Heliozoos

Os heliozoos ou Heliozoa (do grego helios, sol, e zoon, animal) son protistas ameboides fagótrofos ^[1], que formaban unha clase nas antigas clasificacións, pero que agora o seu nome se utiliza simplemente como un termo descritivo para protistas con determinado aspecto. Teñen forma aproximadamente esférica con numerosas proxecciones sostidas por microtúbulos chamadas axopodios que irradian cara a fóra desde a superficie da célula. Estes danlles o aspecto característico en forma de sol a partir do cal recibiron o seu nome. As funcións destes axopodios son variadas: captura do alimento, percepción de sensacións e movemento. Os heliozoos son similares a Radiolaria, pero distínguense destes por careceren de cápsulas centrais e doutros elementos esqueléticos complexos, aínda que algúns producen escamas e espiñas simples. Encóntranse en augas doces e mariñas.

Orixinalmente, os heliozoos agrupáronse nunha clase formal denominada Heliozoa ou Heliozoea, pero os distintos ordes que a formaban presentan diferenzas moi salientables e agora considérase que non están relacionados entre si. Actualmente, heliozoo tómase como un termo descritivo que se aplica a varios grupos de protistas, que son os seguintes ^[2]:

Actinophryida (axodinos). Despois foron clasificados como Chromalveolata.
Centrohelida. Hoxe xeralmente clasificados dentro de Hacrobia.
Desmothoracida. Hoxe Rhizaria>Cercozoa.
Dimorphida. Hoxe Rhizaria>Cercozoa.
Gymnosphaerida. Hoxe Rhizaria>Cercozoa.
Sticholonche. Hoxe Rhizaria>Radiozoa.

Varios nucleariida foron anteriormente considerados heliozoos, aínda que non teñen axopodios sostidos por microtúbulos.

Notas

↑ Cavalier-Smith T, von der Heyden S (September 2007). "Molecular phylogeny, scale evolution and taxonomy of centrohelid heliozoa". Mol. Phylogenet. Evol. 44 (3): 1186–203. DOI:10.1016/j.ympev.2007.04.019. PMID 17588778. [1].
↑ Nikolaev SI, Berney C, Fahrni JF, et al (May 2004). "The twilight of Heliozoa and rise of Rhizaria, an emerging supergroup of amoeboid eukaryotes". Proc. Natl. Acad. Sci. U.S.A. 101 (21): 8066–71. DOI:10.1073/pnas.0308602101. PMC 419558. PMID 15148395. [2] Arquivado 10 de abril de 2020 en Wayback Machine..

Véxase tamén

Ligazóns externas

Imaxe do heliozoo Actinosphaerium [3]

[1] Cavalier-Smith T, von der Heyden S (September 2007). "Molecular phylogeny, scale evolution and taxonomy of centrohelid heliozoa". Mol. Phylogenet. Evol. 44 (3): 1186–203. DOI:10.1016/j.ympev.2007.04.019. PMID 17588778. [1].

[2] Nikolaev SI, Berney C, Fahrni JF, et al (May 2004). "The twilight of Heliozoa and rise of Rhizaria, an emerging supergroup of amoeboid eukaryotes". Proc. Natl. Acad. Sci. U.S.A. 101 (21): 8066–71. DOI:10.1073/pnas.0308602101. PMC 419558. PMID 15148395. [2] Arquivado 10 de abril de 2020 en Wayback Machine..

[1]