Nigrán

Ten unha superficie de 34,8 km², e abrangue sete parroquias. Está situado no Val Miñor, e limita ao norte con Vigo, ao sueste con Gondomar, ao suroeste con Baiona e ao oeste co océano Atlántico. É un concello costeiro, contando con areais como praia América ou praia de Patos e penínsulas como Monteferro.

As atestacións documentais máis antigas deste topónimo son serodias, do século XIII, e nelas aparece coma nome dunha freguesía pertencente ao arciprestado e xurisdición de Miñor, diocese de Tui.

Segundo o estudo realizado polo catedrático da Universidade de Vigo Gonzalo Navaza, o topónimo Nigrán vén do termo latino "niger" (negro en galego) máis a terminación patronímica -án.^[1]

• Ponte da Ramallosa (San Pedro da Ramallosa);
• Templo Votivo do Mar (Panxón);
• Arco visigótico de Panxón (Panxón);
• Monumento á mariña universal (Monteferro).

O concello de Nigrán conta con sete pazos:

• Pazo de Cadaval-Urzáiz;
• Pazo de Cea;
• Pazo da Touza;
• Pazo de Brito;
• Pazo de Lamelas;
• Pazo de Ceán;
• pazo de Pías.

Nigrán foi tradicionalmente un municipio adicado á pesca de baixura, pero actualmente débese máis ao turismo.

O Nigrán Club de Fútbol, formado no ano 2000, xoga no grupo sur da 1ª Preferente.

•  
  Templo Votivo do Mar de Panxón.
•  
  Illas Estelas e Cabo Silleiro
•  
  Praia América ou de Area Loura, Panxón.
•  
  Capela das Angustias de Nigrán.

Para unha lista completa de todos os lugares do concello de vexa: Lugares de Nigrán.

• Biblioteca Pública Municipal de Nigrán
• Xornal de información do Val Miñor
• Radio Municipal de Nigrán