El Eco Ortegano

Subtitulado Semanario independiente, apareceu o 5 de xaneiro de 1902. Fundado por José Antonio Calvo Montero, cunha orientación liberal, o administrador era Ramón Álvarez Fustes, con Federico Maciñeira na redacción. En febreiro de 1905 pasou a dirixilo Dámaso Calvo Moreiras, fillo do fundador. A partir de 1906 o administrador pasou a ser Manuel Cabarcos. Insería informacións dos concellos da comarca, folletíns, crónicas políticas e traballos vinculados cos emigrantes galegos de América.

Tivo unha segunda época que comezou o 15 de xaneiro de 1911. O cambio de orientación política do seu director desencadeou a modificación da súa tendencia liberal por unha postura máis conservadora. Cesou a súa publicación o 26 de outubro de 1913.

• "Eco Ortegano, El". Enciclopedia Galega Universal. Ir Indo. 1999-2002. ISBN 84-7680-288-9. 
• "Eco Ortegano, El". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 

• Santos Gayoso, Enrique (1990). Historia de la prensa gallega 1800-1986. Cuadernos do Seminario de Sargadelos (en castelán) 52. Sada: Ediciós do Castro. p. 377. ISBN 84-7492-489-8. 

• Lista de publicacións impresas da provincia da Coruña

• Suárez Sandomingo, José Manuel (18/4/2012). "José Antonio Calvo Montero, notario vitalicio de Ortigueira" galiciadigital.com (en castelán)
• Suárez Sandomingo, José Manuel (11/10/2012). "Dámaso Calvo Moreiras, prestigioso abogado y culto escritor" galiciadigital.com (en castelán)