Orbitaal

At Orbitaal as en ütjdruk uun a kwantenmechaanik an beskraft mä matemaatisk funksioonen, huar en elektron trinjam en atoomkial ham woorskiinelk aphäält.

Iar mend'am, a elektroonen flä trinjam en atoomkial üüb en fääst boon so üs a muun trinjam a eerd. Daalang witj'am, dat jodiar elektroonenboonen bluas di rüm san, huar en elektron ham woorskiinelk aphäält.

Klasifikatsion

Orbitaalen faan't iarst elektroonenrüm (s mä 2 elektroonen) an ööder elektroonenrüm (p mä 8 elektroonen).

Orbitaalen wurd iindiald efter jo trii kwantentaalen $\,n,\,l,\,m_{l}$ .

1. kwantentaal $n\,$ : Rüm

Det iarst kwantentaal $n=1,\,2,\,3\,\ldots \,$ beskraft di elektroonenrüm, huar det orbitaal tuhiart. At taal faan orbitaalen bereegent ham ütj $n^{2}\,$ . En elektroonenrüm hää ei muar üs $2\cdot n^{2}\,$ elektroonen.

2. kwantentaal $l\,$ : Furem

Det ööder kwantentaal $l=0,\,1,\,2,\,\ldots ,\,(n-1)\,$ beskraft det furem faan en orbitaal. Uun steed faan taalen 0, 1, 2, ... woort det ööder kwantentaal uk mä buksteewen s, p, d, f, g betiakent.

Furem faan't p-Orbitaal
(

l=1

).

Furem faan d-Orbitaalen (

l=2

).

Furem faan f-Orbitaalen (

l=3

).

Nööm	Ual bedüüdang	Ööder kwantentaal	Furem	Bereegnang $2l+1$
s-Orbitaal	sharp	$\,l=0$	Kuugel	1
p-Orbitaal	principal	$\,l=1$	Sunklook	3
d-Orbitaal	diffuse	$\,l=2$	Swäärs sunklooken	5
f-Orbitaal	fundamental	$\,l=3$	Roseten	7
g-Orbitaal	(gongt efter't alfabeet widjer)	$\,l=4$	?	9
h-Orbital	(gongt efter't alfabeet widjer)	$\,l=5$	?	11

Magneet-Kwantentaal $m_{l}\,$

Det magneetkwantentaal as en winkelfunktjuun an diarför feroontwurdelk, dat at bi't 2. kwantentaal $l\,$ akeroot $2l+1\,$ ünlik furmen faan orbitaalen jaft.

Luke uk diar

Commonskategorii: Orbitaalen – Saamlang faan bilen of filmer

Orbitaal

Klasifikatsion

1. kwantentaal n {\displaystyle n\,} : Rüm

2. kwantentaal l {\displaystyle l\,} : Furem

Magneet-Kwantentaal m l {\displaystyle m_{l}\,}

Luke uk diar

1. kwantentaal $n\,$ : Rüm

2. kwantentaal $l\,$ : Furem

Magneet-Kwantentaal $m_{l}\,$