Հյուսիսարևմտյան ծովանցք

Հյուսիս-արևմտյան ծովանցք, Կանադական արշիպելագի ծովերով ու նեղուցներով անցնող ծովային ուղի Ատլանտյան և Խաղաղ օվկիանոսների միջև: Այն ծովային կարճ ճանապարհով Արևմտյան Եվրոպան կապում է Արևելյան Ասիայի հետ: Հյուսիս-արևմտյան ծովանցք փնտրող առաջին արշավախմբերը կազմակերպվել են 1497-1542-ին, որոնք հայտնագործել են Հյուսիսային Ամերիկայի արևելյան ծովափը: Հետագա արշավախմբերը հայտնագործել են այդ շրջանի մի շարք ծովեր, նեղուցներ, ծոցեր, կղզիներ:Առաջին անգամ Հյուսիս-արևմտյան ծովանցքով արևելքից արևմուտք, երեք ձմեռումներով, ամբողջությամբ անցել է Ռ. Ամունդսենը (1903-1906) «Իյոա» նավով: 1944-ին այդ ծովանցքը նույն ուղղությամբ մեկ նավագնացության ընթացքում անցել է Գ. Լարսենը «Աենթ Ռոք» նավով:

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։