Eulemur

Eulemur (grekeraz: benetako lemurrak) Lemuridae familiako primate genero bat da. Madagaskarren baino ez dira bizi. Euren larrua marroia-arrea da eat horregatik batzuetan lemur marroi izena ematen zaie. Batzuetan dimorfismo sexuala egoten da kolorazioan. 30etik 50 zentimetrora neurtzen dute eta isatsa gorputza baino nabarmenki handiagoa da. 2tik 4 kilogramora arteko pisua dute.

Eulemur
Irudi gehiago
Sailkapen zientifikoa
Klasea	Mammalia
Ordena	Primates
Familia	Lemuridae
Generoa	Eulemur Simons eta Rumpler, 1988
Espezieak
Eulemur macaco Eulemur fulvus Eulemur sanfordi Eulemur albifrons Eulemur rufus Eulemur rufifrons Eulemur collaris Eulemur cinereiceps Eulemur mongoz Eulemur coronatus Eulemur rubriventer Eulemur flavifrons

Egunez bizi dira, baso zein oihanetan gehienak eta batzuk baso lehorretan. Lurrean mugitzen direnean lau hanken gainean egiten dute. Batez ere loreak, fruituak eta hostoak jaten dituzte. Batzuetan intsektuak ere jaten dituztela ikusi da.

Haurdunaldiak 125 egun irauten ditu eta kumaldia udan zehar edo udazkenaren hasieran izaten da. Normalki bi kume izaten dituzte kumaldiko. Kumeak helduak dira 18 hilabeterkin eta euren bizi-itxaropena 18 urtekoa da.