Daría Vilariño Pintos
Daría Vilariño Pintos (Santiago de Compostela, Pontevedra, Galizia, 1928ko urtarrilaren 26a - ib., 2020ko urriaren 15a) galiziar liburuzaina, irakaslea, eta Santiago de Compostelako Unibertsitateko Liburutegia zuzentzen lehen emakumea izan zen.
| Daría Vilariño Pintos | |
|---|---|
| Bizitza | |
| Jaiotza | Santiago de Compostela, 1928ko urtarrilaren 26a |
| Herrialdea |  Galizia |
| Heriotza | Santiago de Compostela, 2020ko urriaren 15a (92 urte) |
| Familia | |
| Haurrideak | ikusi
|
| Hezkuntza | |
| Heziketa | Santiago de Compostelako Unibertsitatea |
| Hizkuntzak | gaztelania galiziera |
| Jarduerak | |
| Jarduerak | liburuzaina, idazlea eta unibertsitateko irakaslea |
| Enplegatzailea(k) | Santiago de Compostelako Unibertsitatea (1973 - 1993) |
| Jasotako sariak | ikusi
|
| Kidetza | Artxibozain, Liburuzain eta Arkeologoen Kidego Fakultatiboa |
Biografia
aldatu1950. urtean Filosofia eta Letretan lizentziatu zen Santiagoko de Compostelako Unibertsitatean (USC) . Zientzia psikologiko eta sozialetan aditua (psikologia, historia, soziologia, etab.) eta artxibo eta liburutegietan espezializatua da.[1]
Lan ibilbidea
aldatuLehen lana Santiagoko Liburutegi Publiko zaharrean egin zuen (Casas Reais kalean). 1957an Santiago de Compostelako Unibertsitate Liburutegian (BUSC) sartu zen. 1970ean zuzendariordea eta 1973an zuzendaria izan zen, 1993an erretiroa hartu zuen arte.[1][2][3]
Bibliologia-eskolak eman zituen USCn. Eta Galiziako Liburutegien Lankidetzarako Kontseiluan, Kultura Sailean, USCren liburutegiko zuzendari gisa, eta Galiziako Cidade da Cultura Fundazioan aditu gisa aritu zen. [4][5]
Haren helburuetako bat «unibertsitate-liburutegi» kontzeptua gauzatzea izan zen.[5] Etorkizuneko liburuzainak prestatzeko eskola jarri zuen abian, eta horrek Galizian sektore hori profesionalizatzen lagundu zuen. Aktiboki hartu zuen parte Conpostelako Kulturaren Hiriaren sorreran.[6]
Lana
aldatuGutxienez sei argitalpen egin zituen. Hauexek dira aipagarrienak:
- Un manuscito sevillano del siglo XIX en la Biblioteca Universitaria de Santiago de Compostela
- La diócesis de Tuy hasta 1100
- O libro galego onte e hoxe: catálogo da Exposición bibliográfica, Santiago, maio-xuño 1979
- Alcalá de Henares: academia bíblica y renacentista
- La Biblioteca Universitaria y sus riquezas; Exposición cartográfica. Mapas de la Biblioteca General de la Universidad siglos XVII, XVIII y XIX.[2]
Bizitza pertsonala
aldatuBere familiaren artxibo pertsonala, Vilariño Pintos, Galiziako Artxiboari eman zion. XIX. eta XX. mendeetan familiako kideen ondare eta lanbide izaerako dokumentuak biltzen ditu, besteak beste, Eduardo Vilariño Pintos nebarenak.[7] 2015. urtean Cidade da Cultura elkarteak Memorias de familia. O fondo Vilariño Pintos no Arquivo de Galicia izeneko erakusketa antolatu zuen, Vilariñok utzitako dokumentu-ondarearekin.[2]
Sariak eta aintzatespenak
aldatuErreferentziak
aldatu- ↑ a b c «El Consello da Cultura Galega incluye la trayectoria de la bibliotecaria Daría Vilariño en el Álbum de Galicia» Galiciapress 15 de marzo de 2023.
- ↑ a b c Pesar por la muerte de Daría Vilariño, histórica bibliotecaria de la USC. 16 de octubre de 2020.
- ↑ Daría Vilariño Pintos en MulleresExpertas.
- ↑ a b Barrera 2000.
- ↑ a b Pardo Gómez, María Virtudes. (13 de marzo de 2023). «Daría Vilariño» Álbum de Galicia doi:..
- ↑ Marquina, Julián. (2023-03-22). «Daría Vilariño, una bibliotecaria gallega reconocida por su labor en la promoción de la cultura» Julián Marquina.
- ↑ «Adiós a la primera mujer que dirigió la biblioteca de la Universidade de Santiago» La Voz de Galicia 2020-10-16.
- ↑ «Medallas de Galicia. 1993» Xunta de Galicia.