Plymouth, Montserrat

Comezando en xullo de 1995, unha serie de erupcións enormes no volcán Soufrière Hills enviaban fluxos piroclásticos e cinza a unha ampla área do sur de Montserrat, incluíndo Plymouth. Era inmediatamente claro que a cidade estaba en perigo; o 21 de agosto de 1995, piroclasto caía en Plymouth, e en decembro os residentes eran evacuados como precaución. Meses despois, os residentes tiñan permitido volver á cidade, pero o 25 de xuño de 1997, unha erupción masiva producía ondadas piroclásticas que mataron a 19 persoas e alcanzaban case ó aeroporto da illa no lado oriental desta. Plymouth foi outra vez evacuada.

Entre o 4 e 8 de agosto, outra serie de erupcións destruía aproximadamente un 80% da cidade, enterrándoo baixo 1,4 metros de cinza. Este material quente queimaba moitos dos edificios, facendo case imposible a vida dunha grande porción dos residentes.

Os fluxos piroclásticos, lava, cinza e outros tipos de rocha volcánica eran na súa maioría compactos, o que fixo que conseguiran unha densidade similar á do formigón. A eliminación disto requiriría o uso de explosivos, bulldozers e outros recursos demasiado caros para o uso estendido. Ademais, prevíase que a terra debaixo do barro endurecido e lava sería completamente non-arable pola calor dos fluxos piroclásticos.^[1] Plymouth era abandonada e a metade sur da illa era considerada unha zona de exclusión a causa da actividade volcánica que continuaba. O goberno da illa movíase a Brades, aínda que Plymouth seguía sendo de jure a capital do país. En 2013, comezaba a construción dun novo porto e capital do país co nome de Little Bay, na costa norte da illa.