Dentsitate (argipena)

Dentsitate hitza hainbat esanahi eta erabilera dituen terminoa da. Oro har, termino honek adierazten du zenbat elementu dauden espazioko luzera, azalera edo bolumen-unitate bakoitzeko. Baina jakintza-arlo bakoitzean ezaugarri bereziak hartzen dira kontuan zein dentsitate-motari buruz ari garen zehazteko.

Zientzia eta teknikan

Fisika

Fisikan, hainbat arlotan erabiltzen da “dentsitate” kontzeptua. Batetik, “dentsitate” hitz hutsa erabiltzen denean, "bolumen-unitateko masa" adierazteko izaten da —"dentsitate masikoa" edo "masa-dentsitatea" ere esaten zaio—. Bestetik, bestelako magnitude fisikoren dentsitateak ere erabiltzen dira, eta dentsitate horiek bereizteko, hitz elkartuak erabiltzen dira, dagokien magnitudearen izena espreski aipatuzrekin. Horiek guztiak ondoren datorren taula eskematikoan adierazi dira.

MAGNITUDE FISIKOA	KONTZEPTUA	SI sistemako unitatea
dentsitatea, dentsitate masikoa	bolumen-unitateko masa	${\text{kg m}}^{-3}$
fluxu magnetikoaren dentsitatea	azalera-unitateko indukzio magnetikoa	${\text{kg s}}^{-2}{\text{A}}^{-1}$
energia-dentsitatea	bolumen-unitateko energia	${\text{J m}}^{-3}$
bero-fluxuaren dentsitatea	azalera-unitateko potentzia	${\text{W m}}^{-2}$
karga elektrikoaren dentsitatea	bolumen-unitateko karga elektrikoa	${\text{C m}}^{-3}$
korronte elektrikoaren dentsitatea	azalera-unitateko korronte elektrikoa	${\text{A m}}^{-2}$
dentsitate optikoa	distantzia-unitateko argiaren absortzioa	${\text{m}}^{-1}$
dentsitatea mekanika kuantikoan	partikula aurkitzeko probabilitatea	${\text{m}}^{-3}$

Matematika

Matematikan, dentsitate kontzeptua hainbat arlotan erabiltzen da:

Estatistikan, probabilitate-dentsitat ea deritzon funtzioak gertaeren probabilitatea deskribatzen du espazio jakin batean.
Topologian, kontzeptu hauek definitzen dira: multzo dentsoak eta inon dentso ez diren multzoak.
Grafoen teorian, grafo baten dentsitatea esteka posible guztiekiko konparazioan grafo batek dauzkan esteken proportzioa.

Elektronikan eta telekomunikazioetan

Material eroale bateko korronte elektrikoaren dentsitatea gainazal baten azalera-unitatea zeharkatzen duen korrontea da.
Zarataren dentsitate espektrala sistema elektroniko baten zarata-maila definitzeko kontzeptu bat da.

Giza eta gizarte-zientzietan

Soziologian eta Geografian

Demografian eta populazioen biologian, populazioaren dentsitatea erabiltzen da, azalera-unitateko espezie bateko zenbat izaki edo banako dauden adierazteko.

Hirigintza

Hirigintza edo urbanismoan dentsitate hitza azalera-unitateko zenbat elementu urbanistiko dauden adierazteko erabiltzen da hala nola zenbat egoitza, zerbitzu, enplegu… dauden kontabilizatzeko.