Սուրեն Առաքելյան (ԽՍՀՄ հերոս)
Անվան այլ կիրառումների համար տե՛ս՝ Սուրեն Առաքելյան (այլ կիրառումներ)- Վիքիպեդիայում կան հոդվածներ Առաքելյան ազգանունով այլ մարդկանց մասին։
Սուրեն Սմբատի Առաքելյան[3] (նոյեմբերի 8, 1911[1][2], Տաթև, Հայաստան[1][2] - սեպտեմբերի 18, 1943[2], Անապայի շրջան, Կրասնոդարի երկրամաս, ՌԽՖՍՀ, ԽՍՀՄ)[4], Հայրենական մեծ պատերազմի մասնակից, Խորհրդային Միության հերոս, ավագ սերժանտ։ ԽՄԿԿ անդամ 1943 թվականից։
| Սուրեն Առաքելյան | |
|---|---|
.jpg) | |
| նոյեմբերի 8, 1911[1][2] - սեպտեմբերի 18, 1943[2] (31 տարեկան) | |
| Ծննդավայր | Տաթև, Հայաստան[1][2] |
| Մահվան վայր | Անապայի շրջան, Կրասնոդարի երկրամաս, ՌԽՖՍՀ, ԽՍՀՄ |
| Գերեզման | Կուրբացկի |
| Քաղաքացիություն |  Ռուսական կայսրություն և .svg){kind=small} ԽՍՀՄ |
| Զորատեսակ | հետևազոր[1] |
| Կոչում | ավագ սերժանտ[1][2] |
| Զորամաս | 526-րդ հրաձգային դիվիզիա 89-րդ Հայկական հրաձգային դիվիզիա |
| Մարտեր/ պատերազմներ | Հայրենական մեծ պատերազմ[1] |
| Պարգևներ | |
Կենսագրություն
խմբագրելՍուրեն Առաքելյանը ծնվել է 1911 թվականի նոյեմբերի 8-ին, Տաթև գյուղում, գյուղացու ընտանիքում։ Ավարտել է 5–րդ դասարանը։ 1930-1933 թվականներին աշխատել է հարազատ գյուղի կոլտնտեսությունում։
1933-1935 թվականներին ծառայել է Խորհրդային բանակում։ 1936 թվականից ՆԿՎԴ–ի մարմինների աշխատակից է եղել։ 1941 թվականին կամավորագրվել է ռազմաճակատ։ Մարտական մկրտությունը ստացել է Կովկասում 1942 թվականի մարտին։ 1942 թվականի դեկտեմբերին Առաքելյանը եղել է 526-րդ հրաձգային գնդի, 89-րդ հրաձգային դիվիզիայի հրաձգային բաժնի հրամանատար։ 1941-1943 թվականներին, Հայրենական մեծ պատերազմի ժամանակ, 89-րդ Հայկական հրաձգային դիվիզիայի կազմում մասնակցել է Կովկասի պաշտպանությանը։ 1943 թվականի սեպտեմբերի 18-ին, Նովոռոսիյսկի մոտ Կուրբացկի բնակավայրի ազատագրման ժամանակ, դասակի հրամանատար Առաքելյանն իր մարմնով ծածկել է ֆաշիստական գնդացրի հրակնատը և ապահովել ստորաբաժանման առաջխաղացումը[5]։ Ավագ սերժանտ Առաքելյանը թաղված է Կրասնոդարի երկրամասի Անապայի շրջանի Կուրբացկի տնտեսությունում։
ԽՍՀՄ Գերագույն խորհրդի նախագահության 1944 թվականի մայիսի 16-ի հրամանագրով Սուրեն Առաքելյանին հետմահու շնորհվել է Խորհրդային Միության հերոսի կոչում նացիստական զավթիչների դեմ մղված պայքարում հրամանատարական հանձնարարականների օրինակելի կատարման համար ցուցաբերած խիզախության և հերոսության դիմաց։
Շքանշաններ և պարգևներ
խմբագրել- Խորհրդային Միության հերոսի կոչում (հետմահու) Լենինի շքանշանի և «Ոսկե աստղ» մեդալի շնորհմամբ։
- շքանշաններ
Գրականություն
խմբագրել- Герои Советского Союза։ Краткий биографический словарь / Пред. ред. коллегии И. Н. Шкадов. — М.։ Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- Амирханян М. Д. Армяне — Герои Советского Союза. Ер., 2005. — 202 с.։ ISBN 99930-4-342-7
- Саркисян С. Т. Энциклопедия Арцах-Карабаха. Спб., 2005. — 312 с.։ ил. ISBN 5-9676-0034-5
Ծանոթագրություններ
խմբագրել- ↑ 1,00 1,01 1,02 1,03 1,04 1,05 1,06 1,07 1,08 1,09 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.
- ↑ Наградной лист в электронном банке документов «Подвиг Народа» (архивные материалы ЦАМО, ф. 33, оп. 793756, д. 3, л. 12)
- ↑ Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
- ↑ Անապայի ազատագրման և պաշտպանության համար կռված հերոսներ(չաշխատող հղում)
Արտաքին հղումներ
խմբագրել- Երկրի հերոսները։ Առաքելյան Սուրեն Սմբատի (ռուս.)
- Կուբանի հուշարձաններ Արխիվացված 2016-03-05 Wayback Machine
| Վիքիդարանն ունի նյութեր, որոնք վերաբերում են «Սուրեն Առաքելյան (ԽՍՀՄ հերոս)» հոդվածին։ |
| Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 536)։ |
