարությունյան (քաղաքական գործիչ)
Էրիկ Ռոբիկի Հարությունյան (մայիսի 14, 1986, Նախիջևանիկ), արցախցի քաղաքական գործիչ, Արցախի Հանրապետության 6-րդ գումարման Ազգային ժողովի «Ազատ hայրենիք» կուսակցության պատգամավոր[1]։
| Էրիկ Հարությունյան | |
|---|---|
| Ծնվել է | մայիսի 14, 1986 (38 տարեկան) |
| Ծննդավայր | Նախիջևանիկ |
| Կրթություն | Արցախի պետական համալսարան |
| Մասնագիտություն | քաղաքական գործիչ |
Կենսագրություն
խմբագրելԷրիկ Հարությունյանը ծնվել է 1986 թվականի մայիսի 14-ին Ասկերանի շրջանի Նախիջևանիկ գյուղում։ 2003 թվականին գերազանցությամբ ավարտել է Շուշիի Խաչատուր Աբովյանի անվան միջնակարգ դպրոցը։ Նույն թվականին ընդունվել է Արցախի պետական համալսարանի հումանիտար ֆակուլտետի պատմության բաժինը։
2004-2006 թվականներին ծառայել է Արցախի Հանրապետության Պաշտպանության բանակում։
2006-2009 թվականներին ուսումը շարունակել է՝ ստանալով պատմության, մանկավարժության բակալավրի աստիճան։ 2009-2011 թվականներին ընդունվել է Արցախի պետական համալսարանի հումանիտար ֆակուլտետի «Հայոց պատմություն» բաժնի մագիստրատուրան՝ ստանալով պատմության մագիստրոսի աստիճան։
2007 թվականի օգոստոսից մինչև հոկտեմբերը պայմանագրային հիմունքներով եղել է Արցախի Հանրապետության Անշարժ գույքի կադաստրի պետական կոմիտեի Շուշիի տարածքային ստորաբաժանման շենքերի, շինությունների տեղազննող և գույքահարկերի բազայի ձևավորման համար գնահատող՝ վերագնահատող։
2008-2011 թվականներին աշխատել է Արցախի Հանրապետության ոստիկանության պետական պահպանության վարչությունում, որպես ոստիկան, իսկ 2011-2018 թվականներին՝ «Արցախբանկ» ՓԲԸ Շուշիի մասնաճյուղի մասնագետ-գնահատող։
2011 և 2015 թվականներին Արցախի Հանրապետության տեղական ինքնակառավարման մարմինների ընտրություններում ընտրվել է Շուշիի համայնքի ավագանու անդամ։
2018 թվականի սեպտեմբերի 9-ին Արցախի Հանրապետության Ազգային Ժողովի լրացուցիչ ընտրությունների արդյունքում թիվ 10 ընտրատարածքից մեծամասնական ընտրակարգով ընտրվել է Արցախի Հանրապետության Ազգային Ժողովի պատգամավոր[2][3]։
Ազգային ժողովի արտաքին հարաբերությունների մշտական հանձնաժողովի անդամ է։ 2019 թվականի հոկտեմբերի 31-ից Արցախի Հանրապետության Ազգային Ժողովի «Հայրենիք» խմբակցության անդամ է[4]։
Ամուսնացած է, ունի 4 դուստր։
Պարգևներ
խմբագրել- «Մարտական ծառայություն» մեդալ
Ծանոթագրություններ
խմբագրել- ↑ «Հարությունյան Էրիկ Ռոբիկի». www.nankr.am. Արխիվացված է օրիգինալից 2023 թ․ օգոստոսի 21-ին. Վերցված է 2023 թ․ օգոստոսի 21-ին.
- ↑ «ԱՀ ԱԺ նորընտիր պատգամավորներին հանձնվել են վկայականներ». artsakhpress.am. Արխիվացված է օրիգինալից 2023-08-21-ին. Վերցված է 2023 թ․ օգոստոսի 21-ին.
- ↑ «Արցախի Խորհրդարանի անկախ պատգամավորները միացել են Արայիկ Հարությունյանի գլխավորած քաղաքական թիմին | ԱՐՄԵՆՊՐԵՍ Հայկական լրատվական գործակալություն». armenpress.am. Վերցված է 2023 թ․ օգոստոսի 21-ին.
- ↑ «Արցախի Խորհրդարանի անկախ պատգամավորները միացել են Արայիկ Հարությունյանի գլխավորած քաղաքական թիմին». lurer.com. 2023 թ․ օգոստոսի 21. Վերցված է 2023 թ․ օգոստոսի 21-ին.