Baron

Dizze side giet oer de aadlike titel baron. Foar oare betsjuttings, sjoch: Baron (betsjuttingsside).

Baron is ien fan 'e leechste aadlike titels, yn rang krekt boppe in jonkhear, mar ûnder in boarchgreve. De froulike foarm is baronesse, en it gebiet dêr't in baron oer hearsket, is in barony. It wurd baron komt fan it Aldfrânske baron, dat weromgiet op it Latynske baro, dat "man", "tsjinstfeint", "soldaat" of "hierling" betsjut. It Latyn hie it wurd mooglik út it Aldfrankysk, dêr't it besibbe wie oan it Aldingelske beorn, dat "kriger" of "ealman" betsjutte. As dat wier is, soe it wurd 'baron' dus fan Germaanske oarsprong wêze.