Գիշերային բնանկար։ Եգիպտոս
«Գիշերային բնանկար։ Եգիպտոս», հայ մեծ նկարիչ Մարտիրոս Սարյանի 1911 թվականին ստեղծած կտավը, որն ընդգրկված է Սարյան ընտանիքի հավաքածուում և ցուցադրվում է Սարյանի տուն-թանգարանում[1]։
 | |
|---|---|
 | |
| տեսակ | գեղանկար |
| նկարիչ | Մարտիրոս Սարյան |
| տարի | 1911 |
| բարձրություն | 47 սանտիմետր |
| լայնություն | 68 սանտիմետր |
| ժանր | բնանկար |
| նյութ | ստվարաթուղթ և տեմպերա |
| գտնվում է | Մարտիրոս Սարյանի տուն-թանգարան |
| հավաքածու | Մարտիրոս Սարյանի տուն-թանգարան |
| սեփականատեր | Մարտիրոս Սարյանի տուն-թանգարան |
պատկերված են
| |
| կայք | |
Ծանոթագրություններ | |
Նկարագրություն
խմբագրելՍարյանը «Գիշերային բնանկար։ Եգիպտոս» կտավը ստեղծել է 1911 թվականին Եգիպտոս կատարած ճամփորդության տպավորությունների ներքո։ Սարյանի կտավները հիմնականում լուսավորված են արևի լույսով, իսկ «Գիշերային բնանկար։ Եգիպտոս» բնանկարն առանձնանում է լուսնի յուրահատուկ լուսավորությամբ։ Վարպետի մյուս նկարներում առկա է գունային հակադրություն, իսկ «Գիշերային բնանկար։ Եգիպտոս» կտավը ստեղծված է կապույտ, երկնագույն, փիրուզ, մոխրագույն երանգների սահուն ու նուրբ անցումներով։ Լուսնի լույսով ողողված եգիպտական գիշերում Սարյանը վրձնել է գյուղական տների հարթ պատերը, վեր ձգվող արմավենիների կանաչավուն ճյուղերը, գոմեշին։ Կտավում առկա է ներդաշնակություն և հանգստություն[2]։
| Ուղեկցիս գյուղում էինք։ Քայլում էինք նեղլիկ փողոցներով։ Փոքրիկ տնակների պատերին ստվերներ էին ձգել արմավենիները։ Դա մի հրաշք էր գույների և ձևերի իր նրբություններով։ Հենց այդ տպավորությամբ էլ նկարել եմ «Գիշերը Եգիպտոսում» աշխատանքը[3]։ - Մարտիրոս Սարյան
|
Տվյալներ
խմբագրել- «Գիշերային բնանկար։ Եգիպտոս», 1911, ստվարաթուղթ, տեմպերա, 47 x 68 սմ։ Սարյան ընտանիքի հավաքածու, Մարտիրոս Սարյանի տուն-թանգարան, Երևան
Ծանոթագրություններ
խմբագրել- ↑ «Գիշերային բնանկար։ Եգիպտոս»
- ↑ «Culture # 19, 20-րդ դարի հայ մշակույթ». issuu. Վերցված է 2017 թ․ մարտի 5-ին.
- ↑ «Մարտիրոս Սարյան, «Գրառումներ իմ կյանքից», գիրք առաջին, Երևան, 1966, էջ 74
Արտաքին հղումներ
խմբագրել- Մարտիրոս Սարյանը և արվեստը, Աշոտ Ստեփանյան Արխիվացված 2021-08-15 Wayback Machine
- punto_di_vista (2010 թ․ հոկտեմբերի 25). «Выставка живописи из Армянской Национальной галереи в ГМИИ». Точка зрения. Վերցված է 2017 թ․ մարտի 5-ին.