Tortilla Flat

Liburuak paisano talde baten istorioak kontatzen ditu. Horiek mexikar jatorrizko biztanle pobreak dira. Dannyk, protagonista denak, eta bere lagunek bizitza xahutzen dute mozkortzen, borrokatzen eta arlote gisa, Dannyk bere aitonarengandik bi etxe herentzia gisa jasotzen dituen arte. Batean Danny biziko da eta bestean bere lagun batzuk, bigarren etxea sute batean desagertzen den arte. Handik aurrera, lagun guztiak Dannyrekin biziko dira. Etxeak ordena pixka bat jarriko dio taldearen bizitzari. Etxeak Mahai Biribilaren antza hartuko du eta Dannyren adiskideek, beraz, hango zaldunen antza.

• Danny: protagonista eta paisanoen gidaria. Hogeita bost urte zituenean Lehen Mundu Gerrara joan zen. Talde osoaren ongizatea bere ardura da.
• Pilon: taldeko pentsalaria da. Ataka gaiztoan egotean, berak bilatzen ohi du irtenbidea.
• Pablo: oso ulerkor agertzen da bizitzak bidaltzen dituen mezuen aurrean. Badaki noiz mintzatu eta noiz ez eta beti ematen du zuzena egiten duela.
• Jesús María Corcoran: oso bihozbera da. Beti dago bera baino txartoago daudenak laguntzeko asmoz.
• Pirata: oso inuxentea da. Hasieran, taldekoak saiatu ziren berataz aprobetxatzen, baina Pirataren ontasunak erakarri zituen. Bai etxean bai kanpoan beti dago bere bost txakurrekin: Pajarito, Rudolph, Enrique, Fluff eta Señor Alec Thompson. Txakurrek lagundu eta babesten dute.
• Big Joe Portagee: gauza onak egitera behartu behar dute lagunek. Sarritan gaiztakeriak egiten dute, zer egin behar duen ahazten duelako.