Confederación Española de Derechas Autónomas

A Confederación Española de Derechas Autónomas (CEDA, en galego: Confederación Española de Dereitas Autónomas) foi unha coalición de partidos de dereitas que se formou o 5 de marzo de 1933 en España a partir dun congreso no que apareceron representantes do partido Acción Popular e de Derecha Regional Valenciana, dirixida por Luis Lucía^[1] e posteriormente agruparía a outros máis.

Confederación Española de Derechas Autónomas
Tipo	partido político
Ideoloxía	conservadorismo, direita cristã, antiliberalismo e nacionalismo español
Data de fundación	4 de marzo de 1933
Data de disolución	19 de abril de 1937
Presidente/a	José María Gil Robles (1933-1937)
Sede	Madrid
País	España
Na rede
[ editar datos en Wikidata ]

Entre os fundadores, destacan José María Gil Robles e Ángel Herrera Oria. Contaba con case 500.000 afiliados.

A CEDA era un partido de ideoloxía clerical conservadora e partidaria dun Estado corporativo; aínda que aceptaba a república como forma de goberno, as Juventudes de Acción Popular (JAP) tiñan claras influencias do fascismo italiano.

Nas eleccións de novembro de 1933 converteuse na primeira forza do parlamento e entra no goberno con tres ministros en outubro de 1934. Tralo alzamento franquista, gran parte dos militantes da organización danlles apoio aos sublevados, pero Francisco Franco disólvea en abril de 1937.