Գագիկ Շահբազյան

	Գագիկ Շահբազյան
Կրթություն՝	Հայաստանի ազգային ագրարային համալսարան (1977)
Գիտական աստիճան՝	տեխնիկական գիտությունների թեկնածու (1984)
Մասնագիտություն՝	պետական ծառայող, գյուղատնտես և դիվանագետ
Ծննդյան օր	հուլիսի 27, 1955 (69 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան

Գագիկ Մկրտչի Շահբազյան (հուլիսի 27, 1955(1955-07-27), Երևան, Հայկական ԽՍՀ, ԽՍՀՄ), հայ գյուղատնտես, դիվանագետ, գործիչ։ ՀՀ Գյուղատնտեսության և բնօգտագործման նախարար (1991-1993 և 1999-2000)^[1]։ Տեխնիկական գիտությունների թեկնածու (1984)։ Ունի «արտակարգ դեսպանորդ և լիազոր նախարար» դիվանագիտական աստիճան (08.01.1996)^[2]։

Կենսագրություն

1972-1977 թվականներին սովորել և ավարտել է Հայկական գյուղատնտեսական ինստիտուտը՝ գյուղատնտեսության մեքենայացում մասնագիտությամբ^[3]։ 1977-1985 թվականներին աշխատել է ԽՍՀՄ գյուղմեքենաշինության նախարարության «Հայգյուղմեքենայացում» ԳԱՄ որպես կրտսեր գիտաշխատող, ասպիրանտ, ավագ գիտաշխատող։ 1985-1987 թվականներին ՀԽՍՀ պետագրոարդի ԱԱՀ կառավարման հայկական հանրապետական բարձրագույն դպրոցում եղել է գիտական աշխատանքի գծով պրոռեկտոր, 1987-1989 թվականներին ՀԽՍՀ պետագրոարդի գիտական ապահովման գլխավոր վարչության պետի տեղակալ, 1989-1991 թվականներին՝ ՀԽՍՀ պետագրոարդի ԱԱՀ գիտական ապահովման հանրապետական կենտրոնի նախագահի առաջին տեղակալ, 1991 թվականին ՀՀ Էկոնոմիկայի պետական կոմիտեի նախագահի տեղակալ, 1991-1993 թվականներին՝ ՀՀ պետական նախարար, գյուղատնտեսության նախարար, 1995-1996 թվականներին՝ ՀՀ կառավարություն, ԱՊՀ-ի, ԵՄ և միջազգային տնտեսական կազմակերպությունների հետ կապերի գծով նախարար, 1996-1997 թվականներին՝ ՀՀ կառավարության աշխատակազմի ղեկավար-նախարար։ 1996-1997 թվականներին համատեղության կարգով նշանակվել է նաև ԵՄ-ում ՀՀ ներկայացուցչության ղեկավար։ 1997-1999 թվականներին ՌԴ-ում եղել է ՀՀ ��րտակարգ և լիազոր դեսպան։ 1999-2000 թվականներին զբաղեցրել է ՀՀ գյուղատնտեսության նախ��րարի պաշտոնը^[1]։