Teruel (provincia)
Teruel
| |||||
.svg)
| |||||
| |||||
| Suidheachadh | |||||
| Dùthaich | An Spàinn | ||||
| Prìomh-bhaile | Teruel City (en) 
| ||||
| Stèidhichte | 1833 | ||||
| Feartan fiosaigeach | |||||
| Farsaingeachd | 14,810 km² | ||||
| Àireamh-shluaigh | 144,607 (2014) | ||||
| Dlùths | 9.76/km² | ||||
| Àireamh fòn | + (978) | ||||
| Duilleag oifigeil | Riaghaltas na Roinne | ||||
.svg)
'S e provincia na Spàinne a tha ann an Teruel (IPA: teˈɾwel, Aragonais: Tergüel, Catalanais: Terol). Tha e na laighe ann an Aragón, air an àirde an ear-thuath na dùthcha. 'S e Teruel a tha na phrìomh-bhaile. Chaidh an roinn a chruthachadh ann an 1833 le Javier de Burgos, a bha na Rùnaire na Stàite agus Leasachaidh aig an àm.[1] B' e an siostam-riaghlaidh ionadail na Frainge a chleachd e mar mhodal. Chuireadh a-steach na Coimhearsnachd fèin-riaghlaidh Aragòin i ann an 1978, nuair a sgrìobhadh Bun-reachd ùr.[2] Sìnidh Teruel fad 14,810km²[3] agus tha 144,607 duine a' fuireach ann.[4] Le sin, 's e an deicheamh roinn as motha na Spàinne a thaobh talmhainn agus an dàrna thè as lugha a thaobh àireimh-sluaigh. Tha crìochan aice le Zaragoza, Guadalajara, Tarragona, Castelló, Cuenca agus València.[5] 'S e Spàinntis, Catalanais agus Aragonais a tha gam bruidhinn an seo.
Freumhan an ainm
deasaichTha e coltach gur ann à Turboleta ann an Basgais-Ibearais a tha an t-ainm, agus thathar dhen bheachd gu bheil sin a' ciallachadh Àite na Tobrach bho itur + olu + eta. Chaidh sin atharrachadh gu تيروال (Tirwaal) ann an Arabais.[6] An dèidh nan Arabach nochd an dà fhoirm a tha againne an latha an-diugh: Terol ann an Catalanais agus Teruel ann an Spàinntis. Tha an fhuaimreag o air atharrachadh dhan dhà-fhoghair ue (/ɔ/ gu /wo/), rud a tha a' tachairt daonnan sa chànan sin.[7] Mar a b’ àbhaist san Spàinn, b’ e dìreach ainm a’ bhaile a bu motha sa sgìre a chuireadh air an roinn.
Iomraidhean
deasaich- ↑ Ethnoterritorial Concurrence and Imperfect Federalism in Spain
- ↑ Constitución Española de 1978
- ↑ Infoalso
- ↑ Classora
- ↑ Instituto Geográfico Nacional
- ↑ Gargallo Moya A., El Concejo de Teruel en la Edad Media I. Teruel, ISBN 84-86982-64-2.
- ↑ Boletín de Filología