Louis-Jacques Thenard

Frantses kimikaria (La Louptière, 1777 - Paris, 1857). Kimikaren oinarriak azaltzen dituen obra garrantzitsu bat argitaratu zuen 1813-1816 bitartean, lau liburutan banatua. Metalen sailkapen berezi bat aurkeztu zuen, bere izena daraman urdin kolore-mota prestatzeko formula ezagutarazi zuen (Thenard urdina, portzelana koloreztatzeko erabiltzen dena), eta ur oxigenatua (1818) eta boroa aurkitu zituen.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.