Steve Martin
Steve Martin (Waco, Texas, 1945eko abuztuaren 14a) estatubatuar antzezlea eta gidoigilea da. Zinema-antzezle gisa da, batez ere, ezaguna, baina Emmy saria irabazi zuen 1960ko hamarraldi amaieran Smothers Brothers Comedy Hour sailerako idatzitako gidoiengatik.
Biografia
aldatuUmorezko saioetan hasi zen antzezle, hark idatzitako testuak interpretatuz; 1970eko hamarraldiaren erdialdera egin zen ezaguna, telebistako agerpenei esker, Saturday Night Live saioari esker batez ere.
Zinemagintzari dagokionez, 1980ko hamarraldian lortu zuen ospea. Lehenengo pertsonaia ezaguna The Jerk (1979, gidoia idazten ere parte hartu zuen) filmean egin zuen, eta handik bi urtera lortu zuen erabateko ospea Herbert Rossen Pennies from Heaven ("Zerutik eroritako sosak") tragikomedia musikal umore beltz garratzarekin. Ondoren Little Shop of Horrors filmean lan egin zuen eta 1987an Roxanne interpretatu zuen (berak idatzi eta Fred Schepisik zuzendua). Azkenik, aipatzekoak dira, besteak beste, "Bezero hilak ordaindu beharrik ez" (1982an lankidetzan sortua eta Carl Reinerrek zuzendua), "Planes, Trains and Automobiles" (1987) John Hughesena, "Three Amigos" (John Landis) eta Ron Howarden "Etxe baketsua, batzuetan!" (1989).
Erreferentziak
aldatu| Wikimedia Commonsen badira fitxategi gehiago, gai hau dutenak: Steve Martin |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.