Lausodura

Lausodura irudiaren tonua leuntzeko oinarrizko pintura geruzari zenbait kapa fin-fin eta garden eranstea da. Horretarako beheko kapak zeharo lehor egon behar du, eta berau olio-pintura zein pintura akrilikoa izan ahal da. Gainetik erantsitakoa, berriz, olio-pinturazkoa besterik ezin da izan. Lortutako eremu-sakonera eta gardentasuna bikainak dira eta margolariek sarritan darabilten teknika da. Teknika hau oso erabilia izan zen Pizkunde garaian.