Aurora von Qvanten
Aurora Magdalena von Qvanten, jaiotzez Örnberg (Piteå, 1816ko irailaren 12a – Stockholm, 1907ko martxoaren 30a), Turdus Merula izengoitiaz ere ezaguna, suediar idazle, itzultzaile eta margolaria izan zen.
| Aurora von Qvanten | |
|---|---|
| Bizitza | |
| Jaiotzako izen-deiturak | Aurora Magdalena Örnberg |
| Jaiotza | Piteå hiriko parrokia, 1816ko irailaren 12a |
| Herrialdea |  Suedia |
| Heriotza | Kungsholm parish (en)  , 1907ko martxoaren 30a (90 urte) |
| Familia | |
| Ezkontidea(k) | Emil von Qvanten (en) |
| Jarduerak | |
| Jarduerak | itzultzailea, autorea eta artista |
| Izengoitia(k) | Turdus Merula |
Bizitza
aldatuCarl Jacob Örnberg Piteåko alkatearen eta Helena Catharina Degermanen alaba, Aurora Örnberg 1816an jaio zen. 1857an Emil von Quanten finlandiar idazle, kazetari eta liburuzainarekin ezkondu zen. Emil Finlandiako familia noble batetik zetorren, Karlos XV.a erregearen liburuzain gisa aritu zen eta 1853an Suediako herritar bihurtu zen[1]. Ez zuten seme-alabarik izan[2].
1856an Smått och gott eta När och fjerran: roande berättelse för barn från nio till fjorton års ålder haurrentzako ipuin bildumak argitaratu zituen modu anonimoan. Eleberriak eta aldizkarietarako artikuluak ere idatzi zituen eta ingelesezko, alemanezko eta frantsesezko idazlanak suedierara itzuli zituen, George Eliotenak eta Ouidarenak barne[2]. Frantsesezko hainbat antzezlan eta opereta ere itzuli zituen, eta Suedian antzeztu zituzten. Hainbat artikulu eta itzulpenerako Turdus Merula izengoitia erabili zuen (zozoaren latinezko izena). Von Qvantenen itzulpenik ospetsuena Mila gau eta bat gehiago da, Gustav Weilen alemanezko edizioan oinarritua[1]. Idazteaz eta itzultzeaz gain, margotu zuen eta Jenny Lind abeslariaren erretratua sortu zuen[2].
Bizitzaren amaieran, von Kwanten senar-emazteak Italiara joan ziren, Capri uhartera, Emilen osasun arazoak zirela eta. 1903an alargundu ondoren, Aurora von Qvanten Suediara itzuli zen eta Stockholmen hil zen 1907an[2].
Lanak
aldatu- Tantens glömska: monolog-vådevill i 1 akt (1862)
- En nyårsafton i Norrland (1867)
- Rosa Arntson (1868)
- Två månader i Rhentrakterna under kriget 1870 (1870)
- Vid drottning Lovisas begrafning (1871)
- En roman på landsbygden: skildringar från Norrland (1880)
- Musikerns dotter: romantiserade bilder från Carl XIV Johans tid (1881)
- Från skilda kretsar: berättelser (1885)
- Sällsamma historier (1890)
Haur eta gazteentzako liburuak
aldatu- När och fjerran : roande berättelse för brn från nio till fjorton års ålder (1856)
- Smått och godt: berättelser för barn, från 9 till 14 års ålder (1856)
Itzulpenak
aldatu- François Ponsard. Horatius och Lydia: komedi i en akt (1864)
- Gray Nick. Capitola: skildring från lifvet i Amerika (1865)
- George Eliot. En kärlekshistoria af George Eliot (1867)
- Ernest Legouvé. Qvinnans historia (1867)
- Spökhistorier vid julbrasan (1868)
- Tusen och en natt: med flera hundra i texten intryckta illustr. (1875)
- Om vården af utseendet (1877)
- Octave Feuillet. Filips flammor (1877)
- Ouida. Mott och mal: nutidsskildring (1885)
Erreferentziak
aldatu- ↑ a b (Suedieraz) Furuland, Gunnel. «Aurora von Qvanten, 1816–1907» Svenskt översättarlexikon (Noiz kontsultatua: 2024-12-19).
- ↑ a b c d (Ingelesez) Neuhauser, Charlott. «Aurora Magdalena von Qvanten» Svenskt kvinnobiografiskt lexikon 2018-03-08 (Noiz kontsultatua: 2024-12-19).