Txurdinaga
Txurdinaga Bilboko auzoa da. Bilboko hirugarren barrutian kokatuta dago, Otxarkoaga-Txurdinagako barrutian alegia. Auzoak 109,67 hektareako azalera dauka eta 17.976 biztanle (2004ko datuen arabera).
| Txurdinaga | |
|---|---|
 Euskal Herria | |
 Gabriel Aresti etorbidea Txurdinagan. | |
 | |
| Kokapena | |
| Herrialdea |  Bizkaia |
| Udalerria | Bilbo |
| Geografia | |
| Koordenatuak | 43°15′25″N 2°54′27″W / 43.2569°N 2.9075°W |
| Azalera | 1,10 km² |
| Demografia | |
| Biztanleria | 14.851 (2023) |
| Dentsitatea | 13.501 bizt/km² |
1970eko hamarkada hasiera arte, auzoan baserriak eta ortuak baino ez zeuden. Gerra Zibilaren osteko hazkundeak eta hiriko beste guneetan zegoen toki eskasiak bultzatuta milaka etxebizitza eraiki ziren auzoan.
Hirigintza kaotikotik aldenduz, auzoak kale eta etorbide zabalak ditu, eta parkeak nagusi dira, esaterako Europa Parkea. Horrela, etxebizitza altuak pilatu egin ziren, 12-13 solairudun dorreetan. Ondorengo hamarkadetan etxebizitza gehiago eraiki ziren, Bilboko zabalgune berri horretan. Egun, auzoak ez du ia eraikitzeko tokirik.[1]
2007tik, EuskoTrenen Metroaren Hirugarren lineak auzoa hiriaren erdigunearekin eta aireportuarekin lotzen du.
- Begoñako Errepublikaren mapa topografikoa (1925)
-
-
-
-
Berdeguneak
aldatuAuzoak kale eta etorbide zabalak ditu. 1988an, Europa parkea sortu zen (Bilboko parke sinbolikoenetako bat da). Europa parkeak 107.000 metro koadroko azalera du eta hainbat zuhaitz mota daude bertan, baita ahateak dituen aintzira bat.
Merkatua
aldatuDenda gehienak Txomin Garat eta Julian Gayarre kaleetan daude. Hauez gain, auzoak zenbait supermerkatu ditu.
Elizak
aldatuBi eliza daude, garrantzitsuena Birjinetxe deritzana izanik.
Kirola
aldatuTxurdinagan udal-kiroldegi handi bat dago, Europa parkearen ondoan. Han, kirol modalitate asko praktika daitezke: saskibaloia, futbola, tenisa, igeriketa, eta abar.
Hezkuntza
aldatuTxurdinagan bi ikastola (Begoñazpi eta Kirikiño) eta institutu eta ikastetxe batzuk (Gabriel Aresti institutua, Txurdinaga-Behekoa Institutua, Pio Baroja, Txurdinaga-Artabe, eta Artatxe) daude.
Osasuna
aldatuOsasun zentro bat dago, Txomin Garat eta Gabriel Aresti kaleen artean.
Garraiobideak
aldatuTxurdinaga Bilbo erdigunearekin autobus eta taxien bidez lotuta dago.
| Linea | Ibilbidea | Maiztasuna (minutuak) |
|---|---|---|
| 03 | Plaza Biribila - Otxarkoaga | 10´ |
| 13 | San Inazio - Txurdinaga | 12´ |
| 30 | Txurdinaga - Miribilla | 15´ |
| 34 | Otxarkoaga - Santutxu | 30´ |
| 38 | Otxarkoaga - Termibus | 15´ |
| 43 | Garaizar - Santutxu | 30´ |
| G2 | Otxarkoaga - Plaza Biribila | 30´ |
| A-3631 | Bilbao - Galdakao Begoñatik | 20´ |
| A-2321 | Santutxu - UPV/EHU autopistatik | 30´ |
Elkarteak
aldatuKale Dor Kayiko euskal ijito elkarteak Txurdinagan dauka egoitza nagusia, Otxarkoaga, Erandio, Portugalete eta Irunen ere ordezkaritza bana duen arren.
Kale garrantzitsuenak
aldatu- Txomin Garat etorbidea
- Julian Gaiarre etorbidea
- Gabriel Aresti etorbidea
- Jesus Galindez etorbidea
Iruditegia
aldatu-
Garai lorategiak.
-
Mrs. Leah Manning lorategiak.
-
Txomin Garat etorbidea.
-
Txurdinagako etxeak.
Ikus, gainera
aldatuKanpo estekak
aldatu| Euskarazko Wikipedian bada atari bat, gai hau duena: Bilbo |
- (Gaztelaniaz)Kale Dor Kayikoren webgunea
- ↑ Bilbao Kultura. (2015-02-02). Begoña Herri Garaia - Begoña, Un Pueblo de Altura. (Noiz kontsultatua: 2024-08-02).