«Խաղաղության աղբյուր» ռազմագործողություն
«Խաղաղության աղբյուր» գործողություն (թուրքերեն՝ Barış Pınarı Harekâtı), Թուրքիայի զինված ուժերի և Սիրիայի հյուսիսում ձևավորված սիրիական զինված ընդդիմության ռազմական գործողությունը։ Գործողության մեկնարկի մասին պաշտոնական հայտարարությունը տեղի է ունեցել 2019 թվականի հոկտեմբերի 9-ին[1][2][3][4]։
| «Խաղաղության աղբյուր» ռազմագործողություն | |||||||||
|---|---|---|---|---|---|---|---|---|---|
| Turkish involvement in the Syrian civil war? և timeline of the Kurdish–Turkish conflict? | |||||||||
_bombalan%C4%B1yor.jpg) | |||||||||
| |||||||||
Նախապատմություն
խմբագրելԹուրքիան արդեն շատ վաղուց բարձրաձայնում է իր այն մտադրությունների մասին, որոնք ուղղված են Սիրիայի հյուսիսում ձևավորված քրդական զինված խմբավորումների դեմ գործողությունների իրականացմանը[5]։ «Ձիթենու ճյուղ» գործողության իրականացումից հետո Թուրքիայի նախագահ Էրդողանը հանդես եկավ հայտարարությամբ, որում, մասնավորապես, նշում էր, որ իրենց նպատակն է ոչնչացնել այն ահաբեկչական միջանցքը, որը ձևավորվել է Թուրքիայի հարավային սահմաններում[6]։ Էրդողանը հաճախ է ասել, որ այդ գործողության իրականացման նպատակն է սահմանի սիրիական մասում ստեղծել անվտանգության գոտի։ Նա նաև նշում էր, որ այդ ամենի իրականացման ճանապարհին միակ խանգարող հանգամանքը Եփրատի արևելյան ափին տեղակայված ամերիկայն զինված ուժերն են, որոնք Իրաքի և Լևանտի իսլամական պետության դեմ պատերազմում օգնում են քրդերին։ Երկարատև բանակցություններից հետո՝ 2019 թվականի օգոստոսին, թուրքերն ու ամերիկացիները պայմանավորվեցին ստեղծել անվտանգ գոտի, սահմանից հեռացնել ծանր զինտեխնիկան և զինակառույցները, ինչպես նաև կազմակերպել համատեղ պարեկություններ[7][8]։ Այդ համաձայնությունից հետո թուրք և ամերիկացի զինյալները մի քանի անգամ համատեղ պարեկություններ իրականացրին[9], բայց թուրքական կողմը դժգոհ մնաց այն բանից հետո, երբ անվտանգության գոտու համատեղ պահպանությունից զատ՝ ամերիկյան կողմն այլևս ոչ մի պայմանավորվածություն չէր պատրաստվում իրագործել[10][11]։ Էրդողանը հայտարարեց, որ եթե ամերիկացիները մինչև սեպտեմբերի վերջ Սիրիայի հյուսիսում չապահովեն անվտանգությունը, ապա ռազմական միջամտությունն անխուսափելի կլինի[12]։
Գործողության ընթացք
խմբագրելՀոկտեմբերի 9-ին՝ պատերազմի մասին պաշտոնական հայտարարությունից հետո, թուրքական զինված ուժերը քուրդ սահմանապահների դեմ ռմբակոծությունների շարք սկսեցին։ Ի պատասխան՝ կրակի տակ ընկան թուրքական սահմանամերձ քաղաքները։ ԶԼՄ-ների հաղորդմամբ՝ կան զոհեր և տուժածներ։
Հոկտեմբերի 10-ին Թուրքիայի զինված ուժերը նոր թափ հաղորդեցին «Խաղաղության աղբյուր» գործողությանը՝ այս անգամ ցամաքային տարբերակով․ այս մասին հայտնում է Թուրքիայի արտաքին գործերի նախարարությունը[13]։
Հոկտեմբերի 13-ին թուրքական բանակը գրավեց սիրիական Թել Աբյադ քաղաքը։
Ծանոթագրություններ
խմբագրել- ↑ Էրդողանը պաշտոնապես հայտարարել է Սիրիայում ռազմական գործողություն սկսելու մասին
- ↑ «Турция начала военную операцию «Источник мира» в Сирии». www.aa.com.tr. Վերցված է 2019 թ․ հոկտեմբերի 9-ին.
- ↑ «Турция начала военную операцию в Сирии». 2019 թ․ հոկտեմբերի 9. Վերցված է 2019 թ․ հոկտեմբերի 9-ին.
- ↑ «Эрдоган объявил о начале турецкой военной операции в Сирии» (ռուսերեն). РИА Новости. 20191009T1613+0300Z. Վերցված է 2019 թ․ հոկտեմբերի 9-ին.
- ↑ «Турция намерена как можно скорее войти на территорию Сирии к востоку от Евфрата». ТАСС. Վերցված է 2019 թ․ հոկտեմբերի 9-ին.
- ↑ Война до последнего курда // Коммерсантъ.
- ↑ «Общий знаменатель США и Турции по Сирии: зона неочевидной безопасности» (ռուսերեն). EADaily. Վերցված է 2019 թ․ հոկտեմբերի 9-ին.
- ↑ «Турция и США создают центр по контролю зоны безопасности в Сирии» (ռուսերեն). РИА Новости. 20190813T1737+0300Z. Վերցված է 2019 թ․ հոկտեմբերի 9-ին.
- ↑ «Турция и США патрулируют зону безопасности в Сирии с помощью беспилотников» (ռուսերեն). РИА Новости. 20190908T1024+0300Z. Վերցված է 2019 թ․ հոկտեմբերի 9-ին.
- ↑ «Эрдоган обвинил США в желании создать зону безопасности в Сирии для коалиции СДС». ТАСС. Վերցված է 2019 թ․ հոկտեմբերի 9-ին.
- ↑ «Турция упрекнула США в «торможении» создания зоны безопасности в Сирии» (ռուսերեն). EADaily. Վերցված է 2019 թ․ հոկտեմբերի 9-ին.
- ↑ Эрдоган обвинил США в желании создать зону безопасности в Сирии для коалиции СДС
- ↑ «Турецкая операция в Сирии: первые сутки «Источника мира»» (ռուսերեն). EADaily. Վերցված է 2019 թ․ հոկտեմբերի 10-ին.