Երվանդ Թորոսյան
- Վիքիպեդիայում կան հոդվածներ Թորոսյան ազգանունով այլ մարդկանց մասին։
Երվանդ Սիոնի Թորոսյան (ապրիլի 5, 1900[1], Ճլոխան, Ալեքսանդրապոլի գավառ, Երևանի նահանգ, Ռուսական կայսրություն - օգոստոսի 18, 1943[1], Ագարակ, Ղափանի շրջան, Հայկական ԽՍՀ, ԽՍՀՄ), հայ գրականագետ, ԽՍՀՄ գրողների միության անդամ 1939 թվականից։
Երվանդ Թորոսյան | |
|---|---|
| Ծնվել է | ապրիլի 5, 1900[1] Ճլոխան, Ալեքսանդրապոլի գավառ, Երևանի նահանգ, Ռուսական կայսրություն |
| Մահացել է | օգոստոսի 18, 1943[1] (43 տարեկան) Ագարակ, Ղափանի շրջան, Հայկական ԽՍՀ, ԽՍՀՄ |
| Գերեզման | Ճլոխան |
| Քաղաքացիություն |  Ռուսական կայսրություն և .svg){kind=small} ԽՍՀՄ |
| Մասնագիտություն | գրականագետ |
| Հաստատություն(ներ) | Մատենադարան |
| Ալմա մատեր | Երևանի պետական համալսարան (1936) |
| Տիրապետում է լեզուներին | հայերեն |
Կենսագրություն
խմբագրելԾնվել է Ճլոխան (այժմ՝ Բենիամին, Շիրակի մարզ) գյուղում։ Սովորել է Ալեքսանդրապոլի (այժմ՝ Գյումրի) ծխական դպրոցում, ապա իբրև գրաշար աշխատել Ափինյանների տպարանում։ 1924-1927 թվականներին սովորել է Լենինականի Մռավյանի անվան բանֆակում։ Այնուհետև ուսուցչություն է արել տարբեր վայրերում։ 1931-1936 թվականներին սովորել է Երևանի համալսարանի պատմաբանասիրական ֆակուլտետում, միաժամանակ, որպես պատմության ուսուցիչ, աշխատել Երևանի ինդուստրիալ բանֆակում։ 1938-1940 թվականներին եղել է Էջմիածնի, ապա Երևանի մատենադարանի տնօրեն։ 1939-1942 թվականներին դասախոսել է Երևանի հեռակա մանկավարժական ինստիտուտում։
Մկրտիչ Մկրյանի հետ կազմել է Ֆրիկի «Բանաստեղծություններ» ժողովածուն (Երևան, 1941)։ Կազմել է նաև հայ գրականության դասագրքեր ��իջնակարգ դպրոցի համար։ Հավաքել ու գրի է առել առակներ, հեքիաթներ, մանրավեպեր։ Մահացել է Ղափանի շրջանի Ագարակ գյուղում։ Աճյունը տեղափոխվել է հայրենի գյուղ[2]։
Ծանոթագրություններ
խմբագրել| Վիքիդարանն ունի նյութեր, որոնք վերաբերում են «Երվանդ Թորոսյան» հոդվածին։ |