Giovanni Michelucci
Giovanni Michelucci (Pistoian, Toscana, 1891ko urtarrilaren 2a - Fiesole, 1990eko abenduaren 31) italiar arkitekto, urbanista eta diseinatzailea izan zen. Proposamen arkitektoniko berritzaileekin egindako lanaren bidez egin zen ezaguna, 20. mendeko Italiako arkitekto garrantzitsuenetako bat izan zelarik. Bere lanik adierazgarrienak dira Florentziako Santa Maria Novella tren geltokia eta Eguzkiaren Autobideko eliza, brutalismoaren adibidetzat jotzen dena, Toscanako autobideen gurutzabide batean[1].
| Giovanni Michelucci | |
|---|---|
 | |
| Bizitza | |
| Jaiotza | Pistoia, 1891ko urtarrilaren 2a |
| Herrialdea |  Italiako Erresuma (1891ko urtarrilaren 2a - 1946ko ekainaren 18a) Italia (1946ko ekainaren 18a - 1990eko abenduaren 31) |
| Heriotza | Florentzia, 1990eko abenduaren 31 (99 urte) |
| Hezkuntza | |
| Hizkuntzak | italiera |
| Jarduerak | |
| Jarduerak | arkitektoa |
| Enplegatzailea(k) | Boloniako Unibertsitatea |
| Lan nabarmenak | ikusi
|
| Kidetza | Accademia delle Arti del Disegno (en)  |
Ibilbide profesionala
aldatuGerran Michelucciren lehen lana I. Mundu Gerraren kontestuan egin zuen, Casale Ladra izeneko gerrako fronte inguruan kapera bat izan zelarik (Caporetto inguruan, gaurko Eslovenian).
Geroago, bere lanek sarritan berreraikuntzako kutsu sozial bat izan zuten, adibidez II. Mundu Gerraren ostean Florentziako erdigunea berreraikitzea, Longaroneko eliza Vajont urtegiko tragediaren ondoren, eta Florentziako 1966ko uholde hondamendizkoaren ondoren Santa Croce inguruko auzoaren ber-urbanizazio plana.
100 urte bete baino bi egun lehenago hil zen 1990eko abenduaren 31ko gauean, Fiesoleko bere estudioan, Florentzian. Gaur egun bere izena duen Fundazioaren egoitza nagusia hantxe dago.
Lanen iruditegia
aldatu-
Santa Maria Novella geltokia, barrualdeko detailea, 1935.
-
Livornoko Piazza Matteottiko etxeorratza, 1966.
-
Longaroneko eliza, 1976.
-
Santi Pietro e Girolami eliza, Pistoia bere jaioterrian, 1951.
Erreferentziak
aldatu- ↑ Tamarindo. (2014-11-15). «Se guardo nel caleidoscopio: Architettura brutalista 1» Se guardo nel caleidoscopio (Noiz kontsultatua: 2020-09-15).