Դավիթ Հակոբյան (լուսանկարիչ)

Ծնվել է 1986 թվականի փետրվարի 28-ին Երևանում^[1]։ 2002 թվականին ավարտել է Երևանի թիվ 186 միջնակարգ դպրոցը։ 2002 թվականից զբաղվում է պրոֆեսիոնալ լուսանկարչությամբ։

2008 թվականին ավարտել է Երևանի Խաչատուր Աբովյանի անվան հայկական պետական մանկավարժական համալսարանի կուլտուրայի ֆակուլտետի գեղարվեստական լուսանկարչության բաժինը, իսկ 2010 թվականին նույն բուհում ստացել է մագիստրոսի կոչում^[1]։

2007-2010 թվականներին աշխատել է «Արմենպրես», ապա՝ «Պանարմենիան Մեդիա» լրատվական գործակալություններում՝ որպես ֆոտոլրագրող։ Մասնակցել է մի շարք ցուցահանդեսների Հայաստանում և արտերկում^[1]։

2010 թվականից աշխատում է որպես ՀՀ նախագահի անձնական լուսանկարիչ^[1]։

2016 թվականին Հայաստանի նկարիչների միությունում բացվել է Դավիթ Հակոբյանի լուսանկարների անհատական ցուցահանդեսը^[2][3]։

• Դավիթ Հակոբյանի Ինստագրամում
• Դավիթ Հակոբյանը Թվիթթերում