Erritual

Errituala errituaren ekintza da, erlijio bateko liturgiak arauturiko zeremonia.^[1] Adierazpen-multzo bat da, gizarte edo talde baten baitan, modu bertsuan, maiz errepikatzen dena eta balio sinbolikoa daukana, hala nola ezteiak, Donibane jaiko suak, txikiteoa eta lagun-talde baten aldiroko afariak eta gaupasak. Erlijioarekin, nortasun etniko eta sozialarekin eta beste zenbait gizarte-erakunderekin loturik daude; era berean, erakundetuak (ikurrina altxatzea herriko jaietan, adibidez) nahiz informalak (lagunarteko afaria, kasu) izan daitezke.