Գոմաղբ
Գոմաղբ, օրգանական պարարտանյութ՝ կազմված կենդանիների արտաթորանքից։ Օգտադործվում է որպես պարարտանյութ և վառելանյութ։ Չնայած հանքային պարարտանյութերի արտադրության ավելացմանը, գոմաղբը ներկայումս լայնորեն կիրառվում է դաշտավարությունում, զգալի չափով օգտագործվում է ջերմոցային տնտեսություններում։ Պարունակում է ազոտային միացություններ, բույսերի համար անհրաժեշտ հանքային նյութեր։
.JPG)
| Ենթակատեգորիա | պարարտանյութեր, organic matter | |
|---|---|---|
| Կիրառությունը | fertilizing | |
| Նյութ | excrement | |
| Պատրաստման մեթոդ | Խմորում | |
| By-product of | անասնապահություն | |
Պարարտանյութ
խմբագրելՉոր նյութերի հիմնական մասը բարելավում է հողի կառուցվածքը, ջրային և օդային ռեժիմը, ֆիզիկաքիմիական կազմը։ Կալցիումը և մագնեզիումը նվազեցնում են հողի թթվայնությունը, իսկ մանրէները մեծացնում են կենսաբանական ակտիվությունը։ Գոմաղբը CO2-ի աղբյուր է, որն ուժեղացնում է օրգանական նյութերի սինթեզը բույսերում։
Գոմաղբի ազդեցությունը հողի վրա շարունակվում է մի քանի տարի։ Լինում են ցամքարով և առանց ցամքարի։ Ցամքարային գոմաղբի արդյունավետությունը կախված է հասունացման աստիճանից, պահպանումից, պատրաստման ձևերից։ Առանց ցամքարի գոմաղբը ստանում են խոշոր անասնապահական տնտեսություններում։ Այդպիսով գոմաղբը օգտագործում են գլխավորապես դեկորատիվ այգեգործության մեջ։
Վառելանյութ
խմբագրելՀայտնի է նաև որպես «պասմա»՝ անասունների կղանքով պատրաստվող վառելիք, որը դեռևս գտնվում է թաց վիճակում։ Որքան լավ է պասման տրորվում (Ժողովուրդը ասում է «պասմա թափել», «պասմա տրորել», «պասմա կտրել» և այլն), այնքան այդ վառելիքի օգգ-ն մեծ է։
Աղբյուր
խմբագրել- Հայերէն Բացատրական Բառարան (Ստեփան Մալխասեանց։ Հայկական ՍՍՌ Պետական Հրատարակչութիւն, Երեւան, 1944)
| Վիքիպահեստն ունի նյութեր, որոնք վերաբերում են «Գոմաղբ» հոդվածին։ |
| Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 152)։ |
