Produción en cadea
A produción en cadea, produción en masa, produción en serie ou fabricación en serie foi un proceso revolucionario na produción industrial cuxa base é a cadea de montaxe, liña de ensamblado ou liña de produción; unha forma de organización da produción que delega a cada traballador unha función específica e especializada en máquinas tamén máis desenvolvidas. Xunto coa fabricación por encargo e a produción por lotes, é un dos tres principais métodos de produción.[1]
.jpeg)
Historia
editarA súa idea teórica nace co taylorismo e foi Ransom Olds quen levou a idea á práctica, inagurando a súa cadea de montaxe en 1901 para construír o seu prototipo denominado Curved Dash.[2] Porén, o sistema de cadea de montaxe tomou popularidade uns anos despois, grazas a Henry Ford, quen tomando a idea de Olds, desenvolveu unha cadea de montaxe cunha capacidade de produción superior e da cal o seu produto emblemático, foi o Ford T. Esta evolución lograda á cadea de montaxe provocaría que o público atribuíse erroneamente a súa invención a Ford, no canto de Olds.[3][4] A finais do século XX, é superada por unha nova forma de organización industrial chamada toyotismo que se profundou no século XXI.
A disciplina do traballo e a procura do control coetáneo e dos tempos de produción do obreiro tiñan un límite obxectivo no século XIX. Este era que o día ten 24 horas e a forma en que o obreiro traballaba tiña unha velocidade determinada aínda en gran parte polo tempo dedicado a fabricar algún obxecto. A división do traballo non abondou para aumentar a velocidade na produción polo que Frederick Taylor traballou a idea de cronómetro co obxectivo de eliminar ese "tempo inútil" ou malgastado no proceso produtivo.
A organización do traballo taylorista reduciu efectivamente os custos das fábricas pero desatendeuse o salario dos obreiros. Iso deu inicio a numerosas folgas e descontento xeneralizado do proletariado co modelo, cousa que Henry Ford corrixiu e con isto logrou tamén unha visible transformación social. O taylorismo recibiu críticas e, tamén, foi ben valorado. A evolución deste modelo produtivo continuaríase no toyotismo.
Notas
editar- ↑ Production Methods, BBC GCSE Bitesize, consultado o 26 de outubro de 2012.
- ↑ Oldsmobile, historia
- ↑ "¿Quien fue Ransom E. Olds?: La primera cadena de montaje". Arquivado dende o orixinal o 17 de maio de 2013. Consultado o 25 de xullo de 2017.
- ↑ Henry Ford no inventó la cadena de montaje
Véxase tamén
editarBibliografía
editar- Beaudreau, Bernard C. (1996). Mass Production, the Stock Market Crash and the Great Depression. Nova York, Lincoln, Shanghi: Authors Choice Press.
- Borth, Christy. Masters of Mass Production, Bobbs-Merrill Company, Indianápolis, IN, 1945.
- Herman, Arthur. Freedom's Forge: How American Business Produced Victory in World War II, Random House, Nova York, NY, 2012. ISBN 978-1-4000-6964-4.