Sipke Veenstra

Sipke Veenstra (Garyp, 7 jannewaris 1924 – Drachten, 14 july 2002)^[1] wie in Frysk dichter, skriuwer fan koarte ferhalen en muzykman. Hy skildere ek wat, mar neamde himsels dêryn yn in fraachpetear "in pielder."

Sipke Veenstra boaske oan Siebrigje Bos (1926-1991). Fan harren fjouwer bern binne Jehannes Veenstra, sjonger fan De Healers, en Hinke Veenstra, tekstskriuwster en fotografe, de artistike kant opgien.

Guon fan Sipke Veenstra's gedichten waarden, koart nei syn ferstjerren op muzyk set troch in pakesizzer, de Fryske komponist Sipke Hoekstra.