Արտաշես Ալեքսանյան

Արտաշես Ալեքսանյան ծնվել է 1961 թվականի հուլիսի 17-ին, Երևանում։ 1978 թվականին ավարտել է Լենինականի ֆիզիկամաթեմատիկական թեքումով թիվ 33 միջնակարգ դպրոցը։ 1982-1984 թվականներին սովորել է Երևանի Գաբրիել Սունդուկյանի անվան ազգային ակադեմիական թատրոնի ստուդիայում` Խորեն Աբրահամյանի ղեկավարությամբ, 1984-1988 թվականներին` Մոսկվայի համամիութենական պետական կինոինստիտուտում` Արմեն Ջիգարխանյանի ղեկավարությամբ<sup>[1]</sup>։ 1986 թվականին նկարահանվել է Սվերդլովսկի կինոստուդիայում և «Ղազախֆիլմ»-ում։ 1988-1990 թվականներին եղել է Երևանի Գաբրիել Սունդուկյանի անվան ազգային ակադեմիակն թատրոնի դերասան։ 1990 թվականին նկարահանվել է «Երեք թագավորների պատերազմը» և «Ինկած բերդի իշխանուհին» ֆիլմերում (վերջինիս համար արժանացել է «Տարվա լավագույն դերասան» մրցանակին)։ 1991-1992 թվականներին մասնակցել է Արցախի պատերազմին, եղել է ֆիդայի, Մահապարտների ջոկատի պատվավոր անդամ։ 1992-1994 թվականներին եղել է Երևանի Մհեր Մկրտչյանի անվան արտիստական թատրոնի դերասան։ 1994-1996 թվականներին նկարահանվել է «Լենֆիլմ» կինոստուդիայի ֆիլմերում։ 1994-1996 թվականներին աշխատել է հայկական մի քանի հեռուստաընկերություններում և Գաբրիել Սունդուկյանի անվան թատրոնում։ 1998-2001 թվականներին եղել է Չեխիայի Մայր թատրոնի ռեժիսոր, որտեղ բեմադրել է 5 ներկայացում` Ուիլյամ Շեքսպիրի «Մակբեթ», Լոպե դե Վեգայի «Շունը դեզի վրա», Նիկոլայ Գոգոլի «Ռևիզոր», Թ. Բրանդոյի «Չառլիի մորաքույրը», Ռ.Կալինովսկու «Գազանը լուսնի վրա»։ 2002-2003 թվականներին կրկին համագործակցել է «Լենֆիլմ» կինոստուդիայի հետ։

Բեմադրել է Հայաստանում քրիստոնեությունը որպես պետական կրոն ընդունման 1700-ամյակին և Հայոց Մեծ եղեռնին նվիրված ներկայացումները։ 2003-1202 թվականներին Երևանի Գաբրիել Սունդուկյանի անվան ազգային ակադեմիական թատրոնում խաղացել է բազմաթիվ ներկայացումներում։ Դասավանդում է Երևանի Խաչատուր Աբովյանի անվան պետական մանկավարժական համալսարանի կուլտուրայի ֆակուլտետում։ 2011 թվականին հիմնել է թատրոն-ստուդիա, որտեղ բեմադրել է «Հայերի դատը մարդկության դատն է» ներկայացումը^[2]։

• «Արա Գեղեցիկ»
• Ուիլյամ Շեքսպիրի «Համլետ»
• Վահրամ Սահակյանի «Ժանգոտ բանալի»
• «Մակբեթ»
• «Վասիլի արքա»
• «Հիշատակի օր 1915»

• «Սիրո անիվ»
• «Գարի Պալմեր»
• «Ջարդված լապտերների փողոց»
• «Մեր բակը»
• «Աբու Լալա Մահարի»
• «Երեք թագավորների կռիվը»
• «Ինկած բերդի իշխանուհին»
• «Մի վախեցիր»
• «Poker.am»
• «Գարեգին Նժդեհ»
• «Ռուսական տապան»
• «Հատուկ նշանակության ջոկատ»
• «Սուրը ամպերի մեջ»
• «Բանդիտական Պետերբուրգ»

Նկարահանվել է «Արմենիա» հեռուստաընկերության նկարահանած մի շարք հեռուստասերիալներում^[3]։

• «Ճակատագրի գերիները»
• «Դժբախտ երջանկություն»
• «Եզրագծից այն կողմ»
• «Վերադարձ»
• «Ոստիկաններ»
• «Հարազատ թշնամի»
• «Առաջնորդները»
• «Պատվից առավել»
• «Սարի աղջիկ»
• «Կույր աշխարհ»
• «Վերջին զանգ»

Չեխիայում ունեցել է անհատական նկարների երկու ցուցահանդես։

• «Վազգեն Սարգսյան» մեդալ
• Մարտական գործողությունների մասնակից կրծքանշան
• Հովհաննես Բաղրամյան շքանշան
• Սասունցի Դավիթ շքանշան
• Գարեգին Նժդեհ մեդալ
• «Տարվա լավագույն դերասան» մրցանակ, 1990
• ՀՀ մշակույթի նախարարության ոսկե մեդալ
• ՀՀ վաստակավոր արտիստ, 2017
• Պուշկինի և Յախունտովի ասմունքի մրցույթների 1-ին և 2-րդ մրցանակների դափնեկիր
• Գյումրու «Ոսկե Մուշարբա» մրցանակակիր

2004 թվականին սփյուռքում հայապահպանման և հայ մշակույթը տարածելու և մեծ վաստակ ունենալու համար Արտաշես Ալեքսանյանի անունը գրանցվել է հայկական սփյուռքի հանրագիտարանում։