Antoatecados

A orde foi descrita en 1992 por Paul F. S. Cornelius,^[1] no seu traballo "Medusa loss in leptolid Hydrozoan (Cnidaria) hydroid rafting, and abbreviated life-cycles among their remote-island faunae: an interim review". En: J. Bouillon, F. Boero, F. Cicogna, J. M. Gili & R. G. Hughes, eds., "Aspects of hydrozoan biology". Scientia Marina 56 (2-3): 245-261.

Ademais de polo nome actualmente válido (2020), a orfe coñeceuse tamén polos sinónimos:^[1]

• Anthoathecatae (ortografía non aceptada de Anthoathecata)
• Anthomedusae· (aceptaddo como sinónimo altenativo, nome proposto por Ernest Haeckel en 1879).^[2]
• Athecata
• Gymnoblastea
• Laingiomedusae

O nome deste grupo está en debate: segundo as fontes, ortografíase como Anthoathecata, Anthoathecatae, ou Anthomedusae.^[1]

A orde subdivídese nas tres subordes:^[1]

• Aplanulata
• Capitata
• Filifera

Ademais existen varios taxons incertae sedis.^[1]

A maioría das especies son formas coloniais que segregan unha estrutura ramificada común sobre a que se implantan os pólipos. Nestas colonias existe unha división funcional entre os pólipos que integran a colonia: algúns teñen funcións alimentarias, e son coñecidos como gastrozoides; outros son defensivos, os dactilozoides, erizados de cnidocitos; e outros, os activos reprodutivamente, son os denominados gonozoides.

Os caracteres diagnósticos do grupo son dous:^[3]

• a carencia de teca nos pólipos, isto é, que son atecados (de aí o seu nome);
• a presenza de tentáculos de morfoloxía variada, de filiformes a capitados.

O seu hábitat preferente é o mariño, aínda que hai xéneros como Hydra que son propios de auga doce. Algunhas especies adoitan dispoñerse en bordos rochosos a pouca profundidade, ben batidos polas ondadas. Outras forman praderías,^[3] e, noutras ocasións, como moitos corais da familia Stylasteridae, habitan en montañas mariñas, a profundidades de até 5 000 m.^[4]

A distribución xeográfica dos representantes do grupo inclúe todos os océanos e latitudes, desde augas polares a tropicais.^[5]

• Bouillon, J. & Boero, F. (2000): "Synopsis of the families and genera of the Hydromedusae of the world, with a list of the worldwide species". Thalassia Salent. 24: 47-296.
• Cornelius, P. F. S. (1992): "Medusa loss in leptolid Hydrozoan (Cnidaria) hydroid rafting, and abbreviated life-cycles among their remote-island faunae: an interim review". En: J. Bouillon, F. Boero, F. Cicogna, J. M. Gili & R. G. Hughes, eds., "Aspects of hydrozoan biology". Scientia Marina 56 (2-3): 245-261.
• Lin, M., Xu, Z.-Z., Huang, J.-Q., Nurul, F., Guo, D.-H., Wang, C.-G. & Chen, B. (2013): "Two new species of Anthomedusae from the Bitung Strait, Indonesia (Cnidaria)". Acta zootaxonomica sinica 38 (2): 246–250.
• Peña Cantero, A. L.; Vervoort, W.; Watson, E. J. (2003): "On Clathrozoellidae (Cnidaria, Hydrozoa, Anthoathecatae), a new family of rare deep-water leptolids, with the description of three new species". Zoologische Verhandelingen 345: 281–296.
• Veron, J .E. N. (2000): Corals of the World. Vol. 3. Townsville, Queensland, Australia: Australian Institute of Marine Sciences.

• Hidrozoos

• Anthoathecata na ADW.
• Anthoathecata na EOL.
• "Phylogeny and Classification of Hydroidomedusae" (en inglés).
• NEAT (North East Atlantic Taxa).