Գերի Սնայդեր

Գերի Սնայդերը ծնվել է Սան Ֆրանցիսկոյում։ Մեծ դեպրեսիայի ժամանակ ընտանիքը ստիպված է լինում տեղափոխվել և ապրել Օրեգոն և Վաշինգտոն նահանգներում։ 1951 թվականին Սնայդերն ավարտում է Օրեգոնի Ռիդ քոլեջը, որտեղ զբաղվում էր անգլիական գրականության և ազգագրության ուսումնասիրությամբ։ Ավելի ուշ նա Ինդիանայի համալսարանում սովորում է լեզվաբանություն և արևելագիտություն Կալիֆոռնիայի համալսարանում։

Գերի Սնայդերը հռչակ է ձեռք բերում 1955 թվականի հոկտեմբերին` Քենեթ Ռեքսրոտի կազմակերպած պոեզիայի երեկոյին, որտեղ ելույթ են ունենում նաև Ալլեն Գինզբերգը` «Ողբ» պոեմով, Ֆիլիպ Ուեյլենը, Ֆիլիպ Լամանտիան, Մայքլ Մաքքլյուրը։ Սնայդերը կարդում է «Հատապտղային խրախճանք»ը (A Berry Feast): Երեկոյի մասին լուրերը արագորեն տարածվում և նպաստում են բանաստեղծների ժողովրդականության աճին, որոնք հետագայում անվանվում են Բիթ սերունդ։ Հատկանշական է, որ Սնայդերն ինքն իրեն չէր համարում բիթնիկ. ««Բիթնիկ» տերմինով ավելի լավ է դիմել մի փոքր խումբ գրողների... Խումբը ուղղակիորեն Ալլեն Գինզբերգի, Ջեկ Կերուակի, Գրեգորի Կորսոյի և ուրիշների շուրջն է... Մեզանից շատերը միավորված են որպես Սան Ֆրանցիսկոյի վերածննդի գրողների մի խումբ։ Չնայած «բիթնիկ»ը կարող է նաև որոշակի մտքի վիճակ լինել ... և ես որոշ ժամանակ այդ վիճակում էի»։

Գերի Սնայդերը Ջաֆի Ռայդերի նախատիպն է դառնում Ջեք Քերուակի «Դհարմայի թափառաշրջիկը» վեպում, որը հիացած էր նրա բուդդայական կենսակերպով և անպահանջկոտությամբ։

1956 թվականին Սնայդերը մեկնում է Ճապոնիա, որտեղ տասը տարի բուդդիզմ է ուսումնասիրում, ծառայում բուդդայական վանքում և թարգմանում արևելյան պոեզիա։ Ուոլթ Ուիթմենից և Էզրա Փաունդից բացի նրա վրա մեծ տպավորություն է թողնում նաև ճապոնական և չինական գրականությունն ու փիլիսոփայությունը։ 1969 թվականից Սնայդերն ապրում է Կալիֆոռնիայում` Սիերա-Նևադայի ստորոտում։ 1986-2002 թթ. Սնայդերը գրականություն է դասավանդում Կալիֆոռնիայի Դևիսի համալսարանում, որի պատվավոր պրոֆեսոր էր նա։

Գերի Սնայդերը գրել է ավելի քան 20 գիրք` բանաստեղծություններ, արձակ, էսսե։ Գերի Սնայդերի ողջ կյանքը ուշադրություն է բնության, բնապահպանության և բնության հետ կապի հարցերին։ Նա արժանացել է ամերիկյան ակադեմիայի Նրբագեղ բառապաշարի մրցանակի (1966), Poetry հանդեսի (1968) Լևինսոնի բանաստեղծական մրցանակի, Գուգենհայմի կրթաթոշակի (1968), Պուլիցերյան մրցանակի «Կրիայի կղզին» գրքի համար (1975), ամերիկյան գրքային մրցանակի «Կացիններ» գրքի համար (1983), Բոլլինգենի մրցանակի (1997), Ռոբերտ Կիրշի «Ակնառու ծառայությունների համար» մրցանակի, Ռոբերտ Լիլի մրցանակի «Պոեզիայում ակնառու նվաճումների համար» (2008)։

• Riprap (1959)
• Myths & Texts (1960)
• The Back Country (1968)
• Regarding Wave (1970)
• Turtle Island (1974)
• Axe Handles (1983)
• Left Out in the Rain (1988)
• No Nature: New and Selected Poems (1992)
• Mountains and Rivers Without End (1996)
• Danger on Peaks (2005)
• This Present Moment (2015)

• Earth House Hold (1969)
• The Politics of Ethnopoetics (1975)
• The Old Ways (1977)
• He Who Hunted Birds in His Father’s Village: The Dimensions of a Haida Myth (1979)
• The Real Work (1980)
• Passage Through India (1983)
• The Practice of the Wild (1990)
• A Place in Space (1995)
• Back on the Fire: Essays (2007)

• The Gary Snyder Reader: Prose, Poetry, and Translations (1999)
• Lookout: A Selection of Writings

• «Բանաստեղծություններ»
• Regarding Wave
• The Back Country
• Mountains and Rivers Without End
• Riprap and Cold Mountain Poems
• Myths & Texts
• Turtle Island
• Axe Handles
• This Present Moment
• Danger on Peaks

• Center for Gary Snyder Studies
• Գերի Սնայդերը Իրինա Դյատլովսկայայի թարգմանություններում Արխիվացված 2020-08-13 Wayback Machine
• Գերի Սնայդեր, Բուդդայական անարխիզմ